即食鮑參翅肚報親恩
2021/05/08 04:13:12 網誌分類: 生活
去燒臘店斬隻豉油雞，去魚檔搵條少骨肉腍的海魚，煲個螺頭豬骨蟲草花溫補湯水，炒碟魚鬆唐芹荷蘭豆……但始終覺得不夠睇頭，忽然想起正仔。還記得去年做冬前疫情困擾全城，從科大商管畢業幾年的張東正炮製即食花膠解決我冬至飯的煩惱，當日加了自己浸發的厚身花菇，用他的鮑汁炆好，成了矜貴的鮑汁花菇扣花膠，簡單利落滋味無窮。
此子放棄走入商界，到富嘉閣從零開始專注學中廚，幾年間既贏得廚藝大獎，亦同時開始鑽研炮製鮑參翅肚等海味的技法，並且與友人開設網上店，依從傳統古法及城中大師傅的心法，炮製即食鮑魚、海參、花膠，以真空包裝及急凍在網上發售。料不到今個農曆年規模不大的「斤両」即食海味被搶購一空，累我要以盆菜應付團年飯。
母親節不作他想了，今回竟然推出煨好的柚皮和扣好的冬菇，於是堆出一窩花膠海參冬菇鮑汁柚皮（見圖），室溫解凍之後文火翻熱，乾手淨腳，將困在廚房的時間留在廳中打牙骹，不亦樂乎。
正仔搞的那包急凍鮑汁是靈魂所在，以鮑魚、雞、火腿、豬肉、鵝掌等足夠斤両的真材實料熬出來，十分惹味，每次都捨不得全用在花膠海參上，總扣一些少來撈生麵，有一次更用來炆砂爆豬皮，當堂將豬皮的廉價美味大幅提升。
梁家權
回應 (0)
我要發表