反色情淫亂
反色情淫亂
反色情淫亂

89年六四真相,我被騙了幾十年,你呢?

2019/11/14 21:08:58 網誌分類: 政治
14 Nov

如果我同你講,89年六四嗰日,天安門無死過人,你信唔信?嗰時北京各地,都有人死,不過死嘅係暴民同武警衝突之下嘅犧牲品。有西班牙攝製隊,拍到天安門廣場嘅學生係和平微笑噉離去嘅,但係你所睇嘅傳媒有冇話畀你聽呢個真相?嗰時有個好震撼嘅畫面係有個學生去阻擋坦克車,你所知嘅事實係唔係個學生壯烈犧牲?當時美國有報紙係話嗰位學生死咗嘅,但係其實有片拍到,個學生嘅同伴將佢拉走咗所以其實佢根本冇死到。所以當時嘅報紙同而家嘅獨媒一樣,只係話畀你聽佢想你知嘅“真相”。今時今日,科技發達,可以隨時上網見到直播等等,都尚且有咁多人容易比毒媒洗腦,顛倒是非。30年前,大家都只係能夠信報紙所講嘅時候。會唔會更易俾人煽動?近呢兩個月嘅暴力行為,令人痛心,機場打人事件,更加係香港之恥。有幸香港暫時未有人死,但係民間都唔少聲音話希望中央可以救香港。希望警察可以嚴正執法嘅市民更加非常之多。噉喺30年前嘅北京示威裏面,如果你見到武警俾人殺死,吊喺樹上,連腸都跌埋出嚟嘅時候,你真係覺得唔應該鎮壓? 當時北京各地有暴動,死左ge人包括暴徒同武警,情況失控。 如果當時唔鎮壓,唔好講話有冇人死,中國好可能會爆發內戰,分分鐘已經解體左,一定冇而家咁繁榮。 而家各學運領迪去美國生活無憂,我仲睇到柴玲之后係訪問承認佢地就係等有人死,甘冷血嘅學運領袖,佢地當初煽動學生,到底有乜居心? 個所謂報導六四解放軍開槍嗰個記者,話篇報導根本唔係佢寫嘅,佢並唔係案發現場。即係又係老作。

以上我講嘅全部有片為證可以自己去youtubx睇"64真相"。 純有感而發,其實愛唔愛中國,承唔承認自己係中國人都係自己嘅選擇,或者係身份認同問題。只係希望,大家唔好俾傳媒欺騙,為了一啲不實嘅消息而憎恨中國。

回應 (0)
我要發表
user

網誌分類