joboche1
joboche1
joboche1

時事即興8

2019/08/06 20:54:42 網誌分類: 即興打油詩
06 Aug

近日嚟香港地風聲鶴唳,並唔喺發噏風亂咁吹水!有先生有學生示威遊行,數政府呢樣罪同嗰樣罪。

有黑衫有白衫互相廝殺,有勸諭有告誡嚟自警隊。有瘋狂有暴力衝鋒陷陣,有老嘅有嫩嘅男男女女。

有口號有旗號指揮若定,有陰謀有預謀十分乾脆。有武器有實力前呼後擁,有派片有補給食飯灌水。

有車錢有車飛帶頭有份,有背囊有口罩更有豬咀。有真話有假話難分真假,有作反有作梗亦有作對。

有君子有小人各辦各事,有真心有假意不勝枚舉。有激動有衝動完全失控,有不滿有不忿粗口滿咀。

有拆蝦有拆蟹將人侮辱,有拳打有腳踢英雄自詡。有盲從有附和豺狼虎豹,有挑撥有煽動亡命團隊。

有禍國有殃民毀家毀法,有失明有失聰犯法犯罪。有自驕有自滿狂態畢露,有多心有多疑亂晒情緒。

睇起嚟大時代應該喺咁,抗嚴苛除暴政弔民罰罪。睇起嚟大洪流冇乜唔妥,製炸彈傷無辜應受嘉許。

睇起嚟自己友先至冇事,唔順超打兩拳摑面掌咀。睇起嚟起晒槓橫行霸道,先符合大遊行示威規矩。

睇起嚟打路人入型入格,著黑衫戴黑超先行部隊。睇起嚟揸鐵枝唔啱就打,掟磚頭阻交通淋人鏹水。

睇起嚟恃人多蝦人人少,咬手指兜心搥眼鏡踩碎。睇起嚟衝鐵馬橫衝直撞,唔怕拉唔怕鎖唔怕犯罪。

睇起嚟匹夫勇心口勇字,個死字點樣寫冇厘墨水。睇起嚟有靠山舖定後路,有依郁就鬆人全部撤退。

睇起嚟示威者大仁大義,點不知有黑金國際磅水。睇起嚟你幾千佢又幾百,有錢使鬼推磨十分陶醉。

睇起嚟大踏友聲勢浩大,自然喺冇有怕除咗軍隊。睇起嚟警力細寡不敵眾,難招架頂唔順拖男帶女。

之所以攪唔掂唔喺卸膊,弱政府怕開鎗非戰之罪。之所以比人鬧冇厘建樹,想官民一條心凍過雪水。

之所以曾推出惠民政策,有幾多會感恩銘記心裡?之所以曾付出多少血汗,冷血者示威人批評濕碎。

之所以講民主原來廢話,實際上行高壓萬分尖銳。之所以猛吹雞召集人手,等前仆等後繼敢死部隊。

之所以高姿態令人生畏,講革命圖叛變唔驚死罪。之所以冇有怕可以亂嚟,到時候死嘅喺懵男儍女。

之所以肯比錢唔怕入肉,到時候替死羊一隊一隊。之所以敢開巷攪大龍鳳,串特區太無能衰過老舉。

之所以唔打得怕惹非議,有英美做後盾台加把咀。之所以唔拉得顯得無奈,捉又死放又死做死警隊。

之所以示威者披住人皮,部份人實禽獸殘忍暴戾。之所以敢發洩恣意破壞,論其心實可誅非我人類。

一個人受恩惠感恩戴德,缺恩惠早餓死埋入墳裡。一個人最罩忌禽獸不如,不思報卻反骨入型入髓。

一個人知底線就知點做,會質疑弱政府真無可取?一個人最怕喺貪得無厭,將自私講成公胡言滿咀。

一個人肯冷靜就知唔妥,令父母傷顏面代為受罪。一個人肯遠見想到後代,不名譽會波及自己仔女。

玩政治要識得互相妥協,你開價我殺價至合規矩。玩政治並唔喺想點就點,要宏觀要大體各取所需。

玩政治本就喺通權達變,因地域制時宜怨息政舉。玩政治想全面長治久安,求大同存小異共盟共許。

玩政治發乎誠永冇虛偽,解民困予民便以民為據。玩政治勿輕視政壇大鱷,講一套做兩套正老奸巨。

齊坐低齊攤牌彼此想點,為香港為將來能讓能退。為子孫為後代點話點好,講得出做得到各方讚許。

聽其言觀其行求其實際,積小功成大業繁榮有序。捨偏見存遠見攜手同步,共承接舊百年光輝餘緒。

令東方嘅明珠發光發熱,令全球齊觸目千年創舉。你有份我有份歷史同證,官與民同心力勇闖艱巨。

回應 (0)
我要發表
user