木水火
木水火
木水火

社會動盪想走佬 民心思遷誰之過

2019/10/01 12:30:00 網誌分類: 輿論
01 Oct

社會動盪想走佬 民心思遷誰之過  {#iconb_622}

每逢周末周日,總會見到一街黑衣曱甴,唔係堵路破壞就係狂掟汽油彈,搞到烽火連天,接住就係警方不斷施放催淚彈驅散,再以水炮車「藍色胡椒水」夾擊,殺氣騰騰,煙霧瀰漫,暴亂之火長燒。香港以前「幾好都有」,依家「幾亂都有」,寧不悲乎! {#iconb_615}

各位街坊,你相信呢度曾經係燈火璀璨、流光溢彩、人見人讚嘅「東方之珠」嗎?係「好客之都」?係「美食之城」?係「購物天堂」?俱往矣!違法佔中剛敲響五周年喪鐘,大規模暴亂愈演愈烈,特衰政府止暴制亂靠把口,放生禍港頭號漢奸黎智英,特首林鄭月娥猶在隔江大唱後庭花,搞乜春「落區對話騷」!漢奸黎揚言「為美國而戰」,香港已到了最危險嘅時候,咁就難怪咁多人想「走佬」啦。 {#icono_33}

嗱,數字唔會講大話,反修例示威自六月至今已持續逾百日,引發嘅社會動盪令民心思遷,移民意欲大增。移民必備嘅「良民證」申請宗數,喺過去短短四個月多達一萬二千幾宗,較去年同期激增近五成,按月增幅亦持續上升。 {#icono_12}

家陣香港明顯步入衰世,雖然唔係「米價升騰增數倍,黎民處處不聊生」,但立立亂就係不爭嘅事實!香港猶幸底子厚,仍可以容許啲廢官不作為,胡扯一輪經濟颱風勁過三號波,再九唔搭八話新一份施政報告有「新思維」,具「政治勇氣」,不過功夫茶都要爆一句:浦你也摩!滿朝朱紫貴,盡是白癡人!依家日日有示威,夜夜有衝擊,廢官仍在醉生夢死,埋首沙堆,你話香港點會唔沉淪吖? {#icono_37}

嗱,對住呢個「正苦」,有能力移民嘅港人,梗係走得嘅都走喇!即使條件稍差嘅,都想方設法想走佬,遠離呢個亂過亂葬崗嘅昔日「福地」。有移民顧問話,港人移民查詢大增五至七倍,而真正付諸行動申請移民嘅人亦有一倍增幅,申請者大多有小朋友,台灣、葡萄牙同埋愛爾蘭都係較熱門嘅移民目的地。 {#icono_25}

可憐天下父母心,有小朋友嘅家庭,眼見香港面目全非,最怕細路「博大霧,走歪路」,家長想仔女有個好啲嘅學習及成長環境不難理解,而選擇移民去邊,咁就要睇餸食飯啦,總之,務求飛越香港呢個瘋人院同埋妖獸都市愈遠愈好! {#icono_53}

功夫茶都不禁黯然神傷,孔子當年就話:「道不行,乘桴浮於海。」佢老人家覺得理想無法實現,準備乘木筏遠渡海外;依家港人雖然不至於投奔怒海,之不過,點講都係政府管治無能,先至會令民心思遷啫,難道廢官高薪厚祿一味坐而論道,搞到香港一褲都係,都唔會覺得羞恥嘅?  {#iconb_233}

功夫茶

https://orientaldaily.on.cc/cnt/news/20191001/00190_001.html

回應 (1)
我要發表
暮跖
暮跖 2019/10/01 12:52:56 回覆

全世界經濟不景除了中國, 要移民外國除非大把錢, 無錢要移民可能要考慮大陸。

user