視障老夫妻 親友見證下再說 「我願意」
2019/10/14 04:12:25 網誌分類: 生活
活動先由牧師為十四對老妻老夫證婚,再由參加者分享感受及對伴侶作出「愛的宣言」,場面溫馨,小妹聽到眼濕濕。參與呢次活動嘅十四對「新人」中,年紀最大嘅近九十歲,最長婚齡嘅夫婦達六十年,其中最特別係有健視男子與視障女士結合,相親相愛多年,比一般夫妻更恩愛。
全失明兼有聽障嘅汪裕玲對Kelly講,佢同健視嘅丈夫林務立喺讀中學嘅舞會認識,林生當時對佢一見鍾情,邀請佢跳第一支舞。可惜十五年前汪女士嘅青光眼手術失敗,由睇得見到睇唔見,但太太失去視力,無礙兩人攜手走過半世紀,並即將踏入金婚。
Kelly Chu
■林務立(右)與愛妻汪裕玲跟對方再說聲「我願意。」香港盲人輔導會提供
■活動仲有草地茶敍同切結婚蛋糕,請到演藝名人胡美儀女士和邵音音女士獻唱,而香港盲人管弦樂團和色士風樂團亦一同演奏。香港盲人輔導會提供
回應 (0)
我要發表