姜濤的力量
2021/10/28 19:03:14 網誌分類: 嗜好
雖然我自細都唔係追星族,依家咁鐘意聽姜濤某首歌,首先係因為我鐘意首歌。
其次,姜濤面尖尖,笑果陣個嘴有D似我個仔,總之見到佢我就諗起我個仔好靚仔。
當然,聽講姜濤買樓俾媽媽呀, 乖仔。
唔知我個仔大個咩樣呢……
姜濤把聲咁靚, 我個仔大個之後把聲又會點架呢……
之前知姜濤出席活動暈低過。慘慘豬呀~
咁努力既一個年輕人, 佢又倦, 又好似好多心事呀。
我個仔大個又會點呢, 佢有心事又會點呢……
姜濤都有打籃球丫,我個仔唔做運動架喎。我個仔咪仲易暈……
每日咁多家務,又要返工,我真係好大壓力。面對個仔既功課同默測考壓力,我更大壓力!
聽歌啦。
好好聽,佢把聲同許鋌鏗有D似,又似百變小櫻MAGIC CARD既雪免哥哥。
不過姜濤講野把聲同唱歌又唔同架喎,唱歌好聽D。可能佢唔夠訓啦。
送上星星。姜B魅力很厲害,他的影迷在金鐘的麥當奴排隊,在mirror 樂隊前拍照啊!場面熱鬧啊!
你都幾多想像力..不個鍾意一個人或一首歌..係冇理由可言..