11月份財經留言版
11月份開新局~反彈在望 升 升 升 升
恆指已連跌四天(27~30/10),炒一周期權的淡友今日可能已食胡,今年恆指未試過連跌五天或以上,所以下周初開局理應反彈,通常跌穿平均線都不會一去冇回頭,市弱上去吻別, 市強就會收復平均線再沖頂
由於10月份壓低收,報24107 (高位24970), 已回吐10月份大部份升幅,10月收市門檻低,令11月較易收升,首先要假設11月係收升月,多數係月初見底,下旬才見頂,應市策略係逢低買上做好友
10月份恆指主力在24000~25000之間游走,30/10收24107, 由高位24970已回吐近千點,跌至波動區間下方,現水平造淡值博率低,滙債形勢已好轉,有利股市, 不過出入市不要太勇進,富貴如浮雲,賺錢輸錢快來快去袋唔穩,下周美國大選, 無論做好做淡 ,真係要萬分小心
日前預測10月尾結算周回吐目標24000~24200,如有壞消息,11月就會隊穿24000再下試前底,如有好消息就上破25000挑戰25500, 今日低位24030,已回吐941點,剛好達標, 反彈在望, 市強未見大頂的話, 通常跌600~800點食1~2口牛就會反彈,再挑戰前頂
本周(27~30/10)恒指有843點周波幅,為今個月最大周波幅,結束4周升勢,真係撐埋結算及螞蟻ipo就縮手,等下周開新局再玩過
10月結算周港股打破慣性走勢跌足全個星期,按照慣性走勢不會連續兩周都日日跌, 恆指於23/10見頂24970後掉頭向下,競價開市日日都係低開,只要下周一(2/11)高開,就係好友反擊訊號
3/11 美國大選及4-5/11 聯儲局議息, 要小心金融市場會大幅波動,如美元 站穩94 繼續走高, 股市壓力就會增加, 如美元下行跌穿93則利好股市, 人類有史以來最巨型的ipo螞蟻, 獲155萬人認購, 超購390倍成凍資王, 於周五(30/10) 截飛後,港匯已轉弱,下周開新局,港股飛天遁地來擴大11月波幅都有可能, 無論造好抑或造淡, 入市不宜太進取, 以免被挾屎,估計11月開局大鱷或會先上山屠熊
###################
睇周五(30/10)早市港股的盤路,好友大鱷似係想倒升收市, 不過下午美期突然暴跌,所以好友才縮手,但仍力守24000來埋月結,所以下周開新局好友必須要出手來穩住大局,因為港股已失守所有平均線,如跌穿24000沽壓就會加劇
10月份港股由好友主導, 反正10月肯定收升,今日壓低於24107收可以減低11月收升的難度, 下周一(2/11)港股表現就要睇國指,因為大量權重中資成份股剛公佈業績,內銀第三季業績改善,10月份內地製造業PMl數據亦靚仔, 連續8個月處於擴張區間, 中國經濟數據冠絕全球, 一眾利好消息或會吸引買盤
恆指9月份暴跌後,10月果然跟過去十年的慣性走勢,10月大反彈2.76%,升648點, 而10月尾彈散亦符合水星逆行(10月14日至11月4日)利淡, 應市策略係見大插執平貨,因為港股有大媽睇場,內地股市自成一國,縱有利淡消息, 歐美巿場對中港股市負面影響力亦較細
