通識科考試點攞高分？ | hkdsegayau

1. 結構嚴密

無論同學抽取 2012 - 2019 年入面，仼何一年 DSE 通識科 past paper 嘅 marking scheme (呢度所指嘅 marking scheme 係考評局 HKEAA 官方發佈嘅 marking scheme) 同學喺通識卷一 Paper 1、卷二 Paper 2 總會見到考評局要求同學「答案結構嚴密」之類嘅字眼。

咁考生要如何作答通識題目，先可以符合到「答案結構嚴謹」嘅考評局要求呢？

通識考試每一段嘅開首要有清晰嘅主題句、結尾有小結，而卷一嘅長題目（通常指8分題）、卷二題目要有簡單、清晰嘅引言、結語係基本。

小結： 同學要喺 DSE LS 通識科入面獲高分，做到結構嚴密係通識基本功。小編喺以上內容已經略略解釋咗一啲要點，可以參考番小編所寫嘅 通識溫習筆記。

2. 概念化

通識科有六個單元，唔少同學都知道通識考試嘅時候，要將重點概念融入論點。

同學作答 DSE 通識考試嘅時候，能夠提及呢啲通識概念當然好好。然而，單單係提及通識概念，係唔足夠令同學考取 level 5 或以上嘅高分數嘅。

小編發現大部分 LS past paper 高分示例都有一個共通點：表現好嘅考生都會就所引述嘅通識 concept 加以分析，亦可以稱為「概念化」。

喺以下嘅內容，小編會以一條模擬通識題目：「香港政府應否發展郊野公園以興建公屋」嚟做例子，示範一下同學可以如何運用「概念化」，將可持續發展 sustainable development 呢個通識概念發揮得更好。

就以上嘅模擬通識題目，好多同學喺通識考試提及環保議題嘅時候，都會識得寫：因為發展郊野公園以興建公屋呢個做法唔符合可持續發展嘅原則，所以香港政府不應發展郊野公園以興建公屋。

呢種方法只係拋書包式拋咗「可持續發展」嘅概念出嚟，同學並冇加以分析、闡述，因此未能做好概念化，將通識概念融入論點。

要將概念融入分析，同學應該由可持續發展嘅定義著手：「指既能滿⾜當代的需要，⽽同時⼜不損及後代滿⾜其需要的發展模式 。」

註：以上嘅定義出處嚟自聯合國環境與發展世界委員會於 1987 年發表嘅《我們的共同未來來》World Commission on Environment and Development, published in Our Common Future (1987)。

將可持續發展 sustainable development 應用落發展郊野公園嘅示例，同學係咪應該將呢個概念嘅定義搬字過紙，寫番落通識考試卷呢？

想知答案，同埋更加多嘅通識答題技巧？即上 hkdsegayau 網站睇啦！