6月中~港股破位而下

2021/06/11 17:56:11 網誌分類: 經濟
11 Jun

11/6 周五恒指收28842, 升103點, 結束七連跌

溫水煮蛙式派貨

中國制定的《反外國制裁法》於6月10日即時生效,或會對香港金融市場構成負面影響,  利淡市場氣氛, 假如相關人士擔心日後香港亦會立《反外國制裁法》, 撤資走鬼, 港股就會反艇, 28000亦未必守得住, 不過正路今個月不應插穿前底在27715.27505.... 可能留待7月才隊穿, 玄學大師早已預告六七月金融市場會有動盪, 要綁好安全帶

元帥6月第一篇掛頭牌網誌(1/6)一直係用高處不勝寒,6月開局急升後見暗湧做大標題, 當中寫 六月未必係期權分析師所說收升,因為五月收得太高(29151),另外網誌亦寫 人人唱好六月,小心大鱷反手殺好友,大媽一路推升一路沽貨撤退係利淡訊號,上破29000一路尋頂元帥就撤退減磅,部署造淡,因為由2/6高位29490見頂回落, 閒閒地殺跌1000-1500點, 港股出現七連跌, 創五年半以來最長跌浪, 弱得不尋常, 今日反彈乏力, 反映沽壓未除

回顧5月上旬港股插水, 14/5低見27715止跌回升, 5月下旬展開大反彈浪, 當時市場上一面倒上望30000及30500, 當時我抱懷疑態度, 試想想, 既然大頂在31183, 大鱷會不會這麼好心腸, 推到這麼高(接近大頂)放生股民的蟹貨, 以及俾靚位股民造淡呢? 不要忘記年初港股飛天係靠科企領軍, 如今科企已經跌落地獄, 每次反彈都企唔穩高位, 可想而知沽壓多麼沉重, 科企表現不濟, 港股唔會叻得去邊,

5月份波羅的海乾散貨指數見頂回落, 展開大跌浪, 9/6止跌後狂升, 資金棄科企轉炒航運股及消息股, 由於並非權重成份股, 對指數推升幫助不大, 5月尾港股急升係受MSCI買盤+內地發行港科指ETF+人民幣急升等一眾因素所推動, 如今全部利好因素已消失, 最弊係6月通常特別水緊, 點升上來就點落番去, 本周淡友未完成部署, 所以托住28600, 月中係殺跌的時間窗口, 假期前後例牌大龍鳳,

~~~~~~~~~~~~~~~~~~~~~~~~~~~~~~~

累積沽空大.淡友部署殺跌

過去幾周累積沽空太多,淡友等緊機會殺跌食胡, 唔想八月交重税(股票印花稅)的話,六七月就係走貨減磅的最後機會, 即係每次港股彈上去都要派貨, 五月尾空軍見恆指上29000就一路升一路加沽,特別針對QQ阿里平保盈富小米美團友邦,睇目前股價,空軍勝,睇6月上旬港股表現,係托住指數來派貨,但股份就陰陰跌,港股約一半股票份已失守50天線, 係利淡訊號, 小心後市要潛行凶間

整體牛熊分布係牛肥熊瘦, 一直拉住港股後腿, 6月中28615~29004等爆邊, 以周及月波幅計, 不可能一直守得住28600關鍵大位, 如果好友連下一個大位28400都失守, 斬倉止蝕盤就會出籠, 28000就危危乎

6月上旬係托沽, 港股似係有龐大沽盤滲緊貨出街, 日日都有配股活動, 大行刻意營造跌唔落的假象, ibond及ipo凍結市場資金, 導致港股成交萎縮,

港股雖然結束七連跌, 今日只係死貓彈,因為要彈上去才能擴大下跌空間, 向下要下試28600.28400.28000.... 正路今個月不應插穿前底27715及27505, 反彈阻力29000~29100, 29000係魔咒大位, 每次彈上去都企唔穩

~~~~~~~~~~~~~~~~~~~~~~~~~~~~~~~

QQ尋底.港股尋底

QQ於11/6(周五)出光頭光腳大陰燭, 超樣衰, 要看QQ能否守住$590, 如失守, 港股危, 美股愈強, 港股愈弱, 有可能係資金由港股換馬美股, 有基金經理表示減少炒賣港股, 加注炒美股

