千個手繪燈籠掛滿水鄉 大澳花燈節 點亮香港希望
2019/08/30 04:12:21 網誌分類: 生活
呢個活動由民間自發組織大澳非茂里主辦,收集咗一千個由大澳原居民、訪客手繪嘅燈籠,將會掛喺吉慶前街、大澳鄉事委員會廣場、街市街、新基橋、跨涌橋、河涌、大澳入口廣場等地方上。每個燈籠上畫咗圖畫之外,仲有繪畫人寫上嘅心願,到時喺點點耀眼光彩之中,眾人嘅心願燃亮起來,填滿大澳社區,也喚起港人嘅夢想,真係好有意思!小妹早前去咗非茂里,親手喺一個紅色燈籠上畫咗一個約翰連儂,希望香港快啲回復和平。花燈節仲有民間音樂表演、文化市集同巡遊等,節目好豐富噃。
喺大澳土生土長嘅German話,大澳係一個樸素同充滿人情味嘅地方,但遠離市區,好多港人對呢個地方不太認識,所以佢哋舉辦呢個手繪燈籠活動,畀港人畫上佢哋嘅中秋願望,除咗為香港打氣之外,仲想吸引港人多啲入大澳,感受水鄉之美,同大澳人濃濃嘅人情味。Kelly知道上年首屆花燈節掛咗三百個燈籠,今年加碼到一千個,諗起都覺得好精采。
Kelly Chu
■一千個手繪燈籠會掛喺大澳唔同地方,載滿各人對香港嘅希望。
回應 (0)
我要發表