晉成街
（家父 70 年代攝）
晉成街是我成長之地,每年回港,我一定舊地重遊,「一葉知秋」,晉成街亦可見証香港一部份歷史.
這一條小小的街,共有十八幢三層高的舊樓,一條阔约十尺的石屎樓梯,上連山道,下接大道西.
古老相傳,石塘咀百多年前是一個石礦塲,由於一直開採,把山挖成一個大空地,水上人便稱之為石塘,石塘之位置,後來被煤氣公司買下,建了两個銀色閃閃發光的煤氣鼓,鼓旁有一支經年冒煙的煙通,我们稱之為火井,後來人口漸多,有一位大業主買了旁邊一幅地,蓋了十八幢三層高的樓,在街尾築了一幅磚牆,约八尺高,把火井與住宅區分開,便是這幅牆,救了很多人命,因為煤氣洩露,攘成大火,煤氣被牆隔着,向上飄揚,結果燒死了很多遠住在加侖台及宝德街的居民,反而近在咫尺的晉成街傷亡不大.
有街坊說,石塘咀的得名,便是因為晉成街與火井這幅大地,便是採礦石的原址,聖類斯中學站立的小山崗、高高在上的加侖台,加上長而斜的「山道」,在後緊緊地摟抱着這幅大地,並帶來長年流水不断的小溪,直通出海,出口便在現今屈地街電車總站對開海面,當年的石礦,便是從這裏上船運走.石塘咀便是水上人命名的,事實是否如此,相信歷史學家將來會考究清楚.
蒼海桑田,晉成街現已重建為石塘咀市政大厦,火井亦被十多座高高的西環大廈填滿了,雖然一切已成回憶,但是晉成街的歷史亦是香港歷史的一部份,從這條街,
你可以看到當代小孩的成長,解放後,南人和北人如何磨合,隣里的互助和文化交流,黑社会如何滲透社會各階層,香港富豪當年艱難的歲月,傳媒如何移風易俗,把人從無知變成有知,凡此種種,晉成街亦可提供一些見証.
未完
不看冇損失的 BLOG :
看到有街坊回應,真好,祝你身體健康. 16號2樓我有一個童年好友住在哪裏,叫做呀德,不知現在他怎樣,你認識他嗎.
👍隅然看到這篇文章，從早年孩童在晋成街成長的兒時回憶，都感覺到當中温情濃厚，令人既羡慕，又感慨。我雖然趕不及認識各位街坊，睇到這些(2008-2015,已是多年前喇)留言都好開心文字內描述晋成街的位置，仲有街角石梯的照片，彷彿在確定我腦中街上的影象。謝謝。
祝梁兄及家人萬事勝意，身體健康。笑口常開。
祝梁兄及家人萬事勝意，身體健康。笑口常開。
新的一年又開始。晉成街一號地下家人，祝大家羊年羊羊得意，身體健康，心想事成
燦兄，Pfn兄，
不用客氣，我已回港，晉成街舊友，現在已可電郵聯絡了，請看email。
黃字。
young8:
祡兄，Pfn兄及各位 自上次留言,我去了英國。忘記查閱各位留言.
請與我聯絡 祝安康 燦字
PFn 孖1,添燦兄，
網上相逢是喜事也，請保持聯絡。
PFn 孖1 兄，古道熱腸，難得！
添燦兄 (young8 )
添燦兄你好.好驚訝.世界這麼細,真係無聯絡大約40幾年嘅朋友仔可以係呢到相
聚.再我印象中你是一個好害羞和較乖嘅朋友仔,回想返童年時,在中華罐頭做完
貼(豆豉鯪魚)貼紙後出糧有錢便去買支水鎗同你和慶叔個仔,家俬舖呀雄一齊係
街尾玩水鎗大戰.你記得嗎？你時常帶我哋去玩電梯,點解？因為我哋大部份都係
住(晉成街)好少機會接觸到升降機,覺得好新奇,所以你時常帶我們去你家玩順便
可以遊 Lift 河.還有係走廊玩(壁虎功).最經典都係上面題及個件事,大步欖過.上
天安排要你留返世上幫助世人.我家自搬遷到青衣居住後,我 81加入消防處工作,
89年結婚.現有兩名兒子,大仔係養和醫院工作,細仔現讀科技大學3年班.我都會在
2015年退休了.咁就做在34年.好開心!可以多咗時間同老闆去玩. 下次再談.
你有時間上黎講吓你近況好嗎？
祝燦兄及家人身體健康,生活愉快
晉成街一號地下家人 (柴仔)上
young8 兄，
晉成街街坊很有人情味．
我識你父母及長兄．
pfn 是你童年好友，他提起你跌落樓事件，仍膽顫心驚．
你用私人回應，留下email address，我會 forward 給 pfn，等他和你聯絡吧．
看來晉成街街坊，應該見見面了．
Pfn 及萬兄，各位晉成街朋友,你們好!
剛看見幾位朋友留言.有点意外!因我在樓梯玩時從中間的空隙一時滑手由高處樓梯的空隙跌落3至4樓的樓梯裡邊係到今天我還不能忘記的事.好想同各位聚聚、可以怎樣聯絡?
