陸羽仁
陸羽仁
陸羽仁

借香港施壓

2019/11/20 08:05:50 網誌分類: 經濟
20 Nov

週二美股個別發展,杜指受到Home Depot及兩隻油股拖累,收市跌102點,失守28000點,收報27934點,跌幅0.3%;標普500指數接近平手收市,收報3120點;納指創收市新高,收8570點,升幅0.2%

全美最大家居建材連鎖Home Depot昨日公布季度業績,盈利好過預期,但同店銷售數字令人失望,股價大跌5.4%,拖低杜指88點。無獨有偶,百貨連鎖Kohl’s 公布的同店銷售亦差過市場預期,令人擔心美國零售業狀況,Kohls股價昨日大插19.5%,一天之內抹去了過去三個月以來的三份之二的升幅。

除了Home Depot之外,兩桶油受到油價大跌拖累,成為推低杜指主力,雪佛龍跌1.8%;艾克森美孚跌1%,係表現第二及第四差的杜指成份股。有消息指油組+OPEC +,即油組加非油組石油生產國),面對石油需求增長疲弱,將在下月召開的石油會議上討論進一步減產的可能。不過,昨日有消息傳出,油組+的主要成員俄羅斯,只會同意延長目前每日減產120萬桶的限期以支持沙地,但不會加強減產的力度。另一個消息人士亦表示:「預計12月的討論不會輕鬆,俄羅斯不會同意在今個冬季加強減產力度。」

消息令到投資者擔心石油出現供過於求的狀況,令到油價顯著回軟,紐約期油昨日大跌3.3%55.16美元一桶。能源股成為拖住標普500指數後腿的最大阻力,能源板塊跌1.5%,係標普500指數11個板塊中表現最差。

而另一個令到壓住油價和大市的還是中美貿易談判不順。上週五(15日),白宮首席經濟顧問表示美中達成貿易協議的可能性「很高」,翌日,中國副總理劉鶴應邀與美國貿易代表萊特希澤及財長努欽通電話,之後中國商務部提到對各自核心關切進行了建設性討論等等。但有人留意到,中方公布的通告沒有使用「進展」這樣的表述。

有分析指出,中方不斷強調必須分階段等比率取消關稅,而美國總統特朗普則多次公開表示他不同意這樣做。另外,特朗普曾宣布中方將每年大舉採購400500億美元農產品,有消息指中方認為這一數字過於巨大(過去,中國每年從美國採購的農產品不足200億美元),對於在協議文本加入具體採購數字的態度謹慎,主要是萬一發生爭執,停止採購就相當於違背協議。

昨日,特朗普表示:「很簡單,如果與中國達不成協議,我將提高貿易關稅。」這可以理解為特朗普是在向中方施壓,逼中國盡快簽訂第一階段貿易協議,問題係,若關稅與採購數字都未有定案,就談不上簽約。

美國參議院通過「香港人權民主法」,由於執政共和黨控制參議院,特朗普若發功參議院大可否決,特朗普讓法案在參議院過關,現在只餘總統批准這一度關口,顯然是借此法案向中國加壓。種種跡象讓市場對中美貿易協議的進展產生懷疑,對股市當然係不利的消息。

陸羽仁

回應 (14)
我要發表
Yan
Yan 2019/11/21 07:00:09 回覆

平醫入摩 可博坐車
2019年11月21日

  恒指連續兩日大彈,隨著美國總統特朗普警告若不達成貿易協議,會對中國加徵更高關稅,加上美國參議院通過《香港人權法》,港股開市隨即受壓。由於市場憧憬內地降溫,中資股有一定支持,回調幅度尚算溫和。

  人行進行逆回購放水後,外資開始注視內地貨幣政策。瑞銀財富管理亞太區投資總監兼首席中國經濟學家胡一帆指出,中央會將明年增長目標定於6%左右,目前穩增長成為首要任務,今年宏觀槓桿或會增加約8%。今年首10個月中央已降準150個點子,預計未來半年會再降準50至100個點子,基於年底市場資金需求較多,人行下月或會再降準一次。

