2022年港股開年好淡通殺

港股一月首周(3~6/1)衝頂回落要試底.觸底回升再衝頂, 挑戰23605.23800~24000

22665/22705(底) + 1500~2000點一般月波幅 = 24200~24700

22665/22705(底) + 2000~2800點大月波幅 = 24700~25500

12月恒指大插後拗腰向上, 收復大部份失地, 月線微跌收, 代表23000樓下有買盤撈底, 12月恒指月波幅只得1720點, 按照慣性走勢, 12月做細月波幅, 1月就會做大月波幅, 去年1月恒指做3100點特大月波幅, 月線收升, 睇12月的偷步買盤, 今年1月有望歷史重演, 月線收陽收升

由平安夜起恒指雖然八連陰, 但亦不應太悲觀, 其實港股並非單邊向下, 大鱷玩好淡通殺, 吃了3次肥熊, 7次肥牛, 剛吃完牛扒, 又想轉口味上山再食熊掌,

2022年新年開新局第一天3/1, 恒指見短頂23605後掉頭倒跌收場, 按照慣性走勢, 衝頂打回頭就要試底, 6/1低見22709, 科指國指創熊市新低, 但恒指守得住前底22665, 低開高收, 單日轉向呈大陽燭, 靚仔, 與QQ同步止跌回升, 倒升收市, 利好, 按照慣性走勢, 試完底就會再衝頂, 多數會破頂, 即係會升穿23605創月內新高, 企23000就會挑戰阻力位23500.23605.23800.24000... 如再打回頭就要再尋底, 不過只要守得住23000/22709/22665, 代表升浪未完

5~6/1港股急跌時成交急增, 大成交下挫係好事, 可能係見底訊號 1) 好友斬倉止蝕止賺谷高成交, 2) 淡友食胡回補空倉 3) 新年開新局新氣象, 博一月例升效應買盤進場 4) 基金經理聖誕新年假期後回歸, 冇左埋年結制肘, 積極入市撈底 5) 跌穿24000恒指市帳率低於1倍, 估值處偏低水平, 具吸引力, 插穿23000平靚正, 股份是不會長期處於不合理的水平, 有投資者趁低吸納, 連股神拍檔芒格都在去年第四季大手增持阿里, 持倉倍增至逾60萬股, 不過2022年美國債息急升利淡科企, 美股高處不勝寒, 失去回購撐市美股就要落山

1月初科指國指創熊市新低, 但唔少指標股都冇跟隨指數創新低, 特別係舊經濟股, 反而逆勢反覆急升, 出現向上突破利好訊號, 代表有資金暗暗趁低吸納, 近日港股反彈, 股民紛紛止蝕, 大鱷收貨, 逆向思維係利好訊號

港股2022開年反覆急跌, 科指國企創熊市新低, 好友死心, 紛紛走鬼, 連燈神高人都轉口風唱淡, 通常全城看淡造淡港股就會反彈, 按照大鱷習性, 逼死好友就會彈高, 正路明日(周五7/1)港股會反彈, 不應創新低, 因為恒指本周波幅已達標, 周三美股暴跌但周四港股一插即彈, 道指恒指差距收窄中, 港股正在追落後

有人辭官歸故里, 有人漏夜趕科場, 港匯由恒指創新低22665那天20/12突然拗腰向上, 其後由弱轉強, 代表熱錢開始流入, 暗暗趁低吸納港股, 不過港匯6/1突然轉弱見7.8022, 有少量熱錢沽貨撤退係港股大插的元兇, 幸好有大媽大手掃貨護盤, 滬深大媽合力狂掃QQ撐市, QQ亦回購股份, 三劍合璧將QQ推到近全日最高位收, 港股亦同步拗腰倒升, 北水救市, 窒礙了港股下跌步伐, 隨後港匯亦再度轉強

由20/12恒指見底22665起到6/1, 夜期多數收高水, 只得兩天收低水, 而且對利淡消息負面反應不大, 係好友主導大市的利好訊號, 恒指收市U盤於4~6/1都係大大力踢高, 亦係好友的手影, 港股沽空持續高企, 一係大插, 一係爆升, 大鱷就玩挾淡來逼空軍回補空倉,

~~~~~~~~~~~~~~~~~~~~~~~~~~~~~~~~

牛死熊命危

初生bb牛下移至23253, 有上攻誘因, 周三四港股急挫時見短炒淡友食胡手影, 連日落山屠牛後, 牛熊分布變得均衡, 同樣約11000張, 所以大鱷唔走單邊, 急跌亦會急彈, 玩千點上落兩邊殺, 好友淡友通殺, 大鱷就可獲得最大利潤, 新年開局3~6/1港股飛天遁地, 天堂地獄游走

周五(7/1)係畫圖日, 好友想反敗為勝, 今日(6/1)已偷步出手玩一插即彈, 只要明日(7/1)推上23397, 本周恒指就可收升, 罕有地連升三周, 但國指科指弱雞, 本周跟隨慣性走勢收跌機會大

恒指八連陰(24/12/2021~5/1/2022)後今日(6/1)終於收陽燭, 連陰斷纜轉陽利好, 代表殺跌已告一段落, 後市只要重上23200, 代表好友已奪回主導權,

回顧過去十年, 1月份7升3跌, 即係今個月收升機會大, 普遍分析預測後市會上24000, 亦會下破22500, 3/1高位23605只係短頂, 開年推上去只係試水溫及養牛熊, 落山屠牛任務完成就上攻殺肥熊, 今個月大頂仍未出現,

中港股市通常係同步尋底頂, 新年開局齊齊衝高回落, 反覆尋底, 但上証6/1低見3559, 守住3550大位後拗腰向上, 港股亦同步向上走

大鱷殺完好友殺淡友