祝身體健康
添燦
pfn兄，祝pfn兄家人及晉成街各位街坊,中秋節快樂.
晉成街一號地下家人 祝萬兄家人及晉成街各位街坊,中秋節快樂.
pfn 兄，對，是我父親，今年 ９８歲，罐頭廠呀添燦，看了他的文章，和 他聯絡上了。添燦的新樓在那裡？ 還記得嗎？大命啊！
早晨黃兄:
講開呀燦我想起一些往事.有一次我哋一群小朋友去添燦家嘅走廊玩捉迷藏,當時好似係7至9樓玩得興高彩烈時添燦藏係樓梯中的空隙一時滑手由高處樓梯的空隙跌落3至4樓的樓梯裡邊當時嚇死我們一群朋友,我哋原樓梯跑落去搵添燦,去到3至4樓時見到他躺下係樓梯好痛苦哋喊聲但奇怪由咁高跌落來無流血,無骨折當時休息咗一斷時間後添燦驚事情比家人知道大家要保守呢個秘密.算一算都40年了,可能上天救咗佢一命宜加要做醫生救番人.天注定.希望添燦有機會睇到我講番當年的秘密佢吾會介意
晉成街一號地下家人祝黃兄及家人 生活愉快.身體健康
tt,你可能細過 梁耀明 ，他和 鑵頭舖 呀添同輩，數手指便知。
我太細，趕不上和他她們一齊玩，只是和一堆小小朋友跳飛機，橡筋繩等，但一說起晉成街，似是故人來，親切又熟悉。
梁兄，你一家，人都很好，星期一我會開始重寫晉成街。
罐頭廠呀添，已是醫生，在美孚。 呀燦早幾年也因看了晉成街 網誌，和我父親聯絡上。
傢私舖老闆，自中風後，已少見面了。
多謝你坦率相告，晚安。
萬兄:有心2哥身體好好佢住係屯門,青衣我3哥住.忘記咗補發
我們有8兄弟姊妹,四男四女,我排第7有3個家姐,3個哥哥,我細時成日係街尾玩當時大約小學階段,我d朋友仔有18號旁邊木屋嘅兩兄弟,好似叫呀昌同呀輝還有10號地下姓尹3兄弟,12號地下嘅朋友仔,罐頭廠呀添燦,街口買山果大仔啊奀仔,係大馬路買傢私呀雄,呀富.想起都開.我3哥同11號2 樓姓樓個大女結婚,我三家組同路口做裁縫排第2個仔結婚.(晉成街)都做埋媒人
我2家姐就最長情佢時常都有同(晉成街)d朋友來往,佢今日又約埋傢私舖個大女同埋住尾房嘅曼梨姐,及係街口買電器住尾房兩姊妹今晚聚舊,佢父親有時係街口近面向晉成街左邊買生果,因為右邊已經有我朋友父親買梗 
請見諒小弟d文筆.無黃兄咁暢順.保持聯絡. 晉成街一號地下家人祝黃兄及家人 生活愉快.身體健康
pfn兄，現在我用公開回應，讓我的弟妹也可看到。我問過他們，他們都記得你兩位兄長，但不知他還有弟妹，可能你細我們很多。
弟妹他們都有寫 blog，tt 也有寫 晉成街。
http://blogcity.me/blog/list_blog.asp?f=27CLE86OS653709
http://blogcity.me/blog/list_blog.asp?f=WYW002JU8965112
你二兄近況如何？身體好嗎？還住青衣？ 念甚！
pfn兄，你二兄一定記得我，我和他玩，弄斷他一隻腳，多謝你母親，一句也沒有鬧我，我會寫幾篇我對你家的回憶，重遇舊街坊，我非常高興。
我現住多倫多，常常回港，你問問你二哥，可否給他的電話給我，或你的 email，用私人回應 便不會公開。
萬 兄:
好開心可以係網上和街坊聚首好有親切感，廣仔係我大哥,沙騮豬係我2哥.本人係佢四弟,我代家人多謝你的問候.我們安排到青衣公屋住．各兄弟姊妹都已婚青衣現在由我3哥居住.我家母係母2009年去世了,大哥因有病係1984年去世.雖然我對黃生無嘜印象,但感覺到有些親切感.有時間多d可以係網上聯絡.我會告訴我二哥聽佢有位好朋友問候他佢實會好高興.
晉成街一號地下家人祝黃生及家人身體安康
pfn 先生，一號地下是柴舖，我有兩好友 沙騮豬，廣仔住在那裡．可能我識你的家人．真開心．
我住在 １７ 號二樓，姓黃．請代問候你父母．
好多謝版主 比我和家人可以再見到晉成街的面貌.我們便是住係 (晉成街1號地下)直至要清拆才搬走好吾捨得,今日係網上有緣見番真係好開心多謝.晉成街我的快樂童年我的快樂回憶！
晉成街消失,歷史還在,記下來吧!
地圖連晉成街三個字都冇埋
真係諗起, 發夢也笑出声！
我也想回去看看