joboche1
joboche1
joboche1

時事即興5

2019/07/31 06:44:05 網誌分類: 即興打油詩
31 Jul

一而再再而三西風拜上,判是非論遊行漸失方向。有意見喺可以盡情表達,卻唔好壞規矩破壞形象。

試想想到如今風風雨雨,靠武力靠圍攻靠謀靠搶。親者痛仇者快不思不索,只知道逞意氣驕狂萬丈。

最可憐新一代不知所謂,唔知頭唔知路唔知真相。只愛聽片面言十分受落,對或錯是與非全不思想。

讀書人讀枉書缺乏冷靜,人話東便向東齊聲應響。到第日改口風依然喺咁,人話西又向西聯群打仗。

著黑衫帶口罩手持武器,衝鐵欄碎玻璃囂張個樣。邊度喺肯和平解決事件,分明喺攪對立刁橫混賬。

出惡言玩口技完全出術,靠斷章嚟取義偏見為上。要瞞天兼過海扣人帽子,攞共產嘅專利勇奪頭獎。

你一言我一語互相批判,我刀光你劍影彼此不讓。喺黑貓喺白貓張牙舞爪,總言之狗咬狗半斤八兩。

你狂呼我狂嗌渾身是膽,我衝前你殿後磨拳擦掌。你籮蝦我籮蟹惡形惡相,講正義失正義裝模作樣。

又橫枝又舉旗聯成一氣,阻道路塞交通癱瘓難暢。大舖關小舖停唔做生意,示威者趁暑假攪成咁樣。

有國際幕後人攪風攪雨,用現金使橫手周圍亂唱。將小事化大事聽落恐佈,反政府抗政策攻心至上。

最弊喺糊塗蟲盲從附和,人話乜你信乜自無主張。唔知道假亂真受人蒙騙,精出口笨出手缺乏思量。

大龍鳳亂香江笑死國際,張肚腩亮肚皮任人觀賞。自古話家醜事切忌開巷,閂埋門慢慢傾各自點樣?

由唔啱講到啱細斟細酌,一就一二就二各抒各想。相同嘅易話為有福同享,唔同嘅各讓步有難同當。

話晒喺自己人同胞骨肉,鎗頭喺永對外方為至上。唔好再恃聰明要點就點,有法度嚟規範不容混賬。

知表面更知底名為高手,能前進能後退福員猛將。為將來為後代盡心盡力,定細節定方針有罰有賞。

為政者政之義先要正己,千不該萬不該教人點樣。自古嚟受尊重言行一致,官定民唔好犯雙重技倆。

為官者好扶碌淨得官樣,講官腔著官服心冇容量。得把口移視線偷換概念,到實際冇啲用濕水爆仗。

受公帑攞福利源頭緊記,屬民脂同民膏受民供養。勿忘失勿忘懷納稅群眾,講實話做實事至獲鼓掌。

為民者戒刁橫索取無度,既得一又想二胡思妄想。得唔到逞淫威忘記身份,把心橫做判官囂張萬丈。

要知道寸人者遲早被寸,敬人者受人敬彼此欣賞。既循規又蹈矩不犯王法,快活人逍遙客明珠閃亮。

講講下到呢度冇晒口水,要休息要充電恢復能量。抖到夠有精神再嚟即興,講天南講地北與眾分享。

回應 (0)
我要發表
user