「維港泳」新路線挑戰大 教練出招辨方向
2019/08/16 04:12:22 網誌分類: 生活
本屆「維港泳」將採用全新路線，參與泳手會由灣仔金紫荊廣場公眾碼頭出發，以尖沙咀星光大道為終點。賽事設有「優悠組」、「競賽組」，同「國際組」。參賽名額較去年增加至四千人，規模仲係歷年之最。
距離泳手備戰仲有兩個多月時間，樊偉添向泳手教路，落水後視野會受影響，上年好多泳手偏離比賽路線，迷失方向。佢建議泳手落水前以終點附近嘅大型建築物作為標記，以增加方向感。
蕭沛霖就同Kelly講，訓練時間同非訓練時間喺飲食上並唔係有很大分別，最重要嘅係均衡飲食，確保身體有充足營養。至於比賽當日，佢建議至少在落水兩個小時前食早餐，畀身體有時間吸收能量，而份量上一份三文治同一杯飲品已經足夠。
如參加者未持有泳總認可嘅相關游泳紀錄人士，必須通過大會九月進行嘅水試，方可參賽。凡十二歲或以上合資格泳手，由即日起至本月二十一日可登入網頁 https://www.hkharbourrace.com/online-application/?lang=hk，也可以郵寄或親身遞交表格至香港業餘游泳總會辦事處報名。
Kelly Chu
■香港業餘游泳總會教練樊偉添（中）同香港體育學院高級運動營養主任蕭沛霖（左），紛向泳手出招。
■「維港泳」全新路線，極具挑戰。資料圖片
回應 (0)
我要發表