節錄元帥
我的一位好友唔識炒股, 亦唔睇股市, 多年來有閒錢就買煤氣, 後來沽清, 賺了一大筆, 簡單就是最好
我的另一位好友唔識炒股, 亦唔睇股市, 多年來只得一隻匯控(是公司分派的), 一直坐艇, 所托非人
曾聽一位高人說(忘記他是誰), 如果要花大量時間來投機/投資, 這就不是一項好的投機/投資
想為資產增值, 跑贏通脹, 應該去投資, 而不是投機
投機短炒的散戶十賭九輸, 入市本來想執少少, 結果係蝕多多, 有違原意, 所以我唔贊成短炒, 更加唔贊成投入大額資金入市, 因贏面低, 風險高
好似C6偶爾炒下優質股就可以, 散戶炒得愈密, 贏面愈低, 我曾經留言講過, 當連贏兩三鋪, 又或者大賺了, 就應離場觀望, 抖一抖, 暫停睇市及入市, 因為以散戶的能力, 不可能連贏五六鋪, 如果大賺或連贏兩三鋪後心紅, 以為可乘勝追擊, 多數會嘔突盈利, 以前我試過, 係經驗之談
大家於網上相識, 是一種緣分,我的人品與誠信如何,你可自行分辨,我係真心俾忠告,寫了幾千字,歸納幾個重點
~ 戒或減少短炒
~ 港股處於低潮時趁大插中線倉要分注入貨,A股或ETF較安心
~ 港股大鱷愛舞高弄低炒波幅,升夠就會插,要耐心等候,不宜高追,要有心理準備俄烏會出事,股市仍會有大震盪,空軍仍未放手,愈升愈加沽,必有後著
~ 不要同時炒中港美三地股市,因為當遇上大跌市,嚴重虧蝕,就會影響心情,因而作出錯誤決定
~ 趁清了短炒倉,空閒時睇財經視頻及我推介的軟件教學片
其實大家都係股場小散戶,命運和心態都係一樣,我講咗好多次離場唔睇市唔寫文,結果仍離不開,希望5月能成功啦!短炒真的令人身心疲累四,每次炒中一個方向,當大市失驚無神轉回,盈利就化為烏有
今次想改為一個月只炒幾鋪,以及儲貨做中線(三分二A股,三分一港股)