「閻羅蘭」同「牛頭馬面」教跟足消防調派後指引

2019/11/02 04:12:22 網誌分類: 生活

02 Nov

        　　救人要爭分奪秒，不過，好多市民叫完救護車，就即刻cut線，錯過即時為傷者急救嘅時機。一向創意多多嘅消防處，近日又推出新片，由羅蘭姐化身「閻羅蘭」，同「牛頭馬面」一齊提醒市民，等緊救護車果陣，可以跟住調派後指引，為傷病者作適當急救，令救得返嘅機會提高好多！

        　　短片中，「閻羅蘭」同「牛頭馬面」提醒未學過急救嘅市民，等緊救護車時，要保持在線，跟住調派後指引，逐步逐步簡單處理傷病者。

        　　「閻羅蘭」仲強調，消防處調派後指引有成三十幾種，遇溺、哽親等任何情況，都教到大家點樣去處理，只要大家冷靜、鎮定啲，就可以救返唔少生命！

        　　仲可以減低喺不知情下，不當處理傷病者嘅風險，又可以紓緩病者同救護車召喚者嘅緊張同憂慮O添！「任何仁」都做得到！

        Kelly Chu