獨幕裝置劇《驚園》視覺震撼

2019/09/13 04:12:22 網誌分類: 生活

13 Sep

        　　Kelly早前應邀往澳門出席藝文薈萃研討會，觀賞喺美獅美高梅劇院公演嘅馬文獨幕裝置劇《驚園》，小妹睇到嘩嘩聲，認真精采。呢個劇取材自湯顯祖嘅名劇《牡丹亭》，喺世界各地演出均獲得好評。視覺藝術家馬文擔當導演，同時亦係視覺藝術總監，編導手法創新，融合咗西洋歌劇、中國昆劇嘅元素，作曲嘅係音樂家黃若，馬文亦係填詞人之一，由世界級歌唱家錢熠演出。

        　　入場，舞台白茫茫，一片虛空，一棵枯樹吊下，意境有點江雪一詩嘅淒美。再後，隨著劇情、歌者嘅聲調、音量、節奏、情感，每一個轉景，都教人看得心弦震動。故事、劇情、歌聲、裝置混而為一，是聲、身和心嘅靈聚。看罷，驚訝此劇只應天上有。這一個晚上，Kelly好像驚園夢遊，置身迷夢之中，大開眼界。

        Kelly Chu