1~3/12 好淡通殺

2021/12/01 23:58:26 網誌分類: 經濟
01 Dec

1/12(周三)恒指收報23659, 升183點, 結束三連跌

早前恒指隊到落24481, 扮頭肩底作出大反彈, 見頂25746後再插, 今次隊穿10月底部23681低見23175後, 會不會又扮完成雙底彈番上去, 見頂後才破底落地獄呢? 如反彈受制於24000, 以閒閒地二千點月波幅就要見22000, 如果唔想落22000, 就要見24500來向上擴大月波幅, QQ及科指仍未創新低係港股計時炸彈, 明日港股表現要看權重A股, 人民幣強爆, 老外大手掃A股, 有助撐住內地股市

金融市場立立亂, 美股大波幅動, 日圓走強, 代表市場避險情緒升溫, 配股活動增加, 今日輪到中國電力配股淨籌逾48億元, 係大行撐市的原因之一,

港股尾市沽壓加劇, 多隻指標股近全日低位收, 美期大彈高, 港股卻向下走, 可能係沽壓大, 咬住23600水平亦有可能係大鱷想俾時間牛熊出世, 今日有大量貼價牛熊登場,  市弱彈600~800點, 23175+600~800=23775~23975, 今日高見23864, 市強彈逾千點上24000, 企穩加多500點

後日3/12(周五) 港股成份股變動, 當天港股成交會大增, 日港股反彈不獲科指及國指支持, 科企見沽壓, 國指跑輸恒指, 可能和成份股減比重有關, 美團等多隻科企減比重不利科指, 亦有可能係因為內地監管科企政策沒完沒了, 導致資金流走, 阿爸陰氣好重, 十分邪門, 不炒也罷, 呢隻股份兩次上市都係輸屎人, 阿爸係權重股, 屢創新低, 亦係壓住科指的元兇之一, 由17/11起的11個交易日, 科指只得兩天收升, 弱得不尋常, 有洗倉走鬼味, 跌下彈下來派貨

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

2/12(周四)恒指收報23789, 升130點, 連升兩日沽壓大增

熊市低處未算低, 港股已失守所有平均線, 頻頻裂口下挫, 一破位就會引來斬倉止蝕盤, 拖累港股級級落, 11月初跌穿25000大位, 兩日後就彈番上去, 但29/11插穿24000大位, 到今日仍未能重上, 走勢明顯比上次弱, 連吻別24000都沒有, 反映沽壓沉重, 連日受制於23800, 走勢差劣, 如果明日仍未能升穿昨日高位23864, 後市就要跌穿前底23175來擴大月波幅, 科企係拉住港股落山的領跌板塊, 因為仍未破底5769, 要補跌

24000的恒指市帳率略低於1倍, 估值偏低, 今次隊埋落23175簡直係大平賣, 看來要等長線價值投資者吸貨, 才能穩住港股, 因為多位基金經理都對港股意興闌珊, 減了港股持倉, 有些由五成持倉減至三成, 年尾收爐已不願冒風險再大舉入貨, 削弱港股低位的承接力,

其實唔少基金經理今年目標睇23000~23200,做8000點年波幅(31183-8000=23183),日前低見23175年波幅已達標, 要看淡友想預留幾多下跌空間俾明年初, 目前外圍形勢轉差, 以月波幅計, 23000~24000就要爆邊, 飛天抑或遁地就要睇中美股市點走