愈來愈多股份失守50天線,市寬反映港股利淡,睇港股温度計QQ就知港股弱,彈完就要落山,牛肥熊瘦,有下殺誘因

港股冇在大媽護盤就死得, 大媽走新經濟股, 科指弱勢, 不斷下試250天線, 真係好危, 近來市場資金由金融及科企換馬地產及油股, 屋仔油企力撐大市, 不過屋仔連日急升今日高位見沽壓, 連屋仔都見頂, 即係托市任務完成, 插得

美元重上90水平, 人民幣走弱, 上証於10/6(周四)高見3624就打回頭(前頂3629), 內銀內險A股弱雞, 沽壓沉重, 拖低相關H股, 中港股市同步尋底頂, 當上証跌穿6月上旬低位3561, 港股就會破底隊穿28615

================================

28400大位

基金經理睇恆指主波動區間 28500~29500,兩邊爆都走不遠

回顧今年恆指的周線及月線收市位, 除了14/5周線收28000邊之外,其他全部都係咬住28300以上收

由18/2見頂31183後計起

17次周線當中有 有10次收 28500 ~29000之間,2次收28300~28500之間

5次月線當中有4次收 28280-28980之間

睇完上述數據,就會明白為何恆指本周在28600~29000之間窄幅波動, 大框框在28500~29500之間游走

以五月為例,當出現強烈利淡消息隊穿28400/28000大位, 都不會長時間在低位徘徊,會速彈上28400樓上, 因為假如一直在低位,就會嚇到股民唔敢入市接貨,影響大鱷大媽派貨的陰謀,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

長假期復市例牌大龍鳳, 大舉屠牛, 繼續尋底

15/6 周二恒指收28638, 跌203點, 

上周高低位28615~29004, 今日低位28453, 向下爆邊, 代表淡友奪得主導權, 不會於本周開局第一日就食胡, 月波幅未達標, QQ未見底, 港股未見底, 今次見頂29490回落, 閒閒地都要嘔1000~1500點, 如果阿爺入院, 就會再插深D

受人民幣下跌, 美國制裁中概股及阿爺的監管措施所拖累, 國指特別弱雞, 內銀內險AH股洗倉式下跌, 港股後市表現就要睇內地股市, 要穩住內地股市, 港股才會彈

上証連跌2天, 過去三個月通常跌2~3日就反彈, 未見過上証四連跌, 要上証造好, 才可穩住港股, 否則A股就會推港股落山, 老外今日大手掃A股, 可惜不是買金融股

淡友拖到本周才出手, 係因為要等股匯配合, 美元轉強, 由11/6起每日都收90.5之上, 港匯進一步轉弱, 人民幣連跌3天失守6.4大關, 中美股市掉頭向下, 早前恒指七連跌但托住28600, 其實係引好友入局, 股民誤以為跌唔落紛紛買上, 牛牛勁肥, 亦係今日下挫的原因之一,

通常向下跌破大位斬倉止蝕盤湧現, 大市就會急挫, 所以今日港股一度大跌389點, 不過一插即彈, 推番恒指上28600關鍵位收, 下一個大位係28400, 保歷加通道底目前在28203, 如失守, 28000就危危乎, 反彈阻力28700~28900, 為多條平均線所在

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股失守大位, 形勢進一步惡化, 繼續尋底屠牛, 向28200進發

16/6 周三恒指收28436, 跌201點, 連跌2天

今日中港股市有洗倉走鬼味, 聯儲局議息, 市場預期美元走強, 不利股市, 港匯進一步走弱, 港股月波幅未達標, 技術指標全面向淡, 牛牛肥到不得了, 即係未見底, 保歷加通道底目前在28203, 呢個係超級大位, 希望好友力撐, 以及淡友食胡回補空倉, 如失守, 28000就危危乎

以往插穿28400屠牛後都會速彈, 反映28300~28500係好友力守的水平, 今個月港股升市日數遠遠未達標, 要補漲, 不過美元強勢, 人民幣及港匯走弱, 內銀內險內房股沽壓沉重, 會拉住中港股市後腿, 周五係畫圖日, 好友能否反敗為勝就要看科企動力, 以及上証表現

