Kelly Chu
Kelly Chu
Kelly Chu

亞洲女收藏家投得 日產54枝威士忌720萬天價成交

2019/08/19 04:12:12 網誌分類: 生活
19 Aug
          日本人做事好認真,由日本酒廠釀製嘅威士忌,手工和風味都好,得到好多愛酒人士喜歡。日本埼玉縣製一套五十四枝、風味各異嘅「Ichiro's Malt」威士忌,喺上周五喺香港推出拍賣,最終以七百一十九萬二千元成交,創下日產威士忌歷來嘅最高拍賣成交價紀錄。

          據拍賣行話,呢一套「卡牌系列」威士忌係由一名匿名嘅亞洲女性收藏家投得。呢五十四枝「卡牌系列」單桶威士忌枝,係產於已結業嘅本羽生釀酒廠,年份由一九八五至二○一四年不等,分別喺不同嘅酒桶發酵,酒瓶標貼採用撲克牌圖案設計,一套五十四枝,既罕見又矜貴,現在全世界僅有四套完整嘅收藏品。另一套曾經喺二○一五年以約三百八十萬港元成交,至到今日成交價升到近七百二十萬,即係翻咗兩倍。

          出售拍賣品的威士忌廠商對高價成交感到驚訝,雖然好榮幸獲得好評,但擔心價格太高昂,反而令人不捨得享受呢五十四枝罕有威士忌嘅味道。

        Kelly Chu

        
■五十四枝「卡牌系列」單桶威士忌,係產於已結業嘅本羽生釀酒廠。p/  
 ■五十四枝「卡牌系列」單桶威士忌,係產於已結業嘅本羽生釀酒廠。

   

回應 (0)
我要發表
user