  飛鶴再創上市新低

  美銀美林就略為保守,該行發表報告,預期中央經濟工作會議可能在12月舉行,暗示人行進一步放寬措施,將延遲至2020年度首季才出現。

  由於中美貿易協議拉拉扯扯,但內地又有降準後着,大市估計會繼續在區間上落,大市調整後如果因為有巨股阿里上市帶動續彈,有機會就可以食一食胡。

  阿里定價基本完成,初步錄得逾40倍超額公開認購,故將啟動回撥機制,令公開發售佔比由2.5%增至10%,凍結資金初步逾1000億元,有望超越中手游(302) 股價及相關新聞 的709.49億元,成為今年新股「凍資王」兼「集資王」,成為雙冠王。

  根據外電引述消息,阿里招股價擬以176元定價,較美股周二收市價有2.8至2.9%折讓。阿里集資成功造勢,中環茶友繼續研究有無其他股份可以搭順風車。以近日消息分析,平安好醫生(1833) 股價及相關新聞 將被納入MSCI中國指數,是互聯網醫療行業中唯一入選個股,或許可以一吼。

  平安好醫生今年走勢轉強,由年初低位24元一直升上來,昨日收報59.8元,公司將於11月26日收市後入摩。如果阿里掛牌有景,該股都有機會坐順風車。

  另外,茶友曾提過的弱勢半新股中國飛鶴(6186) 股價及相關新聞 再挫5.9%,創出掛牌新低,敲冷買弱股,真係高風險玩意,買咗記住要定10%止蝕。

  內房炒降準逆市升

  A股升完兩日下跌,人仔亦轉弱,港股曾挫289點,低見26804點,之後人行公佈降低貸款市場報價利率,大市跌幅略為收窄,恒指收報26889點,跌204點,再度失守27000點大關;國指則收報10619點,跌77點,大市成交縮至625億元。瑞聲(2018) 股價及相關新聞 錄得五連升,昨日再揚1.2%,收報57.2元,是表現最佳藍籌股。

  憧憬降準下,個別內房股逆市向上,華潤置地(1109) 股價及相關新聞 升0.7%,報34.5元,升幅位居藍籌股第二位;中駿(1966) 股價及相關新聞 升1.1%,收報3.77元;中梁(2772) 股價及相關新聞 升0.9%,收報5.92元;龍湖(960) 股價及相關新聞 漲0.5%,收報32.85元。

  科網係另一個表現較好板塊,美團點評(3690) 股價及相關新聞 今日放榜,績前逆市升1.4%,收報97.3元。Google推出的雲遊戲Stadia熱賣,市場炒作將進入雲遊戲時代,個別手遊股逆市上揚。飛魚科技(1022) 股價及相關新聞 飆19%,收報0.26元;IGG(799) 股價及相關新聞 炒高7.6%,收報5.95元。

  陸羽仁

animal666
animal666 2019/11/20 20:45:34 回覆

(圖片來源:AP)

2028...

SIGH...

animal666
animal666 2019/11/20 20:45:13 回覆

//

唔買貴嘢

2017/07/25 09:28:51 網誌分類: 經濟

25Jul

          外圍股市變化不大,杜指跌66點,趁住市靜少少,我又無咁忙,答一答問題。

      近日經常有人貼我在2012年的舊文,質疑我在當年話樓貴,他們問我兩個問題,1. 點解「股平樓貴難永續」(當日文章的題)?  2. 2012年樓市是高還是低?

        簡答如下: 1. 仍然覺得股平樓貴難永續。2. 2012年樓市是高。我當日講樓升地產股唔升,兩者不會出現這麼大的差價,差價終將拉近。邏輯上之後會出現三種可能,第一樓價跌向下收窄和不高的地產股價的差距。第二地產股上升追趕樓價。第三樓價大跌樓價股價皆跌。

        如今暫時接近第二種情況,2012年樓價,以中原城市領先指數計,當年年中上升到110,比97年高位還要高。但當日恒生地產分類指數只有25000點左右。到今天中原指數升到159,地產分類指數升到36326點,中原指數升咗44.5%,地產指數升了45.3%,兩者升幅相當接近。

