4月底頂下移

恒指創即月新高秒殺肥熊即回, 高處不勝寒, 熊死牛命危

29/4 周四恒指收29303, 升232點, 連升兩天

4月期指結算價29295
4月國指期貨結算價11068

大鱷操控港股上落已到了無法無天的地步, 港股乾升挾淡, 夾硬推高結算, QQ衝高回落呈陰燭, 超樣衰, QQ見頂.港股見頂, 結算完, 好友推升任務結束, 大鱷亦食飽熊熊, 等落去回補今日的上升裂口, 牛牛已上移至29100水平, 熊死牛命危, 要買定官才, 後市如失守29000, 500點一級向下, 就要向28500.28000.27500.27079....進發

美國十年期債息再度上升, 加上阿爺加強監管科企, 約談QQ等十多間科企, 科指逆市下跌, 債務違約陰霾下, 內銀亦走低, 恒指今日雖然收50及60天線之上, 不過大位突破不難, 企穩不易, 上周恒指4升1跌, 每周通常係升2~3天, 升了4天係超標, 上周透支了上升日數, 本周下跌日數理應增加, 明日要補跌, 按照過去幾個月的升跌慣性走勢, 恒指每月開局第一日例升, 月尾例插, 最後一天例跌, 不過與過去幾個月不同的是, 5月開局內地休市, 冇左北水大媽護盤, 未知會否影響慣性走勢, 不升反跌

測市指標出現多個利淡訊號, 空軍終於等到恒指創即月新高就加碼造淡, 沽空急增至13.91%, 為4月下旬以來最高, 港股升但VHSI亦升, 預示後市不妙, 收市U盤打破慣性走勢冇踢高, 國指連續兩日大幅跑輸恒指, 代表港股乏力再進, 國指今日亦未有跟隨恒指創即月新高, 雙重變種病毒襲港, 或會導致本港出現第五波疫情, 加上阿爺打壓措施一浪接一浪, 皆利淡後市,

如港股本周收跌, 就會收29078/11067之下, 4月恒指收升已無懸念, 按照過去20年恒指的升跌韻律, 5月恒指收跌機會大, 今日VHSI低見16.11後反彈收升, 報16.46, 為22/4以來首度收升, 今日低位16.11, 插穿年度低位16.21後急彈, 是否代表往後恒指波幅會擴大呢? VHSI 觸底回升, 利淡

~~~~~~~~~~~~~~~~~~~~~~~~~~~~~~

QQ見頂.港股見頂

今個月QQ每次收$630之上都係一日貨仔, 翌日就會碌番落去, 未見過連續兩日收$630樓上, 今日QQ收$631.5, 預示明日QQ會收跌, QQ一直受制於50天線, 預示恒指亦難以企穩50天線, QQ走勢仍弱, 港股亦唔會叻得去邊

過去20年統計顯示, 4月恒指收升機會高達85%, 即係無論點震, 明日都會收28378/28594之上, 月線收陽收升

大媽於年初推高港股, 由28800一大棍抽上29800, 其後一路殺上31183後見頂回落, 但3及4月大鱷大媽仍主力玩29000穿梭, 在28500~29500困局中反覆, 爆邊後都會縮番入去, 不斷急跌急彈, 咬住呢個水平來派貨, 上落千點, 好淡通殺

28274(第一個底)+1000=29274(高見29319掉頭回落~第一個頂)

29319-1000=28319(結果嘔約800點低見28506即彈)

28506(第二個底)+1000=29506(4月目標)~(前頂阻力29550/29596)

估計月尾結算周會挑戰29319.29500, 結果今日高見29405即回, 乾升, 成交並不支持升勢,

利淡港股的因素一大堆, 3月尾中美反檯, 拜登加強制裁中資股力度, 內地收水, 阿爺加強力度監管QQ及阿里等企業, 反壟斷法制約一眾新經濟股, 內房限貸, QQ大股東減持及美團安踏連環配股抽水, 業績股見光死, 業界巨頭中國華融陷入債務違約風波, 對沖基金 Archegos 爆倉, 比特幣等虛擬貨幣出事, 拜登大幅加稅, 傳染性較高變種病毒肆虐, 印度、尼泊爾、巴基斯坦、土耳其、日本、南韓、菲律賓新冠疫情惡化, 一眾黑天鵝出現或會影響股匯債, 當美元或債息止跌回升, 港股又會反艇

30/4 周五恒指收28724, 暴跌578點, 部署屠牛

沖完頂再試底

下周初北水大媽暫停, 按照大鱷的習性, 必定會抽升或殺跌, 因為成交急降, 大鱷操控大市就更容易, 按照見頂回落尋底的慣性走勢, 底頂下移, 下周一5月開新局會插穿今日低位28701, 牛熊分布極度失衡, 肥牛罕有地多到爆燈, 下殺誘因非常大, 向下每百點都有肥牛, 向上只得瘦熊,

昨日恒指破頂創4月新高29405, 假突破冇資金高追, 高位一瞬即逝, 昨日創高位, 今日暴跌, 係見頂訊號, RSI/MACD等技述指標全面向淡, 按照沖完頂再試底的慣性走勢, 下周會下試4月低位28274, 破底已無懸念, 因為下周開新局, 要擴大5月的周及月波幅, 下周要考驗28300~28500的支持力, 只要收於其上, 代表港股未死得, 當大鱷食飽肥牛大市就會急彈

今日恒指低見28701, 大幅拋離4月低位28274, 不過國指低10810, 非常接近4月低位10792, 而且4月恒指.科指.上証都收升, 但國指卻收跌, 連跌兩個月, 弱得不尋常, 反映今次港股跌浪係由中資股牽頭, 亦預示下周國指會率先破底插穿4月低位10792, 國指弱.港股弱, 按此推算, 恒指4月低位28274亦危危乎, 4月做完好友, 5月就要做淡友, 5月份將會底頂波動區間下移

今日港股洗倉式下跌, 一跌到尾, 低位毫無承接力, 結算後好友鬆人, 淡友發動攻勢, 沽空比率急增至14.08%, 為4月下旬最高, 預示港股後市不妙, 插穿28500只要守得住28000, 代表後市仍會再上28500.28800.29000... 如受制於29000, 就要插穿28000來擴大月波幅

資金流不妙, 早前走弱的美元插穿91後止跌回升, 上周強勢的港匯連日走弱, 人民幣亦結束連升今日收跌, 匯市形勢不利港股, 紅杉資本大手減持美團, 利淡科企, 加上結算完, 好友食飽, 亦失去推升誘因, 看來港股要潛行凶間了, 如連續兩日收28300~28500之下不妙