管弦樂團探戈音樂會 冠軍舞者大跳性感舞步
2021/04/19 04:12:19 網誌分類: 生活
呢兩場音樂會喺上周五及周六於文化中心舉行，名為「太古輕鬆樂聚系列︰皮亞佐拉百歲誕辰」。皮亞佐拉係咩人？佢係著名嘅探戈作曲家，好多作品成為經典。香港管弦樂團呢場音樂會吸引咗好多喜愛探戈嘅樂迷入座，仲有好多外國人到來O添！證明音樂無國界。
探戈音樂好動聽，最特別之處，係請來朱永康同鄭勵兩位專業探戈舞者同老師，即場大跳探戈。佢哋曾贏得一一年日本亞洲冠軍（探戈類），以及一四年中國冠軍薩洛‧探戈和瓦爾斯類，兩人曾兩次喺布宜諾斯艾利斯舉行嘅一一年世界錦標賽中代表亞洲和中國，仲喺半決賽中名列前四位。佢哋嘅舞步充滿熱情、激情、好sexy又搞笑，非常精采，贏得熱烈掌聲，證明香港人才濟濟。Kelly好希望大家努力抗疫，快啲擊退疫情，令生活回復正常，演藝節目亦重返生活就好。
Kelly Chu
■兩位舞者即場大跳探戈。 香港管弦樂團圖片
■探戈舞步充滿熱情和激情。香港管弦樂團圖片
回應 (0)
我要發表