尖東新穎聖誕燈飾閃爆

2019/11/06 04:12:10 網誌分類: 生活

06 Nov

        　　踏入十一月，聖誕節不遠了，近月社會多事，係時候靜一靜，欣賞繽紛嘅燈飾。由東尖沙咀地產發展商聯會主辦嘅「閃爍尖東耀香江」活動，今年踏入第三十七年，區內同海濱長廊一帶多棟大廈外牆嘅燈飾由昨夜亮起，七彩悅目嘅聖誕燈飾照亮維港，為大家同訪客送上美麗嘅景致。Kelly年年都去打卡，為將盡嘅一年，留下美好嘅回憶。

        　　Kelly見到尖沙咀中心同帝國中心有新穎嘅燈飾慶祝佳節到來，以兩個多媒體幕牆嘅變色LED圓點燈，一共八萬兩千顆，總面積超過四千平方米，為大家呈現極具藝術元素及視覺效果豐富嘅全新數碼動態影像，並與維港兩岸的景色相互輝映。而麼地道沿路的三條天橋有以熱氣球為主題嘅燈飾，再利用雪花燈飾加以點綴伴襯，真係一個不能錯過嘅攝影熱點。

        Kelly Chu