Kelly Chu
Kelly Chu
Kelly Chu

海洋公園「寵」動員 帶毛孩暢遊水族館

2019/08/12 04:13:00 網誌分類: 生活
12 Aug
          海洋公園好努力咁吸引遊人入園,一口氣推出三個活動,包括俾大家帶愛犬入園玩一轉、經典老爺車派對,以及載譽加推嘅「星夜高峰Glamping」,一定有一樣啱大家玩個痛快。

          海洋公園將於三月中旬推出「汪星家族『寵』動員」,為一眾愛犬之人同狗狗炮製驚喜周末。參加者可與「毛孩」喺首次開放予狗狗到訪的「海洋奇觀」,一起探索五千多條珍貴魚兒暢泳其中的水世界,喺水族館嘅巨型觀賞屏前一起擺甫士同朋友分享靚相,仲有好多適合毛孩嘅節目。

          園方亦將夥拍香港老爺車會,於三月二十七及二十八日一連兩日舉行「CAR年華」車展。二十多架珍藏經典老爺車將現身海濱樂園不同角落,當中包括特色迷你車、古董跑車及越野車、懷舊貨車及電單車等,適合潮人父子齊齊擺出型格甫士拍照,分享「男人的浪漫」。

          另外,公園去年推出嘅特色體驗「星夜高峰Glamping」好受歡迎,今年載譽加推,不論是一家大小或三五知己,毋須揹住一袋二袋行裝尋找野外地點,即可於海洋公園高峰樂園的帳篷,投入大自然懷抱,欣賞日落景致、享受環海美景,舒適度假暫別繁囂。

        Kelly Chu

        
  
  
回應 (0)
我要發表
user