「荒誕香港」
大家請不斷轉載呢篇文，因為黃絲不斷舉報呢篇文。我地更加要不斷傳播出去。 
「荒誕香港」
沒有最荒誕，只有更荒誕。
破壞鐵路就歌頌，然後無塊好肉時，鐵路停駛，就鬧人蓄意唔維修，阻塞市民。
打到異見人士變成血人，就情有可願，警察執法拘捕就叫濫捕。
拆哂路上街燈路牌係稱合理手法，表達不滿，然後又走過去埋怨交通警唔指揮交通。
打爛所有CCTV，用傘檔住啲罪行，用口罩遮住啲醜惡，轉身就話光明正大，要人交出啲CCTV，大義凜然咁話還原真相。
自己去商場貼流濃牆，唱曱甴歌，鳩嗚叫，阻人做生意就話公眾地方自由表達，警察一行入嚟執法維持治安就即刻變咗私人地方。
暴徒就嚟你屋企破壞，堵路，滋擾，放火，你去同情佢，跟住怪一班用盡努力為你回復平靜秩序嘅警察。 
你圍住別人唔俾人走就叫言論自由，別人唔認同就起人祖墳，拆人店舖，傷人放火，然後就幫人扣上個黑警、黑社會、黑店嘅高帽。
自己濫用私刑，攪到人半死不活，就搵兩個黃間條戲子幫人急救，就叫動容 ; 將人間舖變成廢墟，然後擺低兩百，就叫公義。再搵幾間傳媒老友幫你宣傳。
見到紅鬚綠眼講英文就即變死狗變奴才，甚至變屎蟲都願意 ; 望到同樣華人講普通話就即變戰士，以為自己升咗呢，即刻扮上等人，即刻狗眼看人低，點知連人家係馬來西亞、新加坡人都唔分。原來自己中文英文都唔掂。 
日日揸住外國國旗係度四圍遊蕩，做漢奸走狗，自己國家就攞嚟燒，別人話愛中國，你就話人哋愛共產黨。
問你點樣無自由，你就話將來無自由，原來自己今日已經剝奪緊人家嘅自由。
問你點樣無繁榮，你就話將來無繁榮，原來自己今日已經打爛緊整個香港嘅繁榮。
話你破壞唔啱，你就話財物緊要定人命緊要呀？話你傷人唔啱，你就話啲人抵打，你有冇睇之前嘅片段呀？
話你有冇睇片警察點解要使用武力呀？總之警察使用武力就唔啱。但暴徒嘅武力就係迫於無奈。總之咩都係迫於無奈。
唔夠人講就講就話「721，831」然後用100倍嘅暴力對付警察同老弱婦孺。 
最可悲攞住支膠槍，就當真槍。整個GIF，改少少圖，就警察掟汽油彈。兩張相，警察企係度又話入鐵路破壞，人家講兩句話死人，佢哋就信以為真，好似膠戲嘅情節咁，講到警察可以變咗神一樣變走所有人證物。
再唔夠人講，就話所有嘅壞事都係警察扮嘅。叫你係現場剝咗你所謂嘅「黑警扮暴徒」嘅面罩，等佢公諸於世，但又倒轉為呢班人拍掌。
歪理當真理，是非不分，黑白顛倒，「殺人放火金腰帶，修橋補路無屍骸」就係今日嘅香港。
唔好意思火火地，但每句都無加鹽加醋，唔似啲所謂文宣，幻想，幻想又幻想。努力啦！香港，真係夠你班人……摧毀。
https://www.facebook.com/groups/tsoshk/permalink/2358938190884142/