Cally - 第九屆全港運動會區際體育比賽揭幕｜商界講呢啲

　　第九屆全港運動會區際體育比賽已經揭開戰幔，由依家一直到6月9日將會舉行田徑、羽毛球、三人籃球、五人足球、游泳、乒乓球、網球和排球共8個項目嘅區際體育比賽。

　　為隆重其事，大會上周日（4月21日）喺紅館舉行大型開幕禮，由政務司司長陳國基親臨主禮。典禮上載歌載舞，熱鬧非常，十八區嘅代表列隊進場，戰意高昂，似乎都已經準備好應付連場對決，絕對係精彩可期，歡迎大家親臨觀賽，為運動員打氣。

　　另外，所有項目嘅決賽將會喺香港電台及港運會YouTube頻道網上直播，個別決賽仲會喺港台電視32台直播，賽程及其他詳情請留意www.hongkonggames.hk啦。

Cally