出戰「世界技能大賽」港青奪11獎項

2019/08/29 09:42:18 網誌分類: 生活

29 Aug

        　　Kelly為香港嘅後生仔女感到驕傲，佢哋喺被譽為「技能界奧林匹克」嘅「世界技能大賽」表現卓越，喺十一個項目奪得優異獎章，包括西式烹調、電氣安裝、平面設計科技、美髮、珠寶製作、機電一體化、機械人、西點製作及網站全端科技等，獎牌數目為歷年之冠；其中美髮、機電一體化同櫥窗設計項目更連續三屆獲得優異獎章，專業技能深受肯定。

        　　眾選手來自職業訓練局、建造業議會同製衣業訓練局等，喺專家指導下備戰。奪得網站全端科技項目優異獎章嘅張權悅，係香港專業教育學院軟件工程高級文憑課程畢業生，佢時獲選為香港隊最佳選手。獲美髮項目優異獎章嘅王彬城係青年學院職專文憑（髮型設計）課程畢業生，佢話大會規定每名選手只可參加世界技能大賽一次，機會難能可貴。

        Kelly Chu