木水火
木水火
木水火

霜降寒風仍在搞清談

2019/09/21 12:30:01 網誌分類: 輿論
21 Sep

笑看天下:霜降寒風仍在搞清談   {#icons_girl9}

反修訂《逃犯條例》風暴持續蔓延,除了社會嚴重撕裂,更為立竿見影嘅係本港旅遊業已被打殘,旅客卻步,好明顯係警民衝突持續升溫,政見不同的黨派互相毆鬥,正所謂「家醜外揚」,日日透過衞星轉播到全世界,硝煙瀰漫、示威者到處破壞、堵路放火,如此亂象,梗係嚇怕人喇!  {#icono_85}

唔好話遊客,依家港人自己都人心虛怯到僅一句網上傳言,就連馬都唔敢照跑,咁又難怪,連林鄭都唔敢出門恤髮逛商場,恍如被軟禁在禮賓府!「落區」與民對話都如臨大敵,禁呢樣禁嗰樣,人少少都要用已疲不能興嘅警力「睇場」,如此勞而無功嘅大龍鳳,搞來有銀用? {#icono_26}

擺在面前嘅係社會紛擾動盪,酒店「十室八空」,家陣連十一煙花匯演都冇埋,節日黯然無顏色,昔日的盛事之都,今天淪為鬼域,進一步打擊旅遊、餐飲業。業界表示,本來希望煙花匯演有助增加海景餐廳生意及酒店入住率,現在希望落空,旅遊業雪上加霜,睇怕下個月起相關行業包括旅行社或要展開裁員。 {#icono_50}

呢!旅遊業唔掂,連帶打殘零售業,多區商場湧現吉舖潮。重災區銅鑼灣有商場近月出現最少半成吉舖,其餘如旺角、荃灣、葵芳等區,亦多吉舖,仍在辛苦經營嘅都大呻生意少咗六、七成,有啲要求業主減租,有啲已諗住執笠冇眼屎乾淨盲! {#icono_2}

大家都睇到同感受得到,由於近排逢周六、日,必定有人出來「行街」玩嘢,一係就商場逼爆兩派政見不同人士,初則口角,繼而武鬥,商店不是提早拉閘,就是索性唔開檔,而市民出外消費意欲,肯定大大減弱!在如此連鎖反應下,市道梗係差啦! {#icono_51}

如此內外交困下,仲有大漢奸如契弟黎、民主阿婆;小漢奸如黃之鋒、何韻詩爭相撲去找美爹唱衰香港,快啲通過《人權法》啦!嚴霜白草木,寒風晝夜起,林鄭仍在搞清談式對話,兒戲得叫人失笑! {#iconb_350}

https://orientaldaily.on.cc/cnt/news/20190921/00184_008.html

回應 (1)
我要發表
暮跖
暮跖 2019/09/21 12:51:37 回覆

依隻曱甴經常發佈假新聞誣陷無辜市民同警察,依家仲教人犯法唔畀錢去跳閘,有無人認識佢?幫佢出名啦!

user