6萬億預算
美國公佈的經濟增長和就業數字強勁,拜登政府提出加碼基建支出,強化市場對經濟復甦信心,經濟重啟概念股繼續受到追捧,週四美股造好,杜指升141點,收34464點,升幅0.4%;標普500指數微升或0.1%,收報4200點;納指接近平手離場,收報13736點。
經濟復甦有期,資金繼續由科技股換馬到勝算更大的經濟復甦股,後者明顯跑贏前者,標普500指數金融和工業板塊升超過1.2%,而科技板塊逆市跌0.6%,FAAMGN幾大科技巨股,除了Facebook升1.6%,其餘向下,蘋果、亞馬遜、Alphabet和Nvidia都跌超過1%。
昨日公佈的經濟數字亦強化市場對經濟較快復甦的信心,美國今年第一季度GDP年化增長6.3%,只略低於預期的6.5%。而速度未有放慢跡象。而最近一週的首次申請失業救濟人數為40.6萬,少過市場預期的42.5萬,且連跌四周。
另一個振奮投資氣氛的是拜登政府計劃加碼泵水刺激經濟,昨日有報導指,美國總統拜登今天將提出一項6萬億美元的預算,當中有相當大比例是基建開支,而美國財長耶倫亦呼籲政府要繼續加大支出的同時,繼續淡化市場對加碼刺激經濟,可能加劇通脹的疑慮,強調即使通脹上升,也只會是暫時的。
不過,無論是金銀銅石油等大宗商品價格,以至長短期美債債息齊齊上升,其中的10年期美債息回升至1.6厘上方,收報1.616厘。耶倫的開口牌未能降低投資者對通脹上升的疑慮,再加上聯儲局官員暗示可能開始討論退出刺激政策,包括聯儲局副主席夸爾斯和克拉里達、三藩市聯儲主席戴利最近就連續發表鷹派言論,暗示聯儲局將開始討論退出疫情期間支持經濟復甦與資產價格上漲的寬鬆貨幣政策措施。這也是美股升不上去的主要原因。
而瑞銀分析師Giovanni Staunovo認為,大宗商品價格近期的漲勢可能不會持續下去。因為聯儲局官員的聲音已不像此前的那麼「鴿派」,令到市場對利率上升的預期升溫,估計美股由科技股輪換到週期股的勢頭仍會繼續。
至於拜登將提出一項6萬億美元的預算,將使美國聯邦持續支出達到自二戰以後的最高水平,同時在未來10年赤字將超過1.3萬億美元。要注意的是,拜登政府會加稅去填這個大氹。而加稅會令投資者特別是有錢人減少買股票,對股市不利。
陸羽仁
//
唔買貴嘢4
2017/07/28 09:53:10 網誌分類: 經濟
28Jul
美股又玩V彈,中午12點幾曾大幅下挫,杜指由當日高位21786點,回落88點,最多跌0.4%,但1小時後回升,不只補回跌幅,還刷新了收盤紀錄,杜指收21796點,升85點。
再講買樓投資的問題。網友wingzero講出了我想講的東西,「陸sir講替代概念是投資理財重要的一環,就算你租緊樓,最簡單買一籃子REIT,用D股息去對沖部分租金,最後財息兼收。成日想一注獨贏然後收工,同買六合彩的心態分別不大。」
散戶的確成日想一注獨贏,買樓又係,買股又係,現實上好難中,難中的原因是對手好強,買樓的對手係發展商,你可以話佢地幾年前唔瘋狂買地,又或者唔惜貨一有售樓同意書就賣樓俾你,佢係睇錯市。亦可以話佢地對呢個行業太熟悉,覺得呢啲驚人樓價好難持續,沽得就沽,賺少啲都算,「明益你」。
我好開心呢幾日寫的東西,激起很多回應,連平日少出現的網友也出現,好像久違了的好朋友那樣,見到他們很高興,更高興的是大家會去討論問題,我並不需要大家認同,只希望大家去思考問題,思考完不同意我的講法沒有問。但不想思考已有定論的朋友,看我的文章真是浪費了你們時間。
買樓的好處是有大槓桿,買中有放大效應(其實買發展商股票同樣有槓桿,因為公司有借貸),但買錯也有放大效應。你2012年用600萬買一間市區400呎新樓自住,如今買同樣的樓,要800多萬,市區新盤20000元一呎的比比皆是。但你2012年買的樓,除非空置,否則裝修一下少少哋50、60萬,加上稅費利息,可能都要近100萬的成本,扣除成本帳面賺150萬已不錯,投入三成首期180萬元本金,賺150萬,賺價83%,的確比買股粗粗地賺70%高(買房託的回報)。若然把樓沽出,稅局對買入7年以下沽出的交易很可能定義為投機,要收取賺價16.5%的稅款,買股賺錢不用交稅。更大的問題你是自住樓,你不是長住不沽的嗎?
長住不沽的樓,若入市價位較貴或好貴,它會吸收了你大部份(或所有的)儲蓄,變成你未來20年唯一的投資,你就要睇20年後,不是3、5年後這間樓的價值。現在樓價如此貴去買樓,很多人只能是成工靠父幹,800萬的樓,240萬的本金,可能大部份由爸媽俾,我見過實例,一個普通打工已退休的爸媽,過去做小生意,剩錢不多,其實不夠錢代兒子俾首期,將自住樓去二按攞本金俾仔女,二按收15厘息,借100萬一年俾15萬息,挾埋100幾萬棺材本,去俾個畢業4、5年的兒子買樓結婚。真係唔知兩老將來點還錢。
我聽到搖頭嘆息,心諗咪傻啦,如果你有幾千萬身家,攞240萬俾仔女做首期買樓,負擔得起,咁樣買樓一啲都唔離地。上述呢個花光兩代人的錢去買樓的實例,就真係堅離地。5年前佢若用同一方法用180萬俾兒仔做首期,即使樓價平啲,同樣離地。我有朋友做地產代理公司高層,話分行有個客係爸爸,就係咁借到盡去俾仔女買樓,買700萬迷你單位俾咗訂金,但最後財務公司無批二按,因為佢自己個單位業權不完整,結果就俾發展商殺咗30幾萬臨時訂金。我話借到咁盡去買,為乜?
在樓價貴時買樓,除了結婚等自用需要外,主要有兩種心態,第一覺得樓價唔會跌,而家唔買,一世都買唔到(我30歲時曾有此感覺)。第二是wingzero所講那種心態,想一注獨贏。
在樓價貴或超樓時買樓自住,買完升咗又唔會沽,只係為發展商打工,一打就20、30年,亦無餘力去做其他投資,到退休時有間自住樓,的確解決了住的問題,但無多餘儲蓄,就要靠強積金那雞碎咁多過活了。理財為未來,呢啲事情後生仔都要諗。重注買樓,就係一注獨贏,賭20、30年後的結局,而家唔好咁快下定論。
如果只想退休後有個地方住,去中山買間樓,100幾萬有交易,雖然已經升咗好多(對不起我又講大陸樓了)。其餘的錢,就不斷去儲可以長線有收益的股票,係最易做的方法。退休時有得住,有收入。
投資好辛苦,要用腦,唔好信晒人(包括我在內)。每一種投資,都有替代投資,要明白自己目標是短線、中線,抑或長線,對特別是大碼長線交易,要絕對絕對小心,唔好買貴嘢,如今貴嘢連升咁多年的情況,真係幾十年未見,主要係超低息環璄做成,要諗會唔會一、二十年都係咁樣呢?
陸羽仁
//
2028...
SIGH...
小五 發威!
炒人仔升值 睇A50基金
2021年05月28日11:39 最後更新: 11:54