陸羽仁
陸羽仁
陸羽仁

脫歐不明朗

2019/10/21 08:10:02 網誌分類: 經濟
21 Oct

上週五美股有點內外交煎,顯著下跌,杜指收市跌255點,收報26770點,跌幅1%;標普500指數跌0.8%;納指跌0.4%

英國首相約翰遜雖然與歐盟達成新脫歐協議,但要在英國國會通過,仍然困難重重,脫歐協議在週六交上國會表決,上週五歐洲股市全線下跌,從股市的反應,市場對協議能夠通過不甚樂觀,果不其然,國會通過了前保守黨議員利凱輝(Oliver Letwin)提出的修正案,以322票對306票獲通過暫時「扣起」對新脫歐協議的通過,意味着即使新協議在國會過到關,在法律上也未能如期生效,目的是要逼約翰遜尋求歐盟允許英國押後脫歐3個月。約翰遜堅決表示不會再向歐盟提出延期,並宣布取消當日的國會表決。如今估計會在本周一表決新脫鈎方案。

問題係,根據國會上月通過的《彭浩禮法案》(Benn Act),如果在1019日前未能通過脫歐協議,首相就要向歐盟提出延期。約翰遜堅決反對延期的話,便違反法律,英國脫歐前景變得很不明朗,相信股市都好難有運行。

除了外圍股市下跌影響,美股亦受重磅股波音飛機和強生傳出不利消息,股價勁挫拖累,上週五有消息傳出一名波音飛機機師已經知道Max 737的飛行控制系統有問題,但波音卻建議監管機構在機師飛行手冊內刪除了相關系統軟件的提問。其後發生的兩單特大空難,直接由這個出了問題的控制系統所造成。消息一傳出,波音飛機股價即插6.8%,成為杜指的主要負累。

另一隻杜指成份股強生亦因為美國食物衛生局表示在強生的嬰兒爽身粉產品內發現溫石棉(Chrysotile)纖維,命令強生收回相關產品,消息令到強生急插6.2%!兩大成份股大插,杜指當然無運行,亦連累了大市氣氛。

不過,雖然英國脫歐前景不明,會壓抑全球投資氣氛,但上週末終於傳來中國對剛結束的中美貿易協議較正面的回應,相信會對股市有一定的支持。

中美貿易談判主要代表、副總理劉鶴,在周六出席一個公開活動時提到,中美最新一輪貿易談判已在諸多領域取得實質性進展,為簽署階段性協議奠定重要基礎。

中美貿易談判似取得階段性的突破,對股市自然有幫助,但亦不要看得太好,正如劉鶴提到的,中國經濟正在經歷深刻的結構調整和再平衡,面臨經濟增速換檔、結構調整陣痛、前期刺激政策消化的「三期疊加」局面,股市當然不會一帆風順,投資也不能掉以輕心。對港股而言,今日會受美股拖累,但在11月中中美簽署階段性協議前,應該仍然反覆炒上。

陸羽仁

回應 (16)
我要發表
大笨袋鼠
大笨袋鼠 2019/10/22 00:38:13 回覆
@爆...

上星期民陣召集人岑子杰遇襲,因為鎚手係南亞黑幫,當晚响連登即刻一大班扒街五毛洗板,叫人『裝修』重慶大厦、清真寺,咁啱民陣就係申請緊尖沙咀遊行,真係好似寫緊劇本咁樣。

好彩連登高人多,洗板洗返去理性面,反而更加融合少數族裔作為香港人嘅身份。

雖然而家係黑暗日子,但正面啲睇,林鄭真係團結咗好多香港人

有個連登華裔港人留言,同情以前留言區帶有歧視性,嗰位南亞港人回覆『過去就算啦』

by the way 似乎你同袋鼠都係聽過同一個KOL

大笨袋鼠
大笨袋鼠 2019/10/21 23:35:27 回覆

頭先嗰段唔係覆俾你

無睇盧社長寫乜嘢,不過睇番「暴大」學生嘅反應,再加埋睇番689嘅反應,段祟智應該係講返人話。

而家香港各所大學校長,同五年前嗰班校長,已經係唔同晒人。

過咗8月31日之後,成立獨立調查委員會之餘,重組警隊係必要

范徐麗泰
范徐麗泰 2019/10/21 23:25:15 回覆

盧永雄我DLLMGCFH

爆
2019/10/21 22:58:50 回覆
@大笨袋鼠...

