長者排隊索取 o氹孫兒開心 《頭條》迪園城堡冊受歡迎 「公主」徵文比賽開始
2019/08/24 04:12:43 網誌分類: 生活
上周五Kelly行過尖沙咀清真寺對開,見大批市民排緊攞由《頭條日報》出版嘅「迪士尼 奇妙夢想城堡」紀念書刊,內容包羅十三個迪士尼公主同女王嘅故事介紹,好具收藏意義,難怪有迪士尼fans排咗近半個鐘都話值得!有朋友話,喺旺角、銅鑼灣一樣見到人龍,仲有長者拎到之後好開心,因一早來攞俾孫仔孫女,話佢哋收到一定好鍾意。
為咗慶祝香港迪士尼十五周年,《頭條日報》出版「迪士尼 奇妙夢想城堡」紀念書刊,內容有趣,隨書仲附送兩頁「迪士尼公主與女王貼紙」,所以大受歡迎。小妹仲知《頭條》舉行緊一個「她是我心中最愛的公主」嘅徵文比賽,誠邀大家提名身邊有公主特質嘅佢參加,成功被揀選嘅五位參加者,各獲「奇妙夢想城堡」系列公主主題禮品一份,價值約二百蚊。參加辦法見圖,截止日期係三月十九日。
Kelly Chu
■唔少市民排隊等派「迪士尼 奇妙夢想城堡」紀念書刊。
■迪士尼紀念書刊到手後,小朋友急不及待翻閱。
■《頭條》誠邀大家參加「她是我心中最愛的公主」嘅徵文比賽。
回應 (0)
我要發表