郭志仁
郭志仁
郭志仁

郭志仁 - 搭巴士也能成為節目|九宮格

2023/06/09 03:22:13 網誌分類: 生活
09 Jun
        曾經跟同事天馬行空構想新節目,有提議主持每天遊走各大交通工具,錄下在公眾地方放聲講電話,肆無忌憚將公事家事感情事公諸於世的內容。多得那些不重視個人私隱的乘客,讓大家每段路程都多一點生活體驗。

朋友A先生乘巴士過海,準備拿出無線耳機播放他最愛的陳蕾,後座突然傳來一把頗激動的女聲。A暫時捨棄豹哥,收聽(聲浪太大,不用偷聽)目測大概30歲女士與疑似男朋友隔空對話。

女士:「你驚我?你搞清楚驚邊個先啦?你只係驚佢嬲,所以就抌低我!我病緊㗎!」相信是典型三角關係,女事主是小三。A聽到病人破口大罵,立即戴上口罩。

「之前我生日呀,你10點就要走,唔肯陪埋我嗰兩個鐘!又係因為要返去陪佢!」A同情男事主,感同身受,心想:做人唔好只睇到冇咗嘅兩個鐘,應該記住自己有嘅好多個鐘。佢陪到你10點已經好好,返到正印屋企隨時會捱鬧。

女士:「你驚我打俾佢,驚影響到你,你先打俾我之嘛。如果我唔發癲,你會理我咩!」

A非常認同女事主的「發癲論」,女士偶爾要對另一半發火,他們才不敢太放肆。A回想,當年身邊兩位女生,一位A遲到就會立即發脾氣;另一位即使相約看電影,A遲到半小時,也會乖乖先入場,準備汽水爆谷,還將劇情化成文字短訊傳給他。可惜每次分配時間,A總是犧牲她,就如巴士上那位女事主。

「怎麼你不會自愛,甘心去當個奴才。不懂變改,只會終生任情主宰。」陳蕾—《伸縮自如的愛》
郭志仁
郭志仁 - 搭巴士也能成為節目|九宮格
 郭志仁 - 搭巴士也能成為節目|九宮格 
回應 (0)
我要發表
user

網誌分類