鳳園相展見證蝴蝶天堂魅力

2019/10/11 04:12:26 網誌分類: 生活

11 Oct

        　　呢排好多朋友話，好需要多啲開心活動，暫時忘記社會上嘅衝突場面。Kelly有好介紹，大埔公共圖書館正在舉行「大埔鳳園．蝶影翩翩」展覽，原來大埔鳳園啲蝴蝶種類又多又好靚，七彩繽紛，睇相片都已經心花怒放。

        　　展覽話鳳園呢個全港最大嘅蝴蝶保育區內，有超過二百種蝴蝶，佔全港品種嘅八成，當中約有五十個品種更屬本港不常見的蝴蝶，堪稱「蝴蝶天堂」。

        　　喺鳳園，平日常見的品種有白帶螫蛺蝶、玉帶鳳蝶、藍鳳蝶、統帥青鳳蝶，如果好運的話，還有機會看到本港唯一受保護的蝴蝶「裳鳳蝶」，裳鳳蝶一身金黃色，翅膀黑黃分明，係本地最漂亮的蝴蝶之一。小妹睇完個展覽，已經約埋朋友去大埔鳳園行下，為啲美麗蝴蝶打卡。

        Kelly Chu