老外積極沽出A股,而大媽就掃貨, 滬大媽繼續掃QQ,但深大媽沽QQ食胡,QQ衝高回落收陰燭, 諗唔明點解大媽係$600仍掃QQ,真係輸死貼價牛熊, 好友淡友都要死, QQ屢創新高 可能係畀螞蟻的高估值帶動,另外亦有可能係炒11月中公布的業績, 手痕造淡QQ/港股要小心, 要思考為何大媽動用這麼多資金狂掃QQ, 要看通QQ才落注, 因為QQ是港股溫度計, QQ未見頂的話,港股亦未見大頂,
~~~~~~~~~~~~~~~~~~~~~~~~~~~~~
去年第四季阿里巴巴上市,亦係用來推高港股穩定人心,當時香港 正值黑暴混亂期 ,美國制裁中港,人心虛怯立立亂, 今年10月份 不斷傳出美國想打壓螞蟻金服的消息,但螞蟻仍能如期於 10月招股,計畫於11月初上市, 螞蟻上市日期 正是 美國總統大選之時, 絕不會是巧合,
阿爺可能係想用螞蟻來抗衡美國大選引發的市場波動,巨無霸螞蟻IPO招股有助熱錢流入中港金融市場, 有托市味道, 如螞蟻成功上市, 就會快速加入成份股, 由於螞蟻不是第二上市,可以佔恆指比重高達10%
10月份恆指只得1296點細月波幅,違反了過去幾個月多數有 1700~2300點月波幅的慣性走勢, 預示11月恆指會有大波幅, 因為不會連續兩個月都做細波幅,
以月波幅來看,10月理應上破25000,殺上25200~25500來擴大月波幅, 不過受美國大選前的避險沽壓拖累, 所以大鱷忍忍手留力,可能拖到11月才殺上去
早前當科技指數登場後,港股變天,估計11月當螞蟻上市以及納入國指成份股之後, 港股又會再變天,科技股是港股溫度計, 所以不應用舊思維凈係睇舊經濟股來分析港股的走勢,否則好易睇錯市
歐美疫情進一步惡化,加上美國大選陰霾,避險情緒升溫, 美元重上94, 10月份 中港美三地股市衝高回落, 就係投資者 偷步於3/11美國大選前 獲利止賺,
中港美三地股市11月表現就要睇無形之手護盤 的功力,10月已結束,未來一周無論周波幅抑或月波幅都開新局,玩法唔同咗, 睇住資金流及大媽手影就會知道港股能走多遠
美國大選前避險,美股10月份偷步下挫,累積龐大跌幅,雖然美元重上94,但人民幣走強連升三日,美國十年期債息亦回升,收0.826%,有阿爺大媽做後盾,基金經理對港股後市樂觀,建議趁低吸納,但對美股表示憂慮,不過認為政治對美股影響只係短暫, 市場預期美國大選後將推出更多刺激措施, 投資者趁低吸納
~~~~~~~~~~~~~~~~~~~~~~~~~~~~~~~~~~~~~~~~~~~~~
打不死的美股有見底味
近日美股雖然急挫,但道指多次插水後都神奇地踢高,收窄跌幅, 上週五(30/10)道指三番四次插穿 26200都急彈,而上周三四五(28~30/10)這3天,即市都隊穿26500, 但收市都能站在26500之上,可能係侵侵御用救火隊出手護盤
究竟 美股大插後多次都能收窄跌幅,係淡食胡回補空倉抑或係侵侵護盤救市呢? 假如我係侵侵,就會喺3/11投票前夕(2~3/11)護盤撐美股,因為如果美股大插災災, 侵侵有何顏面作出最後一擊拉票呢?
