5月上旬港股捱沽

11/5 周三恆指收19824, 升190點

今日港股超樣衰，彈散，高位一瞬即逝，QQ反彈完，高見$362打回頭，代表港股亦彈完，要繼續尋底，周三四五係創周低位的時間窗口，不過可能暫時唔深潛，拖到5月下旬才隊穿19000都得，因為恆指呢兩日已做了905點周波幅，已進入達標範圍，自從6/5插穿20000大關，北水大媽日日都大手掃貨護盤，不過港滙弱到不得了，熱錢流走，看來大媽都唔撐得幾耐, 人民幣跌到阿媽都唔認得，拖累內銀內險內房中移，空軍趁反彈加沽，特別針對科企

怪不得港股彈散，因為於20000附近的熊熊將於周四12/5出世，牛熊分布均衡5266牛 ：5079熊，大鱷正在養牛熊，所以在19500穿梭，港股正處下行趨勢，今日上升全靠滬深大媽大手掃貨及QQ及美團, 下跌裂口19758-19973已回補，任務完成就要繼續尋底

短線要再下試19500水平，即接近保歷加底部, 如失，就要向19000進發，肥牛在19200附近，騰訊將於下周三(18/5)公布首季業績, 融創(01918)未支付2948萬美元逾期票息，將尋求債務解決方案, 拖累內房股下挫, 今晚美國公佈cpi利淡美股，道指恆指差距拉動下，港股亦會跟住碌落山

10/5 周二恆指收19633, 跌368點，連跌4天，靜候死貓彈

港股今日雖然創月內新低， 不過港股及QQ收陽燭，露出一線曙光，按照慣性走勢科指明日會反彈，有助帶動港股向上 , 科指已連跌5日，剛好平了今年最長連跌記錄，如果明日仲唔彈，就打破今年記錄了，好友加油！

今日港股已跌穿四月尾低位 19665/ 6657 ，但上證低見2957後拗腰 向上, 低開高收單日轉向倒升收市，上證今日低見2957，冇跌穿 四月尾低位2863，走勢勝港股，其實上證5月開局以來，4天當中有3日收升，反映低位有買盤承接

上證已是連續三日跌穿3000大關後拗腰並收於其上 ，有無形之手睇場， 只要內地股市回穩，利好港股, 港股拗腰上都係全靠滬深大媽大手掃貨，上證守住3000, 恆指險守19000，國指6500

港股一插即彈，牛熊都加倉，亦引咗大量牛牛企19000附近， 今日下跌裂口19758-19973有待回補，20000整數大位為短線阻力， 港股沽空仍高企，要抽升挾淡才能突破阻力

9/5 港股佛誕假期休市

在岸人民幣兌美元收市報6.7202，下跌357點子，創逾一年半低位

深證創指全日收報2228.07點跌0.75%
深證成指全日收報10765.63點跌0.41%
滬深300全日收報3877.44點跌0.80%
上證綜指全日收報3004.14點升0.09%

6/5/2022

賤美時辰到， 美國出事，全世界也不會好

港股尋底 ，牛多熊少(牛8227 VS 4096熊), 20000樓下每百點都有牛牛

~~~~~~~~~~~~~~~~~~~~~~~~~

soho* 2022/05/05 22:03:14

立夏立下

全世界都話如果見21500好倉食胡，牛多熊少，假如你係大鱷， 會唔會推上去益街坊呀？

人仔弱利淡內銀內險內房，老外今日沽出A股，大手幾十億元狂沽寧德時代

試兄數咗唔少利淡因素，淡友睇住來做嘢，部署了大量沽空盤，壓力始終要釋放，我哋減了磅就等立夏立下

為何呢幾日我多次問史哥本周究竟是收升抑或收跌？因為如果確認收跌，明日港股就會反艇

QQ和恆指都未做夠周波幅，明天要插穿$365.4及20648來擴大周波幅，因為短炒淡友要殺跌食胡

熊死牛命危

好友小心大市轉勢向下，20700樓下每百點都有BB牛出世

大鱷的絕招係玩突然轉向，大裂口高開或低開扯住去，股民企錯邊即死，根本走唔切

今早大鱷殺了貼價熊，托住大市俾時間貼價牛出世，尾市愈跌愈急，嘔突即市升幅，超樣衰

國指於5月開局後就日日跌，可能與人民幣未能止跌，今日更創一年半新低有關

人仔及國指弱，拉住港股後腿，今日港股高開低走，倒跌收場，與美元突然急升，人仔急跌的走勢吻合

俄烏打到飛起，於亞速鋼鐵廠火併，俄軍已攻入，白痴的歐盟累死歐元，谷高美元

早前聽青姐說6月1日是特朗普下令禁美資炒中資股的死線，大家可否幫手刮料來印證下

