Kelly Chu
Kelly Chu
Kelly Chu

首間臨海一田超市 打造日式漁人碼頭

2019/11/06 04:12:19 網誌分類: 生活
06 Nov
          北角又有新購物好去處。全新嘅一田超市(北角)昨日中午喺北角匯二期開業。新店佔地超過二萬八千呎,主打日本優質食材,仲有成個日式漁人碼頭,專攻區內年輕哈日族同品味一族,以後去多啲入貨,可以慳番來回日本機票錢。

          斥資五千一百萬港元開設嘅北角店,係一田第十二間分店,亦係港島東區首間分店。新店臨近北角海濱長廊,特地以漁人碼頭為設計概念,打造日式魚市場風情,店內店外均充滿海之鮮味。為咗慶祝新張,一田帶來兩大開店企劃,超市變身浜燒居酒屋大玩「一田海產浜燒祭」,並聯乘沖繩縣政府呈獻「一田.沖繩の祭り」。

          呢間新一田鄰近北角海濱長廊,以漁人碼頭為設計概念,讓人有種走進碼頭旁魚市場嘅感覺。為準備北角新店開張,一田早前率先推出「海の鮮味」主題宣傳車於港島鬧市快閃遊走,大派一田現金禮券及雪糕。開張後,更推出「一田海產浜燒祭」開店企劃,主打日本直送鮮活海產,將超市變身浜燒居酒屋,務求為顧客帶來耳目一新嘅食尚新風潮。Kelly已經約埋日本控朋友去入貨。

        Kelly Chu

        
■一田百貨行政總裁黃思麗(左三)與一眾嘉賓主持新店開幕禮。 p/  
 ■一田百貨行政總裁黃思麗(左三)與一眾嘉賓主持新店開幕禮。

   

回應 (0)
我要發表
user