申訴專員嘉許入境處知錯能改懂主動改善

2019/11/09 04:12:17 網誌分類: 生活

09 Nov

        　　申訴專員公署尋日舉行第二十三屆申訴專員嘉許獎頒獎典禮，表揚喺處理投訴方面達到專業水平嘅政府部門同公營機構，以及對公共行政持續作出重大貢獻嘅公職人員。本年度嘉許獎嘅公營機構大獎，係由入境處第五度奪得。申訴專員趙慧賢讚揚入境處以坦誠正面嘅態度，配合公署有關逾期未辦出生登記嘅調查，喺調查期間，已經採取改善措施。另外，香港郵政同社會福利署亦獲得嘉許獎，食環署就獲得調解獎。

        　　趙慧賢仲話，佢上任半年多以來，接觸絕大部份嘅公務員同公職人員，都係盡忠職守，以正面積極態度面對投訴，令公署可以提升本港公共行政水平，推動社會進步。Kelly認為，獲嘉許嘅政府部門同其他公職人員，都好值得畀市民知道，亦希望公務員團隊繼續努力，為市民服務！

        Kelly Chu