27~28/7 月尾推高結算位
港股洗倉式急挫, 連跌3天嚴重超賣, 靜候反彈, 部署轉倉及結算
27/7 周二恆指收25086，大跌1105點
白宮禁止美資買賣中資股傳聞繼續發酵, 拖累中港股市午後跌幅擴大, 尾市突然夾硬隊穿25000殺好友, 低見24748後拗腰上, 收25086, 已收復部份失地, 大市成交額高達$3606億 , 創有紀錄以來最多, 大成交創新低係見底訊號, 只要明日成交少過今天, 港股今個月已見底機會大, 或者留番8月再試底, 因為年波幅仍有向下擴大的空間
過去三日夜期都係收低水, 港股就跌過不停, 但今晚夜期突然收高水, 係利好訊號, 上周三夜期又係收高水, 翌日就急升, 只要明日競價高開, 就係好友反擊訊號, 港股好少全周日日跌, 月尾6天多數係3升3跌, 就算股災都會升兩天吧!
恒指年波幅未達標, 不過周波幅及月波幅已超標, 港股跌勢過急, 嚴重超賣, 或會有後抽, 先行作出技術性反彈, 推上去再派貨, 過去幾日大鱷大舉屠牛, 肥牛已死得七七八八, 但今日24200~24750牛牛再度急增, 最重倉在24600~24750
連日沽貨走鬼的大媽今日突然掃貨係利好訊號, 未知是否與後日(周四)期結有關, 亦可能係想推上去派貨, 因為未來三日係1/8加印花稅前走貨的最後機會, 如果大媽大鱷唔想賤價出貨, 就要推番上去高沽貨, 人民幣續跌, 港匯走弱, 資金流出中港股市, 上証下一個大位在3300, 如能守住, 有助穩住港股, 因兩地股市多數係同步見底拗腰上, 通常內地股市暴跌, 跌至大位, 阿爺都會護盤
明日係結算前夕, 好友或會作出垂死掙扎, 市弱由低位可彈800點, 即係挑戰25500, 市強彈逾千點, 彈完等8月再繼續尋底, 上証今日收3381, 月波幅未達標, 即係未見底, 要下試關鍵大位3300, 在美上市中概股洗倉潮未完, 利淡市場氣氛, 但恒指周波幅已超標, 可能會先推番上去來擴大下跌空間, 留番下個月再隊, 有「科技女股神」之稱、方舟投資管理創辦人Cathie Wood繼續拋售中國股票, 外資正不斷減持港股, 炒港股的熱錢撤退, 連一向密密炒港股的大鱷都減少炒港股, 因炒牛氣沖天的美股更具值博率
美股上升時, 在美上市的中資股卻反艇, 皆因美資不斷沽中資股, 美股累積龐大升幅, 道指連升5天, 高處不勝寒, 小心本周業績期見光死, 根據統計數據美股7月係燒煙花, 8月份收跌機會大, 美股基金大戶正在減倉止賺, 手持大量現金, 但美股散戶卻蜂湧入市, 有濃濃的派貨味, 美股位高勢危, 當美股見頂回落, 港股就危
恒指連日急瀉, 與道指差距高達10058點的爆錶水平, 過去幾周最多只係相差約7500點, 恒指大幅跑輸道指, 有望追落後, 收窄兩者差距
恒指頭肩頂量度跌幅可見25500, 今日低見24748, 已超標完成, 好友全軍覆沒, 係時候變臉殺淡友, 不過股災市切勿太樂觀, 技術性反彈後, 仍要繼續尋底, 去年第四季仍有一個上升裂口在24486~24689有待回補,
結算前夕港股止跌回升, 結束3連跌, 部署結算位
28/7 周三恆指收25473, 大升387點
港股嚴重超賣, 加上有結算因素, 今日大幅反彈, 於連跌勢頭中突然升超過200點係利好訊號, 升勢有望延續, 美元失守92.5利好人民幣, 人仔亦結束三日跌勢, 今日低見24848, 守得住前底24748, 代表港股今個月已見底, 好友正在反擊, 按照時間周期, 今日係港股轉勢日, 跌浪結束, 不會升一天就收工, 點都要撐埋明日結算
今日恒指升抵第一個目標25500, 下一個目標係26000水平, 如能收於其上, 再上就係26500, 今日沽空縮減, 人仔回升, 老外大舉掃A股, vhsi恒指恐慌指數急跌15.62%(近全日低位收), 雖然深大媽狂沽QQ, 但滬大媽卻趁低大舉掃QQ, QQ觸底回升, 阿爺約談教育機構為監管政策降溫, 官媒唱好內地股市, 怪不得上証一插即彈
按照慣性走勢, 結算日恒指多數高開, 明日係推升的最佳時機, 由於市場氣氛差, 股民入市意欲低, 急升挾淡逼淡友回補空倉係最有效的推升手法, 每周通常有兩個方向, 周初大跌, 如今就輪到上升, 匯市方面亦利好, 美元急跌, 人仔升, 港匯昨收7.7855, 今日走勢改善, 收7.7808, 資金流走放緩
上証低見3312, 守得住大位在3300, 彈上3361收, 僅跌19點, 收復大部份失地, A股方面, 指標股茅台亦止跌回升, 大幅高收, 上証連跌四天亦有望作出反彈, 由於兩地股市多數係同步見底拗腰上, 加上今日係結算前夕, 好友出手部署高位結算, 港股就偷步推升, 按照慣性走勢, 港股急跌就會急彈, 不會徘徊於恐慌性拋售的低水平, 月波幅已達標, 今個月冇必要再插, 大鱷不愛炒單邊, 連插後就會急彈, 好淡通殺