為何侵侵這麼看重美股表現呢? 因為根據歷史數據,總統任期內,美股升得越多,連任機會就越大, 而市場上有一個說法, 就係大選前美股大跌就代表華爾街大鱷不喜歡該總統, 想推佢落台, 所以沽貨隊散美股, 回顧1/9道指見頂29199後掉頭向下, 30/10低見26143, 暴跌逾3000點, 符合大選前暴跌總統就會落台的話, 代表侵侵無法連任
中港美三地股市多數係同步見底頂,道指及上證同時於30/10創10月新低, 換句話說,只要中美股市止跌回升,港股就會跟隨反彈
以過去幾個月的頂部26782,25847,25254,24970來推算,恆指11月會再上24500, 如有好消息, 就會破頂而上
頂部26782下移935點見25847,再下移593點見25254,再下移284點見24970
睇上述數據不難發現過去幾個月頂部雖然下移,但幅度越嚟越細,反映沽壓減輕, 恆指24000已找到平衡點,當 9月插穿23500落到1倍市帳率的筍價區, 買盤隨即湧入掃貨, 9月份只得5天收於23500之下,低見23124,幾日後就速彈上24000, 後市只要守得住24000的話, 就要重上25000才能擴大月波幅
30/10港股雖然冇創10月新低,但亦創了三星期以來最低位,力守整數關口可能係同 月結 以及10月份由好友主導有關, 10月份上證收升,港股亦跟隨收升, 換句話說, 未來幾日港股會跟住中美股市走
上證以兩周以來最大成交 下挫,近10月份低位收,報3224,急跌48點,3200支持力強, 現水平向下空間收窄,能否守住3200就要看老外是否繼續沽A股, 只要守得住3200, 以月波幅計就要上3350, 甚至3400水平
2020年第三次水星逆行:10月14日至11月4日
聯儲局議息: 11月4 - 5日
(5~6/11)周四五~中港美三地股市同步見底.同步尋頂
11月開局前建議逢跌買上, 當時估計11月港股會收升, 即係月初見底, 11月下旬才見大頂, 因為當大選明朗化, 資金就會入市, 唔好估頂,過去幾日一直提醒大家做淡係高危, 市場已作出部署買拜登勝,會取消貿易戰, 所以資金流入中港股市,
如果11月係收升月,就不會在月初見大頂, 11月第一週 ,周五(6/11)已高見25799, 由於本周波幅1567點已超標,加上大市超買要消化沽壓, 大鱷刻意在25800關鍵位前卻步,忍忍手, 預留多些向上空間畀下周,順道引熊入局, 待市場出現利好消息, 就可借勢殺上去
尋頂市每周都創新高的話, 以週波幅計,下周就會上破26000,甚至更高,一般來說,恆指月波幅有1700~2300點, 如果大龍鳳就會更多,10月超細波幅,會谷大11月波幅, 500點一級上就會見26000.26500……
周一(30/11) MSCI 調動、黑期結算、基金月結
因頭條網登入時常出問題,所以另設後備留言區
https://sohofriends.blogspot.com/2020/11/111122.html?showComment=1606064147111#c419600479224921833
此頁已關閉, 請移玉步前往12月財經留言版
各位早晨
👍👍👍👍👍
歡迎大家
👏👏👏👏👏
美好12月
同心齊協力
狂野打大鱷
💪💪💪💪💪
大家回來就好了
如果雞煲都能成功留言, 我地12月就可回歸這個家, 其實我同馬王爺一樣, 唔慣新居, 龍床不及狗竇
🙏謝謝🙏
大元帥派💰