        唔買樓買地產股一樣升。你可以駁我買樓有槓桿,買股唔借錢無槓桿,呢樣確實係。你又可以駁我細價樓升幅比大價樓多,中原指數不完全反映現實。呢樣亦係,不過若你咁唔好彩走去買豪宅,或者新樓貴貴單位,而家比2012年跌了要蝕讓的大有樓在。

        我當日想講兩個觀點,第一是2012年樓價是高(這是第二個問題的答案,今天仍然覺得如此,不是今天更高,當日便不是高,樓價高低從租金收益率可以看到)。第二是有其他替代投資。

        第一點針對「自住的我」,第二點針對「投資的我」。先講第二點「投資的我」,這個世界有很多投資目標,不買本地港島樓去投資其他東西,可以買股票,也可以買其他地方的樓,如大陸樓,這就是所謂替代投資。最笨的如買我經常講的越秀房地產(405),每年派7厘息,2012年中3.6元,如今5元,賺價39%,加埋每年7%息,夾埋5年有70%以上回報,唔係好失禮。

        其餘如2008年、2009年我都幾經常講在大陸買樓,在2008年廣州市區天河樓1000元人仔一呎,即使到2012年也是1200、1300元人仔一呎,如今是5000元一呎,當然亦唔係咁多人買咗,我唔好講咁多,費事俾人媽我。不過對唔住,我自己過去幾年無在香港買樓,不過在大陸在倫敦買了樓,回報也不俗。所以覺得香港呢度樓貴,唔買有乜咁出奇。

        講番第一點針對「自住的我」,雖然我當日主要針對投資者,無叫人自住唔好買,我對自住用家買樓的問題都通常答案是「量力而為」,但如果你當日追問我,我會認為自住其實亦都唔太建議買。原因好簡單,我當日已覺得樓價貴,若財力唔夠夾硬去買,咁就咪制啦。

        我的心只想叫大家「控制風險」,自住樓也是長線投資,咁貴買風險幾高(今天係好高,明天可以係極高)。我見過1997年、2003年樓價大跌,好多人買了樓輸身家的慘況,有人被銀行斬倉,有人收入高頂得順,也供了20年貴樓,到今天才剛剛供完,20年收入主要拿了去供樓,特別是下跌之初頭5年,供貴樓搞到自怨自艾,搞到家嘈屋閉。所以我就扮晒巴菲特,叫大家不一定要買貴嘢。我年紀大啲,乜都見過,難免保守。

        講多兩句巴菲特,佢投資的基本點是不買貴嘢。但不冒風險不買貴嘢,貴嘢繼續升,提建議者會俾人鬧。巴菲特係芬佬,佢話試過唔買貴嘢,佢的巴郡表現跑輸大市,俾客戶日日鬧,又要沽佢隻股贖回投資,佢壓力好大,搞到電話都唔敢聽,捱幾年先至捱得過。

       都係唔好扮晒股神,我同巴菲特唔同,佢叻啲,我蠢啲。但佢搞基金怕客戶沽貨,我只係在免費網站吹吓水,無咁大壓力。我呢啲投資建議,你覺得啱睇可以睇,覺得唔啱睇可以咪睇,兩不相欠,相當自由

//

2012年樓市是高還是低?

2028...

SIGH...

animal666
animal666 2019/11/20 20:44:42 回覆

股平樓貴難永續(大結局)

2028年xx月xx日 (xx:xx AM)

 

陸羽仁

 

 

 

 

 

 

 

 

 

金融High Tea——
股平樓貴難永續(下集)
2012-07-16
      
上周五是「黑色星期五」,但股市並不黑色,內地公佈第二季經濟增長只有7.6%,市場相當冷靜,內地上證綜指微微升鰦一點都唔夠,等如無上落,收2185點。港股亦撐住19000點大關,收19092點,升67點。