~~~~~~~~~~~~~~~~~~~~~~~~~~~~

現時我係假設後市會有第三隻腳的看法來操盤, 所以見彈上去減磅, 等大插才分注補貨

加息利好美元，不利人民幣及港元，拖低中港股市，昨日美元急回，今日又再急升，港股沽盤隨即湧現

內地休市期間A股ETF及券商股反艇，我認為係利淡訊號，因為以往內地休市，見A股ETF偷步炒高，就代表復市後A股向好，如今A股ETF係跌定來等復市，即係大鱷看淡啦！

想本周港股收升，大前題要大媽回歸後掃入QQ，結果呢！滬大媽買入QQ，但深大媽卻大手沽出QQ，滬深大媽夾埋計算，QQ出現資金淨流出，最終QQ以全日最低位$366.4收市, 跌$2, 高開低收，單日轉向，與大市同一命運

散戶連贏難，不要炒得太密，否則盈利會嘔番俾大鱷

~~~~~~~~~~~~~~~~~~~~~~~~~~~~

今日三大指數冇破頂已釋出利淡訊號，高見21284, 冇升穿周一高位21291, 點解唔殺埋21300熊？因為收跌周不應創新高

我見QQ早市已出陰燭，一直捱沽，半日收市前在低位徘徊，動力欠奉，所以提醒大家科指腳仔軟的話，港股也不會好，不過我以為港股只係收窄升幅，估唔到係倒跌，立夏威力強大

今早開市前說賤美將拼多多京東B站等80多隻中概股 納入預定摘牌名單, 可能係港股反艇的原因之一, 另外人民幣中間價雖然大幅高開, 但美元由102.5 拗腰回升, 拖累人仔最終收跌358點子, 創近一年半新低, 人仔走弱導致大市先高後低

呵))) 立夏立下，都話咗科指上周五已見短頂及內地疫情惡化會拉住港股後腿，大市果然倒跌

今早踢上去21284秒殺貼價初生BB熊即回，牛多熊少拉番大市落山

見美股昨晚爆升，今早港股大裂口高開，多位財演唱好叫買上，哈)) 結果走相反，近來大鱷鍾意玩估佢唔到，收跌周好呀！我等低位補回游水貨

科指上周五收4471, 高位4515是否已見短頂呢？大媽回歸有冇丟QQ呢？

假如科指本周收跌，會不會拖累恆指呢？恆指上周五收21089,國指7298

soho* 2022/05/05 13:06:23

近日冇插穿20648皆因附近冇牛，不過20100樓下有勁肥牛，20100-20300小牛開始增肥，21300樓上熊亦快高長大，不過大鱷可能想養肥些才殺，因為目前整體牛熊分布係牛多熊少

我都認同趁回調買上的策略，不過如果一如史哥的劇本，港股月頭開始守住20648一路殺上去？大鱷有冇咁好走單邊益街坊呢？

會不會5月上旬推上去做第一個頂，月中回調整固，5月下旬再殺上去做大頂呢？

其實美股只係不斷飛天遁地，市況仍未穩，港股波動未完，今日打算走一注A股游水，今早內銀A股逆市下跌拖低內銀H股，內險消費A股走高，推動上證半日升33點，老外掃入滬A股，沽出深A股，明日北向互聯互通暫停一天

點解我唔信20648係今個月大底？

過去4個月恆指高低位
22709 - 24982 (1月波幅) ～ 2272點
22406 - 25050 (2月波幅) ～ 2644點
18235 - 22937 (3月波幅) ～ 4702點
19665 - 22523 (4月波幅) ～ 2858點

撇除特大月波幅4702，淨係睇其餘3個月的波幅

(3/5低位) 20648 + 2300~2900 = 22950 ~ 23550

如果20648係今個月大底，即係要上23000～23500， 好高難度噃！唔似囉！

港股向上阻力重重，蟹貨猶如泰山壓頂，假如我係大鱷，就梗係取易不取難，玩插落去20000大關來擴大月波幅啦！落去做第三隻腳