~ 市傳碧桂園等內房擬在銀行間市場發債, 牽一髮動全身, 一直受內房債務困擾的內銀內險跟隨內房股急升, 不過一眾股份連升兩日已升抵阻力區

~ 人民幣強勢, 老外連日掃A股, 上証底頂上移, 企穩3550, 上攻3600,

~ 上証結束兩連升, 消化沽壓, 收跌3點, 報3573

~ 港匯呢兩日雖然突然走強, 但亦不要掉以輕心, 回顧11月中港匯突然轉強踢高港股, 不過熱錢只係炒幾日就沽貨撤退, 港股就重拾跌勢, 小心歷史重演

~ 大鱷大媽推高內銀股, 大媽隨即趁高沽出建行及工行

~ 港股技術指標略為改善, 不過反彈乏力, 僅升不足200點, 皆因恒指季檢沽壓拖低大市

~ 明日恒指季檢執位, 相關股份會見沽壓, 拉住港股後腿, 今日科指逆市下跌, 壓住大市, 近來科企有洗倉味

~ 明日恒指季檢執位成交會大增, 係好淡大鱷必爭的大日子, 23500好淡角力大位

~ 港股收升但VHSI恒指恐慌指數升0.6%, 唔係好現象

~~~~~~~~~~~~~~~~~~~~~~~~~~~~~~~~~~~~~

~ 港股收升, 但下跌股份多過升股, 臨危托沽, 派貨味濃

~ 屢創新低的阿爸上沽空榜首, 過去幾個月多次提及阿里, 冇莊家, 沽空及蟹貨多, 亦說阿里係一隻好邪門的股份, 質素雖然唔差, 但第一次上市輸死人, 陰氣重, 再度上市繼續輸死人, 不炒也罷,

~  升市功臣QQ有少少莊家進駐

~ 港股連升兩日, 可能係大鱷預留回調水位, 因臨近周末獲利沽壓會特別大, 明日高危日, 市弱連升難

~ 收市U盤已是連續兩日踢高, 好友反擊中

~ 今個星期港股周線收跌居多, 代表淡友會力壓大市

~ 一眾財演齊齊唱好反而不妙, 誤導股民港股已見底, 好友入局就中伏

~ 23800水平空軍加沽, 沽空急升至16.03%, 後市仍凶險, 當累積沽空量大, 港股就會插水

~ 港股冇跟隨中美股市下跌, 美期彈高, 貼價牛熊齊齊入局, 牛在23500 : 熊在23800樓上, 牛肥熊瘦是後患

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股即市大幅波動.好淡通殺

3/12(周五)恒指收報23766, 跌22點, 結束兩連升

成也QQ.敗也QQ

年尾水緊, 降準憧憬下, 上証強勢連升四周, 早市上証高開高走, 以半日最高位收, 靚仔, 但大鱷唔想放生貼價牛, 刻意壓低港股, 競價唔跟美股高開, 先大插337點隊穿23500秒殺貼價牛近200張即彈, 大鱷正PK, 殺完好友, 再挑戰23800阻力大位殺埋淡友,好淡通殺, 貼價牛熊雙雙陣亡, 收市U盤夾硬踢高50點收23766, 好友想大幅拋離前底23175, 可惜最終恒指國指仍然收跌, 今日恒指季檢, 成交急增, 好友力撐收陽燭

今日港股季檢成交大, 高達$1659億, 淡友當然想收陰收跌, 最終收跌收陽, 好友有阿爺撐腰, 本周港股暴跌後收復唔少失地(上周五收24080, 本周低位23175, 今日收23766), 當然亦有可能係扮跌唔落引好友牛牛入局, 又或者係空軍推高加沽, 當時機一到再插過,

~ 滴滴宣布啟動紐交所退市轉往香港上市, 老美諸多刁難, 有意踢走在美上市中概股消息下, 港交所爆升$18.8(+4.4%), 收$450.8, 新經濟股除牌風險大增全日捱沽, 沽壓大得驚人

~ 在美上市中概股退市消息極利淡, 係殺跌催化劑, 要等阿爺出手打救, 與賤美交涉或護盤, 其實就算啟動退市, 亦不會200多隻股份短期內全面除牌, 只係淡友借勢殺跌, 問題係有些老外基金只能投資歐美股市, 擔心退市就要走貨,

~ 由17/11起的13個交易日, 科指只得兩天收升, 洗倉走鬼格, 跌下彈下來派貨, 科指更罕有地收6000之下, 走勢不妙

~ 滬深大媽一個買QQ, 一個沽QQ, 托住QQ, 力守$440~450, 唔想賤價沽貨, 今日QQ收陰收跌,底頂下移唔靚仔, QQ能否守住$440再上攻$480係港股升跌關鍵

~ 資金由科企轉投舊經濟股, 內銀靚仔, 因息率高.股價殘, 亦可博降準, 多隻指標股逆市上升, 推動大市收窄跌幅, 可惜科企低開低走, 沽壓沉重可能同減比重有關,亦有可能係因為昨晚在美上市中概股捱沽