C6, 基金經理買盈富其中一個原因係有息收,我短炒就買 #7200 和#7288,買升的ETF
#7200 恆指
#7288 國指
你可以用今日恒指的升幅來計算一下, 假如你持有3000股#7200, 扣除洗費可賺幾多, 假如你持有1000股#2800, 扣除洗費可賺幾多, 對比一下就懂得取捨
2020年12月1日 17:31 小米(01810)折讓6.3-9.4%配售10億股籌237-245億元
<匯港通訊> 小米(01810)配股集資逾200億元。據銷售文件指,小米擬以先舊後新方式,按每股23.7-24.5元,配售10億股股份,集資237-245億元,配售價較今日收市價26.15元,折讓6.3-9.4%,公司及大股東有90天禁售期,配售代理為瑞信。
文件指,小米是次配股集資,主要用於提升營運資金用於業務擴展,在主要市場投資以增加市場佔有率;策略性生態圈投資及作一般營運資金。另外,小米發行8.55億美元7年期零息可換股債券。
元帥,不過今日7200)食價勁,2800)升0.6%,7200先升0.9%,無2倍
工具個人認為由最好至最低(風險,差價,手續費)
期指,期權,槓桿ETF,牛熊,窩輪
如果雞煲都能成功留言, 我地12月就可回歸這個家, 其實我同馬王爺一樣, 唔慣新居, 龍床不及狗竇
I am back,終於留到言
琴日造淡肥過肥仔,吾走今日就要比番佢,堅持今週收跌侯高再淡
C6, 基金經理買盈富其中一個原因係有息收,我短炒就買 #7200 和#7288,
你可以用今日恒指的升幅來計算一下, 假如你持有3000股#7200, 扣除洗費可賺幾多, 假如你持有1000股#2800, 扣除洗費可賺幾多, 對比一下就懂得取捨
買升的ETF
#7200 恆指
#7288 國指
#3188 滬深300
買跌的ETF
#7500 恆指
#7588 國指
感謝大元帥文章
👍👍💕👍👍
//殺完淡友殺好友
港股反覆上升, 但其實唔少股份都急升暴跌, 大鱷玩緊好淡通殺, 小心大鱷殺完淡友就會落山殺好友, 有資深投資者表示, 港股係風高浪急, 雖然大方向看好後市, 不過短炒入市不要太進取, 12月年尾基金亦有誘因趁高沽貨套現來派息及應付贖回, 有基金/大戶沽出升過龍的科技股, 換馬落後舊經濟股及盈富基金, 因盈富大包圍新舊經濟股, 不會跑輸大市, 亦有避險作用//
炒什麼呢?
逢大跌 買#2800
逢大升 沽#2800
耐心等 大跌再買
無得輸 應該要學
今日天氣冷 非常配合
//27/11 港股高處不勝寒//
👍大元帥妙絕👍
大元帥好好人
//新冠康復者的後遺症//
唔死都好麻煩
謝謝🙏貼貼🙏
新冠康復者的後遺症
https://youtu.be/Lk8YwpGDN1A
今日都唔敢在外吃
買外賣食物回家吃
你出去飲茶都要小心
最緊要照顧好自己先
記住呀免大家擔心你
大元帥午安
少咗人出街
少咗人吃飯
少咗人買嘢
有助提升抗疫
但經濟增長負數
不知道🤷♀️疫情幾時完
市民終於知驚,躲在家中避疫,中午我在酒樓飲茶,全場只得四分一桌子有客,有大量吉檯
經理、部長、侍應生都愁眉苦臉
各位早晨
各位健康
抗疫措施
保護自己
常常運動
衷心 多謝
你百忙之中辛苦寫文
造福小股民我們加油
大元帥
C6近日愛上小米米
想BABA等極都唔到價
大🐂💩都是執D😷💰
唔輸都認真開心 滿意了
大元帥好
C6最愛你😘
因為你真的好好人
謝謝🙏財經利是🧧
你近來炒乜股?
