港健兒精采「第二生命」 世界移植運動會奪佳績
2019/09/16 04:12:09 網誌分類: 生活
今次香港一行六十五人出戰呢個運動會，其中四十二人係移植運動員同一位器官捐贈運動員，仲有醫護同義工同行。佢哋參加咗一百六十九項項目，包括田徑、游泳同球類比賽，共取得三十四面獎牌包括十四金、六銀、十四銅，喺六十個參賽地排名十二。
港健兒更喺三項游泳同四項賽跑項目中打破大會紀錄。喺祝捷大會獲頒最佳女運動員嘅鍾婉儀，係一名骨髓移植康復者，佢勇奪兩金兩銀一銅，並破了三項大會游泳紀錄，原來少啲毅力都唔得，本身係游泳運動員嘅鍾婉儀話：「移植之後全身肌肉無力，落牀時會感到腳震，約一年半後，先開始跑返步同練返水。」呢幾塊獎牌真係得來不易，Kelly畀個like你！
Kelly Chu
■鍾婉儀係一名骨髓移植康復者，破三項大會游泳紀錄，勇奪兩金兩銀一銅。
回應 (0)
我要發表