海洋公園哈囉喂又嚟啦！六大驚嚇區挑戰你膽量　

2019/08/23 04:12:17 網誌分類: 生活

23 Aug

        　　仲有個半月左右，萬聖節又嚟啦！海洋公園推介今年十月嘅哈囉喂全園祭，Kelly睇見啲活動，又驚又想玩。喺十月內十個指定日子，海洋公園分六大主題哈囉喂鬼域，包括「香港靈異結界」：遍佈遊魂野鬼嘅香港荒廢屋邨及厲鬼邨遊樂場；「盂蘭老大街」：整條香港老大街化身成最大型盂蘭盛會；「末日後樂園」：文明世界頓變曠野廢墟，嗜血變種怪人四出狙擊遊人；「血祭黃泉」：古代海盜死後化成惡靈用血咒統治異域，在草叢暗角伏擊尋找寶藏的探險者；「血獄禁區」：神秘監獄對囚犯進行一連串人體實驗，閒人免進嘅禁區有待揭開黑暗真相，以及「通靈異境」：急流天地被神秘組織佔領，鋪天蓋地嘅詭秘資訊背後隱藏着驚世陰謀。

        　　大膽嘅你，到時一定要去挑戰自己嘅勇氣。

        Kelly Chu