我補充了新資料, 有空可重溫網誌
🙏感謝🙏
感謝大元帥
貢獻最新網誌
🙏🙏謝謝🙏🙏
💪你努力的心血💪
謝謝🙏好介紹
歌曲👍勁好聽
聽歌👏好過炒股
近日😞衷心難炒
大元帥好
夢境會變成真的
日日諗住美好的事情
心想事成👍 萬事如意😘
身體健康🥳 時時發財💪
近來我超喜歡這首2020年新歌
獨特嗓音~亞男演唱《可可托海的牧羊人》
https://www.youtube.com/watch?v=7dBuO9xtT74
https://youtu.be/Dtwo-GxPBwM
作词:王琪 作曲:王琪 原唱:王琪 翻唱:亚男
https://youtu.be/5vGdc7vrZLM
我都搵唔到金字口罩
我說自住的千呎豪宅是發夢的
大元帥
你有無見到
紅底金字的口罩😷
我今日無出街無發現
大元帥好
唔好勞氣
保重身體
放假在家
好好享樂
如果屋企人
有食物供應
少出街安全啲
我自住一間千呎豪宅,另外有兩個物業收租,户口流動現金三億元(發夢中),希望日日拜神就能得償所願
都係打機的錯
原來你有出現
我住的地方很細
我間房只有幾十呎
羨慕你的千尺豪宅
對於跳舞群組所引起的第四波疫情, 我感到非常憤怒, 始作俑者違反政府的防疫措施, 令疫情於社區大爆法, 現時已有數百人出事, 可能會陸續導致數千人受感染, 千百億元的香港經濟損失, 自私的人以為戴口罩就會百毒不侵, 白痴及無知
自私的香港人實在太多了, 罪魁禍首必定會有報應
周三(25/11) 施政報告
周四(26/11) 感恩節,美股休市
周五(27/11) 美股半日市,當天港股期指結算
周一(30/11) MSCI 調動、黑期結算、基金月結
我自住一間千呎豪宅,另外有兩個物業收租,户口流動現金三億元(發夢中),希望日日拜神就能得償所願
大元帥好💕
好多款聖誕口罩
但無見到紅底金字
見到一定會貼上來
大元帥
原來你喜歡💕
真係幾吸引架👍
價錢貴 可以試試
怕敏感 就要考慮
連鎖店 就有得賣
有冇見過聖誕口罩?聽說是紅底金字,寫 Merry Christmas
C6今日😊😊😊
中左超級大獎🎁
大元帥回來留言👏
希望不是夢 真實的
我有嚴重敏感
其實唔想戴口罩😷
但要保持身體健康
日日都開心🥳戴😷
嘩!
大元帥豪宅有會所的
超級 超級豪華👍👍👍
嚴肅的場合不應該炒鬧的
你戴口罩有冇加支架? 呼吸會暢順些,亦可用立體口罩,擴大呼吸空間,吸氧不足的話,身體會感到疲累
我從不買報紙,只係偶爾去屋苑會所睇,今日見毒果日報頭版標題竟然冇大肆抹黑,寫著:
中聯辦: 示威褻瀆畢業生及親友感情
大元帥好
大元帥早晨
謝謝🙏關心
🥳你無忘記C6🥳
💕樂樂樂樂樂呢💕
你都要加強防疫措施
好好保重自己身體健康
C6最愛你😘😘寫的網誌
衷心希望👍永永遠遠👍都能看到
天晴
詩綠,第四波疫情來勢洶洶,你和家人外出要加強防疫措施
大元帥
感謝🙏
感謝🙏
感謝🙏
感謝網誌
感謝收市分析
感謝大元帥
最新的網誌👍👍👍
內容豐富 資料詳盡👏
各位早晨
天氣好好
準備運動
大元帥好
謝謝🙏你的最新網誌
豪餅餅,
我人老,都係舊版面易明
c6, 我只係將上面過於冗長的標題網誌拆開兩頁, 方便網友瀏覽, 再補充一些新資料, 豐富內容, 建議你耐不耐重溫一下, 因為睇完每日港股的表現之後再重看網誌, 會有不同的領悟, 亦會發覺忽略了一些重點
過去一個月家中電腦神神地, 用手機好難寫千字文網誌, 所以過去幾周減產, 昨日趁電腦病情有好轉, 就拿拿臨將上面網誌分拆
要你做義務秘書實在太辛苦了, 謝謝你! 做埋今個星期或今個月(由你決定), 待網友都習慣了去安全屋, 你就無需日日幫手搬家了, 留下安全屋的地址俾網友自行去探班吧!
記得幾年前我初初認識你, 係我有事唔得閒睇市及收集數據, 所以留言搵大家幫手上貼港股收市資料, 當時就係你跳出來幫手, 令我印象深刻, 謝謝你!
謝謝🙏大元帥
精彩勁爆網誌👏
🙏🙏🙏🙏🙏🙏