Kelly Chu
Kelly Chu
Kelly Chu

香港創新基金與理工大學攜手 助200基層兒童 放 「眼」 世界

2019/09/02 04:12:15 網誌分類: 生活
02 Sep
          讓小朋友放眼世界,係好值得支持嘅理想。信和集團旗下嘅香港創新基金同理工大學眼科視光學院合作,推出「理大-香港創新基金兒童護眼計劃」,為二百名來自基層家庭嘅兒童做全面眼睛檢查同贊助配近視鏡眼。

          呢個計劃嘅二百名受惠人,年齡六至十二歲,來自基層,佢哋都患有三百度或以上近視,通過接受全面嘅檢查,獲贊助配戴可以減慢近視加深速度及獲獎嘅「多區正向光學離焦」(DIMS)眼鏡。

          香港創新基金主席黃永光喺啟動禮上話:「信和集團深信科技決定我們嘅未來,對香港多元化發展、提升競爭力,以及長遠發展非常重要。為此,集團特地成立『香港創新基金』,建構全面嘅創新生態系統。」 Kelly認為由理大參與呢項計畫,係非常之配合,因為理大眼科視光學院夥拍豪雅光學研發嘅「多區正向光學離焦」鏡片,去年喺內瓦舉行嘅第46屆國際發明展中勇奪全場總冠軍、特別大獎及評判特別嘉許金獎,因為鏡片舒適而安全,臨床實驗證實有效減慢兒童近視加深速度達五成九。

          計畫受助人之一嘅黃美淇,現年十二歲,近視深至三百度,佢喺前年搬到劏房居住,室內晾曬嘅衣物阻擋光線,導致佢被迫喺光線不足嘅環境中做功課同用電腦。Kelly希望計劃幫到佢改善視力,睇吓呢個世界多美好。

        Kelly Chu

        
■理大行政副校長盧麗華(左),與信和集團副主席暨香港創新基金主席黃永光合照。 p/  
 ■理大行政副校長盧麗華(左),與信和集團副主席暨香港創新基金主席黃永光合照。

   

■計劃啟動禮上,一眾嘉賓與受助兒童見面。p/  
 ■計劃啟動禮上,一眾嘉賓與受助兒童見面。

   

回應 (0)
我要發表
user