上周高低位28615~29004, 昨日已向下爆邊, 代表淡友已奪得主導權, 有基金經理睇短線下跌目標看28200, 老外大媽齊齊走貨, 淡友如魚得水, 尾市內地公布5月工業、零售、固投增速皆遜預期, 令中港股市跌勢加劇, 加上今晚聯儲局公布議息結果, 股匯債都會變天, 避險沽壓進一步拖低大市,  不過今日港股已偷步下跌, 只要美股冇大插, 好友就有藉口守住大位28400, 以及保歷加通道底28203, 通常第一次下試會守得住並作出反彈, 彈完才破底

人民幣弱勢不利內地股市, 亦拖低H股, 上証收3518, 跌38點, 低見3513, 3500係支持大位, 上証連跌3天, 過去三個月通常跌2~3日就反彈, 未見過上証四連跌, 明日港股表現就要看上証能否作出反彈來穩住港股, 只要上証彈高, 有助推高相關H股, 港股就會彈高, 百年黨慶在即, 希望無形之手撐住中港股市, 急跌也要急彈, 只要上証見底, 守得住3500水平, 港股亦會同步見底, 如上証隊穿3500, 恒指28000就危

有基金經理認為呢浸跌浪於保歷加通道底28200會有支持, 或會彈完再跌過, 如果短炒淡友肯食胡回補空倉, 就可穩住大局, 睇大鱷及大媽的手影, 想玩陰陰跌, 每日跌幅不大, 似乎唔想港股直插落地獄, 嚇到股民離場就冇人入市接貨

今日港股升跌股份比例非常嚇人, 484升 VS 1242跌, 要不是內銀內險油企A股造好, 推高相關H股, 幫手抵消了其他股份的跌幅, 港股仲大鑊,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

17/6 周四恒指收28558, 升121點, 結束兩連跌

今日係上周高見29004回落以來, 升幅最大的一天, 落到保歷加通道底28203好友果然反擊, 港股先低後高, 單日轉向, 恒指以全日最高位收, 上企28500大位, 反彈阻力28700~28900, 如受阻而回, 就要再下試28000~28200,

明日係畫圖日, 好友能否收復失地就要看科企動力, 以及上証表現, 富時指數調動會有大龍鳳, 早前曾估計本周港股會收跌, 即係明日會收28842/10751之下, 恒指周線會係連跌3周, 國指連跌兩周, 空軍趁反彈就加沽, 預示港股後市仍凶險

18/6 周五恒指收28801, 升242點, 連升2天, 高處不勝寒

美元強爆, 人民幣續跌, 匯市形勢不妙, 利淡中港股市, 港股彈完就要再尋底, 要再下試28400.28200.... 前底在28216, 今日港股急升可能係受富時指數調動的買盤所推動, 下周就會作出修正, 急升股要回吐

匯債起風雲, 資金沽股買債避險, 道指連日下跌, 不過本周美股四權結算, 所以納指及標普高企不下, 港股跌下彈下, 重心下移, 測市指標出現多個利淡訊號, 趁大反彈空軍加沽, 沽空急增至16.04%($330億), 下周港股危, 要看好友能否守住28300~28500, 以往插穿都能收於其上

道指恒指差距大幅收窄至5000點的反常水平, 4月差距約5400點, 6月是5600~6000點, 港股升過龍, 下周恒指可能要補跌, 老外大媽齊齊走貨, 係利淡訊號, 呢兩日踢上去係散水, 大行大媽維穩來派貨及配股,

今日港股雖然反彈, 但唔少股份卻逆市下跌, 有些股份更跌穿了橫行區底部, 洗倉式下挫, 有臨危托沽味, 上証跌幅亦不配合股份表現, 中港股市同步反彈完, 同步尋底, 如下周一茅台內銀內險A股續跌, 就會拖低港股, 港股會否深潛就要看上証能否守住3500關鍵大位, 只要上証見底, 港股亦會同步見底

市弱連升難, 港股連升兩天沽壓會大增, 下周一(21/6)夏至 = 下至

最新回應

史哥
史哥 2024/03/28

下月關鍵位為~ 16561 

向上 16561 17057 17569

向下 為 16064 15582

{#iconb_22}

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