Cally - 新城市廣場 「全方位空間活化計劃」最後階段 改造外牆設計 優化3樓及7樓戶外設施 | 商界講呢啲

沙田新城市廣場斥資3億元「全方位空間活化計劃」進入最後階段，今年第一季就開始啟動戶外設施優化工程，包括3樓及7樓嘅戶外平台，以及商場外牆嘅改造，涉及總面積合共逾13萬呎，整項活化計劃預期2025年中完成。Cally收到風話位於一期3樓嘅Chill Park，已經展開咗優化工程，銳意將Chill Park打造成揉合時尚、輕鬆和休閒嘅氛圍，專為年輕一族而設！而商場外牆亦喺今年4月進行改造，是次改造保留咗商場原來嘅建築風格， 重新演繹紅磚配上拱門設計及綠化元素，以現代手法呈現日夜視覺效果。至於7樓戶外平台就會喺暑假後展開全面優化，旨在為年輕家庭提供一個充滿活力並結合互動元素嘅消閒環境，到時噴水池將引入更親民同互動體驗元素，令班小朋友可以盡情玩同探索之餘，更可加強親子間嘅感情聯繫。

　　新鴻基地產代理有限公司租務部副總經理許嘉雯小姐表示：「喺商場外牆、戶外平台進行改造及優化期間，新城市廣場室內繼續會舉辦多項大型活動，以推動本地市民同旅客到訪消費玩樂，當中包括由香港出版總會聯同創意香港及康文署係4月20至23日舉行嘅『2024香港閱讀+』嘉年華、年度感謝祭『Just Buy Weeks』，以及大型人氣卡通主題裝置將會陸續登場，相信喺多項推廣活動下，能夠進一步刺激商場人流及營業額有雙位數字嘅增幅。」
Cally