親子講座(網上版)下篇
訓唔著,打埋下篇先。
上回講到聽左個講座,余德淳博士講既。講座好多有用既重點。
[4]懷疑既精神
小朋友咩都聽你話,唔係好事,而且危險。人地叫佢吸毒,佢就吸毒......
小朋友四年班開始,答題目都要有自己見解啦。「作者認為點,你同意嗎?為甚麼?你的意見如何?」
自少欠缺溝通,冇機會表達既乖乖小朋友,覺得咩都要接受,會答得好咩? 要有懷疑既精神。而且,小學就要幫小朋友建立世界觀,接觸唔同既親戚,以及唔同行業既人,學識體諒他人。
至於懷疑人生呢d野...... 如果大人成日講大話,自己都信唔過自己啦。大人唔明人生既意義,做唔好榜樣,小朋友更唔明人生既意義。如果對死亡有錯誤既認識,小朋友易神經質; 相反,真正認識死亡既小朋友,就更能夠接受死亡。
「接受」嚮成個講座係重點詞語,例如要接受自己既小朋友鐘意既野,唔好逼小朋友只跟你意思做事。
[5] 肯定
要肯定自己既小朋友。例如當你明白小朋友盡左力,又好有耐性去完成一件事,你要佩服佢既耐性。
珍惜你同小朋友既關係,令小朋友感受愛,而且冇人會放棄佢。
照顧男仔,運動量應該比照顧女仔多16倍。原來我個仔因為我既運動量有限,限制左佢咁多運動量......好彩佢爸爸會帶佢放下電。
被動既乖同主動既乖點分?如果做完家務,小朋友滿足同開心,唔係只為讚賞,就係主動既乖,係好事呀! 發自內心。
小朋友咁乖,再加個見証人,例如婆婆,小朋友既付出更加得到肯定。
金句: 愛同肯定,唔可以「盡在不言中」,都唔可以「過左去唔好提」
[time perception]
如果小朋友成日遲到,第日約朋友會甩底,返工會拖延......
你等小朋友等多左幾耐,你就要小朋友等返幾耐,感受下等既焦慮、不安,建立返同理心。
聽完講座,覺得今日又學左好多野啦。
尤其有關每日俾自己一d小成功,以及需要俾小朋友進入不同既群體。
令我覺得最振憾係: 小朋友對死亡有誤解,易神經質。我希望仔仔身邊既人唔好再講咩地獄呀,閻王呀咁囉。我比較想講,第日上天堂。
-完-
係
唔鬧得,會自殘。
唔打得,會報警。
唔逼得,會對立、反抗。
ivina 聽落現在做父母真不容易..
哈哈,送上星星。
睡不著,寫blog,我都有這經驗啊!