Kelly Chu
Kelly Chu
Kelly Chu

夏威夷電影節 呈獻三部港產片

2019/11/16 04:12:17 網誌分類: 生活
16 Nov
          電影創作是香港非常重要嘅創意工業,而且備受外國重視。Kelly收到料,今屆夏威夷國際電影節嘅《聚焦香港》展,將播映三部出色嘅香港電影,更會向香港經典動作電影大師吳宇森獲授終身成就獎,以表揚佢對本港電影業嘅貢獻。另外,今屆華沙五味亞洲電影節,亦設有陳果導演嘅作品回顧展。

          第三十九屆夏威夷國際電影節喺本月六至二十四日(夏威夷時間)舉行。電影節將向吳宇森導演頒發Halekulani終身成就獎致敬,仲會係《聚焦香港》展中,播映佢嘅經典作品《喋血雙雄》,紀念呢齣戲上映三十周年。吳導演日前已到達夏威夷,出席電影節嘅香港酒會,準備領獎。

          至於第十三屆華沙五味亞洲電影節喺本月十三至二十日(華沙時間)舉行,設有陳果導演的作品回顧展,放映《榴槤飄飄》、《香港有個荷李活》等作品。

          Kelly見到咁多有水準嘅港產片走出香港,感到好驕傲,希望大家可以多啲入戲院,支持本地電影,鼓勵電影人製作出更多優秀作品!

        Kelly Chu

        
  
回應 (0)
我要發表
user