紅磡站分店辦遊藝節 麥當勞林嘉欣合力 推兒童繪本激發創意
2019/10/22 04:12:11 網誌分類: 生活
為隆重其事，麥當勞邀請咗林嘉欣同呢次為繪本插畫嘅日本藝術家渡部真由美，出席喺昨天舉行嘅遊藝節揭幕禮。
麥當勞行政總裁黎韋詩話：「自一五年推出『Happy Reading親子閱讀樂』以來，我哋同一眾機構包括海洋公園、護苗基金同東華三院等合作，預計至今年年底，將會透過開心樂園餐送出近六百萬本圖書。」
嘉欣分享呢次嘅創作靈感，佢提到囡囡一如以往喺佢嘅繆思：「無字圖書嘅念頭來自與囡囡嘅相處，小朋友會以自己獨特嘅想法去詮釋身邊所發生嘅事，呢啲詮釋往往包含豐富嘅想像力，令我驚覺大朋友需要給予小朋友更多空間，等佢哋自由發揮天馬行空嘅創意。」
渡部真由美非常欣賞麥當勞「Happy Reading親子閱讀樂」：「童年時我嘅父母每晚亦會抱我喺懷內一同看書，係我非常珍惜嘅童年時光，亦促使我從小便養成閱讀習慣，當嘉欣向我提及這個計劃時，我認為極具意義，便一口答應。」
Kelly Chu
■麥當勞行政總裁黎韋詩（右二）為嘉欣（右三）、渡部真由美（右四）與麥當勞叔叔之家慈善基金董事會主席黃馮慧芷（右一）開心合照留念。
■嘉欣（右）與渡部真由美（左）同兩位小朋友，在台上為巨型立體插畫角色填色。
回應 (0)
我要發表