歷代君王只著重臣民服從,而輕於君王對臣民之責任

以上呢句好啱,最弊嘅係,中國人大部份都覺得OK。認命覺得被不公平對待冇所謂,只要唔死就得。呢一點係最大嘅局限。局限左我哋中國人各方面嘅發展。

唉再講又比人話我唔愛國,其實我係愛之深恨之切,中國二千年歷史,美國只得700年,點解中國唔係而家嘅世界第一?我唔認為美國人聰明過中國人,民族性係答案。

見到警察射清真寺,令我對香港樂觀左,似乎冥冥中有天意。

Wa
Wa 2019/10/21 21:49:23 回覆

心理學家 :阿爾佛雷德. 阿德勤

幸運的人一生都在被童年治愈,

不幸的人一生都在治愈童年。

大笨袋鼠
大笨袋鼠 2019/10/21 20:06:19 回覆
@Tony Leung...

早三年前呢度同網友講買袋鼠國樓宇;當時同佢講有交收風險。而家事後,交收有無問題就睇個別情況,但係樓價就跌咗。

不過自從上年聖誕,悉尼至今有兩橦多層公寓出現結構問題,源於樓市熾熱時期,審批及監管寬鬆。其實如果唔係需要去市中心、或唔介意花時間响交通,買屬於自己地永久使用權嘅獨立屋會好啲。

What lies beneath the cracks in Opal Tower — and buildings across Australia

What we know about the Mascot Towers cracks

Tony Leung
Tony Leung 2019/10/21 20:01:46 回覆
@大笨袋鼠...

居然有個盧永雄社長,覺得自己有料過一個中大校長,又唔睇清楚人哋封公開信寫啲乜嘢,係自己地盤亂Q咁寫一通,依家大把學者都要求成立獨立調查委員會,就已經證明警監會係唔可信,加上警監會以前的record,所以更加唔可信。呢位社長居然扮盲,我真係唔明以去啲茶餐廳酒樓嘅社評,加埋佢對經濟嘅9流分析,有咩資格同一眾學者理論,為咗攀附建制出賣良知,呢種口裹愛國,心裏說不嘅人、同佢哋星島嗰個社長梁建鋒簡直係蛇鼠一鍋

大笨袋鼠
大笨袋鼠 2019/10/21 19:09:28 回覆

@爆

想當年袋鼠讀大學,經濟學科中有一科,睇歷史及文化對個別經濟長遠影響。教授曾經提及過一個理論,中國著重於填鴨式教育,源於文字本身需要重覆性記背嚟學,延伸之意,亦表示多數中國人嘅思考模式,或多或少受呢個教育背景影響。

另一方面,應該都聽過方便於管治嘅儒家思想 - 雖然近年袋鼠聽過一啲分析為孔子平反,曰兩千多年以來,歷代君王只著重臣民服從,而輕於君王對臣民之責任。

老實講,教育係可以做思想上嘅conditioning,唔係點會啲香港人咁醒水,會有2012年反國教運動?講起上嚟,加上嗰年大陸領導換屆,可能係香港其中一個歷史上嘅轉捩點。

kaka422617
kaka422617 2019/10/21 17:43:23 回覆
@子龍 (kaka就是大叔的契哥)...

將軍,一日好友,一世好友 {#iconb_338}

子龍 (kaka就是大叔的契哥)
子龍 (kaka就是大叔的契哥) 2019/10/21 17:28:59 回覆

大漲小回.....唔錯...... {#iconb_62}

大戶終結者 ( 等人齊 )
大戶終結者 ( 等人齊 ) 2019/10/21 14:49:05 回覆
@子龍 (kaka就是大叔的契哥)...

將軍唔係做返好人? {#icons_dog1}

子龍 (kaka就是大叔的契哥)
子龍 (kaka就是大叔的契哥) 2019/10/21 14:00:58 回覆

應該仍然反覆炒上。..........救我..... {#iconb_67}

大戶終結者 ( 等人齊 )
大戶終結者 ( 等人齊 ) 2019/10/21 10:08:43 回覆

{#iconb_62}

kaka422617
kaka422617 2019/10/21 09:13:54 回覆

各位早

user

最新回應

大戶終結者 ( 等人齊 )

醜股大作戰

2020年01月17日 (09:20 上午)

陸羽仁
animal666
animal666 2020/01/17

中原城市領先指數 CCL


日期 Date 中原城市領先指數 CCL
(所有成份屋苑)
2020/01/06 - 2020/01/12 175.88
2019/12/30 - 2020/01/05 176.98

2028...

SIGH...

animal666
animal666 2020/01/17

(圖片來源:AP)

2028...

SIGH...

animal666
animal666 2020/01/17

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...