河馬仔河馬仔
河馬仔河馬仔
河馬仔河馬仔

(河馬仔賽馬專欄)2021/06/13

2021/06/13 01:09:43 網誌分類: 賽馬
13 Jun

三季累績:- $298033


今次就揀一場相當有明星味,三班1200米賽事。

位置Q三馬膽
4「簹多福」雖然做完「絕育手術」後都叫做工夫稍緩少少時間,但尚算冇乜真正大停課,雖然此駒磅位大跌,但幸好晨操冇見太骨感,隻馬亦少了以往極癲之感覺。當然此駒一點都唔算超,但此駒今季跑同程已好少抽到好檔,此駒一定要有遮擋兼發力點拿到好準,不能太早突圍,總之就力短但谷草又唔係好識跑,今次算是有幾樣好,一係今場有快馬而佢又內檔,第二是抽檔極好有機會守到一個可以拉得較鬆的庖廂位,此駒季初有一場早段守到二疊之下,係可以氣走「帝豪寶寶」,今次磅位調轉而排位更佳,未知贏唔贏到「八仟師」但如發揮正常又算是有基本三班頂之能力的。

8「閃電俠」就算隻馬在退步之中,但此駒有一習慣是,停課後的一場表現遠較第二場差,或開季第一場較佳,仲有一樣係只能跑田草1200米,相當尺寸,而此駒亦曾試過從「田」換人後大勝,今次幸好此駒冇停課,就算換上冇跑過的「俊」,但要留意上仗係「俊」操過冇馬騎,而同主賽駒如「北非諜影」與「俊」相當合拍,今次檔位頗良好,如跑得番水準的話,事實在此分區有一定贏面。

9「八仟師」呢隻好過上星期隻「神之水滴」好多,此駒出閘係順之餘,步大又急且密,而此駒上場係用本身快步速食住對手,唔係單純慢放,今場如順放的話,就算內檔有快馬,亦未必多馬頂得住此駒之前速,本身厲害潛藏極豐。


後備位置Q馬
5「精彩輝煌」雖然上次真係唔知點解跑到咁,但此駒跑田草1200米三次的表現,就算全用極少合作的「楠」,三次都冇輸得多過4個馬位之餘,有一次仲99倍大後上同「忠心勇士」影相爭第三,而此駒仲有一樣奇怪,原來配「能」三次一W一Q一第四,突然用「能」又唔用「豐」回師此程,會唔會又有番野睇架。如跑番同「忠心勇士」個場的質素,呢場馬又真係冇乜馬夠佢跑架噃。


其他馬匹
1「帝豪寶寶」上場就算話換左人都好,但筆者都幾懷疑上場對手的質素,連「都柏名駒」都可以輕取該群對手之餘,而該場走位都冇乜錯。今場就算用回「潘」,如真係跑回上場質素的話,本身用得甚多亦加分多,排檔又一般對手亦變得相當強。
2「雪山飛狐」外地雖然跑1200米左右較佳,居中至前較佳,但問題不在於此駒來港試閘極少,而是此駒在英國戰績真的幾麻麻,在三級賽基本上毫無戰鬥力,在及後的二三班賽事就算入圍也就算全面形勢下都未能掄元,可能反映此駒實力有可能都係差唔多。
3「合衷共濟」隻馬上次快了一點,但都係放唔出之餘,跟前又唔係衝得唔太多,又係「都柏名駒」贏個場,上場連隻「張燈結綵」都過佢,今次仲要排檔外,有點困難。
6「紅運泰斗」之前「田」踱步好幾回,算是少見,要留意此駒跑法,上次在谷草跑得唔差,飛到大外疊都步步追,在愛爾蘭四場之中,表現在尾一場明顯有進,守庖廂位塞大半條直路一衝而過及後贏出賽事的Sir William Bruce,而此駒特擅跑上山落鈄,可惜係一隻中距離特性馬匹,1200米真心好短,上次衝得好慢,而且出閘唔快,上程的話回谷草要小心。
7「中華盛景」排檔唔好,但可惜本身閘箱問題唔少之餘又出閘唔多快,而此駒在澳洲雖然贏兩場的姿態係幾吸引,但該幾場對手又真係相當麻麻,入圍的及後係近乎毫冇表現的也有,而此駒單跳係冇乜問題,期待成長。
10「成才」盛年時跑田草都差一截,季初跑同程四班中都唔得,今季都已用得好多。
11「勝意龍」隻馬晨操都仲係神神化化,上場跑到中間直情亂哂步,此駒本身外地兩歲個陣用得好多,講真有冇進步都唔知。
12「木火同明」就算狀態唔差,但田草同程都真係四班中才有入圍牌面,之前跑谷草同程已開始感覺見頂,上場轉入內欄得佢一隻衝都唔得,如馬房真的博上岸不如等季尾谷草1200米四班穩陣,今年田草一場都冇跑過。


(河馬仔賽馬專欄)2021/06/13真金投注紀錄
回應 (1)
我要發表
河馬仔河馬仔
河馬仔河馬仔 2021/06/13 22:05:52 回覆



2021/06/13「河馬仔賽馬專欄」,今季都好冇乜機會輸少廿個樓下了。

是日 : + $1908 - $18900 = - $16992

累績 : - $16992 - $298033 = - $315025

user

最新回應

河馬仔河馬仔
河馬仔河馬仔 2022/01/01



2022/01/01「河馬仔賽馬專欄」,又有年頭開始輸。

是日 : + $1000 - $15000 = - $14000

累績 : - $14000 - $355115 = - $369115
河馬仔河馬仔
河馬仔河馬仔 2022/01/01

(以下分析只是河馬仔個人觀點,注數只是河馬仔自己會買的,僅屬參考而已,賽馬沒有必勝,絕不可以孤注一擲或投注過度。)

河馬仔河馬仔
河馬仔河馬仔 2021/09/19


2021/09/19「河馬仔賽馬專欄」,我諗我九月要收工了。

是日 : + $1944 - $19500 = - $17556

累績 : - $17556 - $337559  = - $355115
河馬仔河馬仔
河馬仔河馬仔 2021/07/11



2021/07/11「河馬仔賽馬專欄」,全季以今日中都冇用,埋單輸$126224結束今季。

是日 : + $13992 - $18900 = - $4978

累績 : - $4978 - $315025 = - $320003