        不過呢個黑色星期五去到美國仲精采,早前摩根大通深受「倫敦鯨」交易員投資失利影響,但上周五佢公佈上季業績較市場預期佳,股價勁升6%,帶動整片美國金融股抽上,再加上歐美投資者認為中國7.6%經濟增長,不是硬覑陸,杜指爆升203點,大升1.6%,終止連跌六日的頹勢,港股應有反彈,特別係跌得好殘的內銀股,應有像樣一點的反彈。

        大戶操控詮釋權

        股市就係咁,上上落落,壞消息面世時,又話「好過預期」、「其實唔係咁壞鎹」,股市升彈。股壇老雀極短炒時鍾意炒相反,認為如何詮釋市場資訊的權利在大戶手上,佢地鍾意同散戶做對手,所以要極短期炒作,只能在市場評價好差時買,在評價好好時賣。

        上星期寫了篇文「股平樓貴難永續」,講起網友「硬道理」在09年中因錯判市況,將05年入市的自住樓賣掉,然後將所有資金分段投放在A50(2823) 及工行(1398) 上,如今樓價升了,投資的股票跌了兩成多。文章見報後,迴響不少,有不少甚為專業的老友都有評價,可以寫寫他們的寶貴意見畀大家參考。

        第一,順大潮流炒作。有一個擅作價值投資的老手,睇完「硬道理」棄樓買股的手法,有此感歎,「買股票要年年有表現,其實近乎炒作,不是投資,炒作要順勢,唔講你個網友『硬道理』把自住樓賣掉,要冒上替代使用成本高升的風險(租金上升),單就炒作而言,佢鱓做法都是逆勢施為。」

        投資老手話,股神巴菲特咁成功,除鰦佢善睇公司價值,低價入市之外,佢都有「順勢投資」的味道,才不止長線有表現,而且中短期都有表現。例如佢在2002年、2003年以2元多的低價大手買入中石油(857)
,除了因為中石油股價低迷外,還睇到2002年911事件後,美國大幅降息,美元將持續走弱,石油等商品價格將長線走強的大趨勢,當時美國石油股唔便宜,就買纒中國石油股,結果食正油價連年大升的潮流,多年後就在10元以上沽出中石油獲利。

        股神都要順勢買

        又例如巴菲特在2011年1月以440億美元收購美國第二大鐵路營運商伯林頓鐵路公司(BNSF)。巴菲特雖然聲稱這次收購是對美國經濟前景的一次豪賭,但如果真係咁睇好美國經濟前景,點解係買鐵路公司而唔係買銀行?巴菲特係睇住美國正發生可能長達10年的非槓桿化過程,靠借貸賺錢的銀行唔係咁掂,投資進入低回報年代,加上油價高企,所以就買入鐵路這種回報較穩定的傳統公用事業,這種行為和李超人去英國買電廠、水廠有異曲同工之妙。當然,巴菲特偶有睇錯大潮流出事的投資,例如油價高睇好電動車,過份放大呢個行業的發展,入股比亞迪(1211)
,結果概念掂生意唔掂,股神勝在以8元入股比亞迪作價夠平,所以佢未死只是跟風者死晒。

        投資老手話「硬道理」在09年買入工行和A50基金長獱,事後睇係逆勢投資,因為阿爺在08年驚得滯大力投放4萬億救市,令股市和樓市當年升得太勁,再加上基建泡沫,觸發巨大通脹,2010年開始要收水救亡,這種收水潮,對投資內銀的氣氛不利,「硬道理」投資失利,係睇唔飱呢個收水大勢。反而好多人中短線炒纒內銀,跌得多買鱓,升一兩成走人,仲搵到食。

        第二,買樓有利長獱。我有另一個老友是極資深投資銀行前輩,佢20年前係巨型銀行的投資銀行部獱fit人,一直鍾情股票長線投資,唔喜歡買樓,當然佢亦有兩三間樓畀自己和屋企人自用,但他和香港人大多數發達方式不同,主要投資放在股票之上,而且係20、30年咁長獱。

