痾足一夜

昨晚都是整日在家，都覺得腸胃唔多好，就煮粥食，餐後食了些生蕃茄當水果，睇完8點半劇集就拉小狗入房睡，到凌晨一時開始肚不舒服，絞肚痛，唯拉不出，一個小時進出，不果，直至2時，再起身終於瀉了，轉頭入房，又衝上厠所，最後五點多瀉到腳軟，終於要吃止痾丸才停止。

馬上取出檢測包測試，一條線，即陰性，放心，然後又弄些粥水做早餐，食完入房再補充睡眠。

可能三天逛街，在外面食午飯，腸胃慣了家中清淡，油質也較好，一下子在外邊用膳，食物質素和食油關係，積存導致，又或生蕃茄較難消化，現在只有吃白粥，什麼都不吃，多飲水，把流失水份補回，休息多些，早日復原。

禁足太久，真係會失控，明知外面食較不衛生，仍要挺而走險，爭取生活自由。也是自找苦果，活診！