~~~~~~~~~~~~~~~~~~~~~~~~~~~~~~~~~~~~~~~

~ 收市U盤已是連續3日踢高代表好友健在, 可能係大鱷預留回調水位, 好友力撐, 向下大位位23400.23175.23000, 關鍵大位就算失守亦不會一去冇回頭, 如能收市企23400, 代表好友仍未棄守, 仍會挑戰23800阻力位, 如能上破23864可初步看好

~ 空軍再出手加沽,連續兩日沽空比率都有約16%, 代表港股後市仍凶險, 要等淡友食胡回補空倉, 才能穩住大市

~ 港股連續兩日底頂下移, 利淡, 尋底市每周都會有新低, 近日港股三大指數低位23175/8265/5855, 要看大鱷大媽會否托沽, 窒窒步跌來派貨, 因為大媽重倉港股唔想賤價出貨

~ 早前估計12月初會先踢上去尋頂, 然後才落地獄, 結果開局第一天就高見23857就打回頭, 隨後兩天底頂下移尋底格, 走勢向下, 其實以好友的能力, 重上24000不難, 但科指仍未創新低, 好友就用拖字訣養下牛熊先

~ 港股溫度計港交所觸底反彈, 轉勢向上, 代表港股呢浸跌浪已屆尾聲, 等埋科指創新低就會重拾升軌

~ 人民幣連續兩日小幅下跌, 今日反彈, 仍企強方, 老外連日大手掃A股, 推動上証底頂上移, 企穩3550, 攻上3600, 收升33點, 報3607, 表現亮麗, 升穿11月高位3602, 下一個阻力位3625不易上企, 可惜港股唔跟升, 只係午後及收市U盤踢高, 收窄跌幅, 應升不升需防插, 沽空連續兩日爆燈, 後市必插

~ 人民幣及內地股市走強, 撐起舊經濟股, 令恒指表現比國指及科指強, 本周恒指2升3跌, 符合每周通常升跌2~3天的慣性走勢,

~ 按照今年港股周線的慣性走勢, 下星期係收升周, 下周五會收23766/8455之上

~ 港匯日前突然轉強, 今日又轉弱, 熱錢再度流走, 港股又反艇

~ 下周五(10/12)月供股票日, 要看大鱷想唔想高位派貨, 如果好友或大媽護盤, 下周再跌就會一插即彈, 就好似今日午後彈上23802, 由早市低位23452拗腰彈351點, 要不是多隻科企弱雞, 港股就倒升了

~ 恒指國指科指周線雖然全面收跌, 不過港中企業周線卻收升, 可能係因為當中沒有科企, 舊經濟股見資金趁低吸納

~ 貼價牛熊齊齊飛撲入市, 好友牛牛較進取, 牛比熊多, 牛在23450 : 熊在23853, 不過整體牛熊數量差距已大大收窄

~ 下周二(7/12)轉節氣大雪, 變盤日, 收升或跌對後市具啟示作用

~ 馬斯克密密沽Tesla持股, 不利比亞迪等車企

~ 14~15/12聯儲局議息, 股匯債起風雲

最新回應

門徒
門徒 2024/03/28

166對後市有一定指向性 {#iconb_22}

門徒
門徒 2024/03/28

嘩...乜挾到咁高既 {#iconb_61}

美味雞煲
美味雞煲 2024/03/28
@soho*...

元帥,咁我避開桂林先😄 冇諗過去貴州丫,但可以考慮嘅之前我就係三月去桂林,天氣一般亦都去睇過苗族表演,所以貴州可去可不去 ☺️ 可能有啲地方好靚我要深入了解吓先 🤭 想去嘅地方有四川、西安、西藏、新疆、雲南同北京,分兩次去😅🤣 

門師兄,快啲玩熟CFD等你帶隊🤭😚🙏

史哥
史哥 2024/03/27
@門徒...

門徒~

保證資金~咪即係你户口要確保要有嘅金額囉~

如果低過的話~會被迫強行斬倉 跟現實期期一樣~

因為有桿杆~

至於~手什麼美元手續費係咩~就唔知喇~可能係美股買賣交易手續費? {#icono0_33}

你有咁多問題~自己問客服啦~或者入群啦⋯⋯ {#iconb_23}