韜光養晦

雖然炒股十年八年，但我自己是這一、兩年才真正學到、明白止蝕。

當時未領悟到止蝕嘅真諦前，在股市賺得到錢入袋的，係一些長揸嘅一線股(也有少部份二線股)；買入後初期股價在買入價上上落落，好難捱，但大牛市幾年，現在已經有幾倍回報。大前題係好股，在相對低價買(事後至知) – 我講相對，係因為就算俾你計到合理價，個市場可以俾個好唔合理嘅價。陸羽仁今日已經講咗就算平價入好股，都要有去衡量心理準備得到嘅風險去投資。知道自己做緊乜，而心理上可承擔風險，可以唔止蝕。

而我以前蝕錢最甘，係炒輪投機用投資手法，捉錯勢都揸到轉勢，甚至乎轉倉溝落去，最弊係嗰陣時有時贏到錢；結果要有次輸都好杰，唔知要劏雞俾邊個多謝佢，好彩發覺自己心情唔妥，第一次真正作止蝕行動。好奇怪，當晚好好瞓，日間雖然仲有睇市，但無咗心掛掛住。上嚟陸羽仁先生嘅網誌，係當時不久以後嘅事，睇完陸sir同網友留言，先至明白自己做錯乜嘢(無分清投資、投機)，做啱乜嘢(止蝕)，及明白心理質素比有學識、有分析更加重要。當時我兩個月無再買賣，以後都間唔中輸錢，亦有時比較搏命(好似依家揸重貨)，亦會仲有時係提心吊膽，但大多來說有進步。

我這段留言最想提到的，在投機除了要守止蝕家訓，是要離開市場休息。當你要不停止蝕，你手風唔順，其實已經表示你和市場脫節，而且自信心可能已經受到影響 – 好易會變咗所謂越窮越見鬼。止蝕係第一步，下一部就要睇吓壯態；如果只係近期首次止蝕，可能可以反手做(其實响止賺情況會好啲)，但已經連番止蝕三、四次，壯態惡劣，最好停賽離場，韜光養晦。回場前唔使DRY-RUN，只要記得教訓，心情好番就得。

(原文留言在4月18日陸羽仁網誌 - 企業CEO)