~~~~~~~~~~~~~~~~~~~~~~~~~~~~~~~
超跌反彈
市弱由低位可彈800點見25500(今日高見25520), 不過收市U盤再踢高, 貼近高位收25473, 係強勢表現, 代表好友已重奪主導權, 如市強就會彈逾千點, 重上26000不是夢, 未來兩天(29~30/7)係大鱷大媽沽貨避開增加印花稅的最後機會, 如果想靚價出貨就要托沽, 推番大市上去, 睇下大媽沽QQ的手法, 係推上去派貨, 碌落去又會再買番上去, 唔俾QQ一棍插得太過份, 大媽唔想賤價賣QQ
股災消息面利淡，人心虛怯，市場對壞消息非常敏感，一有乜風吹草動就 洗倉沽貨, 股災市即市波幅五七百點是等閒，目前港股正處於反彈勢頭, 不過入市博反彈前要諗下假如再插五百一千如何自處， 因為股災市底頂下移，彈完就會再尋底, 由於股災跌勢過急，股民走唔切，所以見反彈就會争相沽貨，令高位一瞬即逝, 股市長開，不愁日後冇機會，旣然入市風險大，離場唔睇市亦可, 如果想入貨作長線投資, 最好分注
上半年大鱷大媽將恒指困在27505~31183, 踏入下半年開新局, 由於恒指年波幅未達標, 但向上封了頂, 就只能向下擴大年波幅, 500點級級向下移, 26000.25500.25000.24500.24000...
回顧今年恒指高低位:
1月 27079~30191
2月 28382~31183
3月 27505~29912
4月 28274~29405
5月 27715~29336
6月 28216~29490
7月 24748~28859
~~~~~~~~~~~~~~~~~~~~~~~~~~~~~~~~~~~~~
大媽狂沽港股
由去年2月低位21139後反彈, 今年2月見頂31183, 回吐跌幅一半可見26161, 去年恒指起步點在21139, 好友撐唔住26000, 斬倉止蝕/止賺盤出籠, 加上券商要沽出對沖的正股, 大市就急挫, 正路本周及本月都係收跌, 大媽於1/8加印花稅前密密沽貨, 加上28/7聯儲局議息, 股匯債再起風雲, 河南省暴雨成災, 創歷史上最大降雨量, 不利內銀內險, 皆不利港股表現
美股牛氣沖天, 急跌亦會急彈, 唔少炒港股的資金都轉去炒美股, 根據歷史統計數據, 美股7月份係好月, 8月才會反艇, 白宮下令禁買賣中資股, 美資要趕在期限前走貨, 所以在美上市的中概股往往一彈即散, 沽壓沉重, 拖低港股, 加上阿爺不斷推出監管政策, 係港股底頂下移碌落山的主因
港股於2月中創今年大頂, 1月份北水大媽大舉狂掃港股, 不過於農曆年長假期復市後就不斷沽出港股, 而外資就在4月開始不斷沽貨鬆人, 中資外資齊齊玩跌下彈下托沽, 令股民有錯覺以為港股跌唔落, 其實港股陰陰跌, 踏入7月份, 監管風暴惡化, 加上美國進一步打壓中概股, 港股就破位而下
美股炒業績，由低位抝腰再沖頂，蘋果等科企公布業績高峰期市況會大幅波動, 近來港股唔跟美股升, 皆因有自身的利淡因素拖低大市, 美股大牛市扯走炒港股的資金, 導致資金流走, 水災+互聯網+藥企+內房+教育企業監管政策+恒大內房債務危機+人民幣港匯弱+1/8加印花稅+白宮禁美資買賣中資股
股災市勿估底, 手痕博反彈要快閃, 港股跌到現水平沽空仍高企, 空軍未收手, 就算24748已見了短底並作出反彈, 但今年大底仍未出現, 港股沽壓沉重, 洗倉潮未完, 股災市不問價沽貨, 現金為王人踩人走鬼, 基金剛斬倉, 仍會繼續沽貨避險, 不會這麼快再入貨, 除了政策受累股要斬倉止蝕, 基金大戶亦不得不沽其他持倉貨, 套現來救亡
2月恒指見大頂後反覆向下尋底, 內地收水, 大媽由2月起大舉走貨, 白宮禁美資買賣中資股, 老外由4月起走鬼, 上半年托住27000及28000來派貨, 按照這趨勢, 下半年波動區間進一步下移, 理應落25000.24000, 甚至更低, 有分析指8月份QQ將會插穿$400, 今日低見$422
元帥你睇到乜
港股靠阿爺及大媽撐市， 上面有肥熊，貼價牛未出世，大鱷咬住高位唔放
日本央行今日開始為期兩日的貨幣政策會議
昨日韓日台股急升，今日反艇
日股收報37,628點 大跌2.16%
韓股收報2628點 大跌1.76%
台股收報19857點 大跌1.36%
上面好多
熊
今早伸多一腳上山大舉屠熊，QQ亦嚴重超買，恆指去到阻力大位17200-17300, 做夠周波幅史哥沽亦有道理