16~30/10 收市總結

2019/10/16 20:22:30 網誌分類: 經濟
16 Oct

16/10恒指收26664, 升160點, 秒殺小熊,

好友大鱷藉著施政報告利好樓市消息乘機挾淡, 但恒指恐慌指數上升, 國指連續4天跑輸恒指, 上証於14/10高見3026打回頭, 削弱國指的上升動力, QQ動力不繼, 都會拉住港股後腿, 不過由於全場最肥的熊在26700~27000, 所以大鱷唔俾跌住, 只要明日升300點就可殺熊約2500張, 收市U盤恒指急升, 大鱷正部署明日開大餐,

上周五收26308, 按照慣性走勢, 如本周收升, 周高位通常會在星期四或五出現, 如秒殺肥熊即回, 可能係想回氣養牛熊, 月中不宜升得太高, 要預留上升空間俾10月下旬, 為結算位做準備, 相反, 如該周收跌, 周低位通常會在星期四或五出現, 貼價牛上移快高長大, 如市強升勢未完, 通常吃一兩口牛就會重拾升軌

恒指10天線將會陸續升破50及20天線, 發出黃金交叉利好訊號, 恒指保歷加通道頂目前在26857附近, 恒指剛升破9月以來跌浪的0.618倍(26661), 作勢挑戰100天線(27045) 阻力大位, 關鍵位在26700~26800, 如能上企, 就會挑戰27000, 上月高位27366

國指10天線亦將升破20天線, 發出黃金交叉利好訊號, 250天線及前頂在10700附近

當大市發出黃金交叉訊號, 代表大市已累積龐大升幅, 反而會有回調壓力, 如市強只會作出即市調整或小幅下跌, 只要守住10.20.50天線, 代表好友仍未放手, 回氣後會再上, 如收市單日跌超過200點,或者連續兩天都有逾百點跌幅,就代表已見短頂, 小心周五沽壓效應, 周五26300附近貼價BB牛登場, 亦會拉住港股後腿, 港股有無形之手睇場, 冇再插穿26000可能係唔想俾亂港份子的淡倉食胡, 所以高企不下, 部署高位結算, 逼死淡友

========================================

22/10周二恒指收26786, 升60點呈陰燭, 連升2天, 力守26500

經濟和股市相關性高, 旺區店舖變成頹垣敗瓦, 市面一片蕭條, 經濟萎縮, 但香港仍馬照跑.股照炒, 可能和傳言無形之手力撐大市要逼死亂港淡友有關, 下周三期指結算,

8月港股暴跌, 9月挾淡收升, 10月期指開倉水平在26182/10292, 自從11/10上企呢個水平後就一直咬住唔放, 不過QQ一個多月以來的回購潮在10月中結束後就腳軟, 亦拉住港股後腿, 全靠內銀內險匯控支撐大市, 上証昨日低見2917就拗腰急彈, 連升兩日, 如上証完成調整就有望推動港股於月尾創高位

與經濟相關的波羅的海乾散貨指數BDI由11/10就日日跌, 特首推出穩樓市措施, 亦未頒佈香港進入緊急狀態, 可能是為了保住金融市場, 但道指於15/10高見27120, 上証於14/10高見3026齊齊打回頭, 因此港股亦在18/10高見26985/10652打回頭, 中港美三地股市見高位時間相當接近, 通常三地股市都係同步見底頂, 所以當中美股市創新高, 港股多數會跟, 今日港股升幅收窄, 皆因市場憂慮「抽水潮」, 內房股捱沽拖低大市

======================================

25/10周五恒指收26667, 跌130點,

BDI波羅的海乾散貨指數由11/10就日日跌, 昨日終於止跌回升, 美國10年國債收益率見底回升, 而上証於21/10低見2917亦急彈, 不過反彈乏力, 要留意中港美三地股市多數係同步見底頂, 在香港風雨飄搖, 經濟倒退之際, 港股理應反艇, 但有無形之手睇場, 港股9月挾淡收升報26092, 10月亦高企不下, 繼續挾淡, 看來有心人誓要擊退亂港淡友, 不過撐埋結算會如何? 要看林鄭會否再加碼出招止暴制亂

要留意31/10水星逆行開始, 30/10美國減息揭盅, 中共19屆4中全會閉幕, 亦是萬聖節, 暴徒出籠的大日子, 月尾最後六天不會單邊升或跌, 通常係3升或2升,  小心大鱷好淡通殺, 當熊熊死得七七八八, 牛牛大幅上移並養肥, 大市下行壓力就會增加, 如有好消息就可重上27000

今個星期恒指周波幅細得不尋常, 只得353點, 下星期就會係爆邊大波幅, 下周三30/10期指結算, 人民幣轉強暫時穩住港股, 自從17/10突破26800以來, 每次回吐都拋離不遠, 代表好友仍想月尾升穿26985創10月高位, 一如月中所分析, 月中不宜升得太高, 回調整固, 留力拖到月尾才擴大月波幅創月內高位, 重溫日前的收市總結就會明白好友的佈局, 好明顯近來港股跌下彈下, 10月下旬大媽托住大市在26800上下300點窄幅穿梭, 維穩味濃, 想逼死淡友, 唔俾亂港搞暴動的淡友奸計得逞, 但11月就要爆邊來擴大月波幅喇! 

自反修例事件6月開始至10月底,有400~500間食肆已經結業,近2個月有200~300間食肆亦申請破產

=========================================

30/10周三恒指收26667, 跌119點,

道指於15/10高見27120打回頭, 月中完成調整, 28/10破頂高見27167, 推動恒指昨日創月內新高27027, 因為通常中港美三地股市都係同步見底頂, 所以港股亦跟住上,

月尾6天, 恒指例牌3升3跌, 目前係2升3跌, 尚欠1天升市, 按照慣性走勢, 周高低位多數在星期四或五出現, 目前周波幅只係略為多過上周, 26603~27027等爆邊, 睇今日結算位, 繼9月亂港淡友輸, 今個月都係要輸, 大媽成功護盤救港股, 明日黑期及基金月結

最新回應

門徒
門徒 2019/12/06

除非侵侵放棄權力的滋味,否則大選前必定做出利好的舉動,下年牛一尾牛二頭到市場醒覺之時牛三將至 {#iconb_223}

試下學下
試下學下 2019/12/06
@門徒...

你甘乐观。我268就食了 {#iconb_31}

門徒
門徒 2019/12/06

年頭250如收陽280都好丫,年結呀 {#iconb_62}收收陰穿250我看淡下年了,12月頭低見260期指未平倉合約有明顯變動,可成看大戶反手,月波千五可上看275 {#iconb_210}前天是震牛誘熊,十五一但傾成小小個巿會發颠

中國加油
中國加油 2019/12/06

元帥,今天7500,成交4.32億;7200,成交2.06億,是不是代表多人買跌呢?以後是不是多一個睇市指標!