20191027「河馬仔混桔賽馬專欄」

2019/10/27 00:25:18 網誌分類: 賽馬

27 Oct

兩季累績 : - $270400

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

第九場 (第三班 1200米)

「鞍歌」上場贏得如此清脆的確非常意外，但此駒一在八十分區試過數仗，一冇減磅戰鬥力會幾大折扣，再加上今仗對手有更多泥地高手，可爭但如熱得太透其實只要一遇強手就可能唔夠跑。
「帆哥兒」隻馬神情的確有點問題，此駒前速未算極高但發力點又要拿到好準，泥地谷草只要有一個較好的形勢，其實有能力在二班立足，總覺得較直路一千易跑一點的，唯希望薛恩跑得好一點。
「酷比哥」實力恐怕會高於呢棚馬，至少對過鞍歌也可輕鬆取勝，可惜課一停再停，而此駒並非未試過起步慢而要沿途力推，如狀態實的未足之下，會否開步後跟不住馬群呢?這確是一個成為熱門的一大疑問。
「利害了」泥閘試過頗佳，但一排十一檔，對此未真試泥地真跑的情況下，本身前速非高，後上要博太多未知數頗博唔過。
「嶺寶峯」試過跑谷草好好地去泥地真的可以跑到一注菜，本身谷草千二也非佳，唔博咯。
「大自然」隻馬雖然好大隻，而且此廄初出麻麻，但此駒開波用潘頓試閘後，曾轉回史卓豐騎後又重奪帥印，此駒在外地及香港近乎完全草地不能，但泥地係另一隻馬，所以草閘完全企係度係可以理解，而上次報谷草基本冇乜可能出到，用保護權直指今場確實有野心的。
「公証福將」今季泥地雖然走內欄好似好差，但此駒上兩次跑泥地特佳之時，走二三疊狂追遠遠較佳，雖然貝力斯騎馬真的有目共睹，但熱多兩場身慣跑法後就有得憧憬。
「夢幻人生」熱的話真的博佢實力真係得咁多，上兩場泥地跑第二，完全連銀紙同好好利高都未見威脅，而本身追來追去都係唔多銳，形勢都賺得好賺，萬一今場快馬極多的話，此駒係唔係夠實力力拒對手就好大疑問。
「嘉應精英」氣管問題又係好困擾，跑千二泥地要前速的要求更高，上場打皇牌想跑谷草但未能入到，寧願博來泥地調轉來試場地如何。
「錶之銳」上場是否蝕內欄場地仍要估，上場走得尚算可以，但有可能贏銀紙係因為佢中途受阻所致，以往此駒試加眼罩下曾大敗而回，再加回眼罩是否變差就的確相當有隱憂。
「上浦福滿」如此配搭跑千二向下望居多。
「博愛友威」下次跑千四要吼實啦，隻馬出閘唔快跑泥地都係減多幾分就來到咯。