「炒車」受傷未影響實力爭先賽超強爆發力李慧詩再奪金

2019/11/12 04:12:15 網誌分類: 生活

12 Nov

        　　「牛下女車神」李慧詩（Sarah），早前喺今屆世界盃場地單車賽英國格拉斯哥站嘅女子競輪賽次圈唔小心「炒車」，連件象徵佢世界冠軍身份嘅「彩虹戰衣」都磨穿。不過，Sarah未有因傷影響狀態，噚日凌晨（香港時間）出戰強項女子爭先賽時，再次展現過人爆發力，再奪金牌，保持爭先賽十八個月不敗！

        　　Sarah喺爭先賽資格賽踩出十秒七五八，排名第四，直接晉級十六強。進入淘汰賽階段後，Sarah順利淘汰兩位分別來自英國同哥倫比亞嘅車手。去到四強，Sarah再以極強爆發力，直落兩場戰勝德國車手Lea Sophie Friedrich。Sarah喺決賽再遇老對手，德國車手軒絲（Emma Hinze）。Sarah在爆發力佔優下，兩場都率先衝過終點，繼亞洲錦標賽及世界盃場地單車賽白俄羅斯站，再奪爭先賽金牌。

        　　Kelly見Sarah衝線後笑到四萬咁口，都戥佢開心。到本月二十九至十二月一日，就係世界盃場地單車賽香港站，舉行地點喺將軍澳香港單車館。若大家都想為Sarah同其他港隊成員打氣，欣賞世界級比賽，可以喺城市售票網購票。Kelly希望，每位港隊成員，都可以喺主場為港爭光！

        Kelly Chu

■李慧詩女子爭先賽再奪金牌，為港爭光！

回應 (0)

我要發表

「炒車」受傷未影響實力爭先賽超強爆發力李慧詩再奪金

網誌分類

最新網誌

月曆