        這位投行前輩舉鰦個例,佢話當年佢在包銷上市的公司中,揀鱓好鱓公司,用好少錢例如一、兩萬去買它們的股票(呢鱓錢在他而言只是零錢),買鰦十家八家公司股票,夾埋只是用鰦十幾萬,到而家無計歷年收的利息都值400幾萬,當中仲扣埋有一家公司執鰦笠股票變廢紙。佢話我可能唔覺得400幾萬係乜№錢,但佢只想試纒證明,長獱優質股票,獱得夠長有好回報。

        散戶買股難長獱

        當然,佢當年係投行大佬,睇住呢鱓公司上市,知道晒佢地盤數真假,佢長獱的股票有質素。佢承認呢個係事實,普通股民唔識揀,好多時會揀鰦鱓垃圾股,佢以內銀為例,雖然好多人怕內銀有壞帳黑洞,佢就唔係咁驚。呢個前投行大佬係中國好友,話中國第二季經濟仲有7.6%增長,仲話已經見鰦底,咁有乜№大問題,你睇纒歐美日的經濟有幾多增長?點解覺得美國好似安全過中國?美國最好的年代也只月3點幾巴仙增長,美國今年第1季增長只有1.9%,有幾好?所以拉長十年睇,佢唔覺得股票投資有乜問題,但你要日日問股價,日日去比較,咁就大問題囉,心理好易不平衡。

        前投行大佬話,一般人買樓好過買股,除了因為買樓有槓桿外,還因為買樓焗你長獱,但買股好易出出入入,但完全唔贊成投資者買股「游水」(將長線投資的股份高位沽出低位獱番),因為覺得大部份股民沒有合適的心理質素,所謂高沽,可能升少少沽鰦,結果只有輸錢股會長獱,賺錢股一早就沽走。內銀現價息率4厘、5厘,點解唔可以長獱?佢認為若有心理質素長獱,買樓買股都得,只要選擇低位入市獱佢十年廿年就得啦。

        第三,最怕係樓價追股價。聽完呢兩個朋友的意見,雖然好似一個話內銀唔得,一個話內銀得,其實只是中短線和長線的分別,內銀價殘,卻是大家都同意的事實。

        有一個靚女朋友上周問我,好買唔好買一個西半山樓盤投資,16000元一呎,佢想買一個500呎細單位租畀人,話利息咁平,隨時供平過租,有租金淨收入。我計一計,500呎單位盛惠800萬大元,呢鱓單幢樓實用率好低,500呎樓有300幾呎都偷笑,呎價真係貴得好緊要。但我見靚女貌美如花,好怕叫佢唔買一年後升到20000元一呎佢鈬找我晦氣,只能咁同佢講,樓價咁貴,但利息續低,升3成變20800元一呎當然有可能,但跌4成變9600元一呎也有機會,好似跌的機會大過升少少,就算升鰦上20000元一呎,兩年內賣要畀特別印花稅,利潤無鰦一大截,叫三思才好後行。

        靚女又問睇完我話「股平樓貴」,係唔係股價會大升?我見靚女一面「炒相」,好似唔炒樓想炒股咁,就提佢小心係「樓價追股價喎」,在這種百年不遇的金融海嘯中,投資唔好太冒進啦。

        陸羽仁

 

 

 

 

 

 

 

 

 

 

金融High Tea——股平樓貴難永續

      

2012-07-09

 

       中國減息沒有為上周五的市況帶來太多刺激,主要因為外圍唔好,內地股市上周五早段一度唔升仲要跌,搞到港股早段都要插,尚幸上證綜指當日午後都炒番上去,最後升1%收場,造2223點,港股都算收復失地,恒指只微跌8點。不過美股上周五又因為新增職位不理想,杜指跌124點,港股今日都要捱一捱。

      股市唔好景,炒股的人愈來愈少,傳統智慧話無人買才是投資股市最佳時機,不過在歐美大崩圍兼大放水時代,傳統智慧係唔係咁啱用,都令人存疑。股票買唔買都得,但買樓有實際使用需要,就必須處理,令人有好大煩惱。網友「硬道理」早前在頭條網留言提問,我覺得問題有普遍性,所以不妨引述一吓。

      網友「硬道理」咁講:「自問是紀律良好但不善投機的長線投資者,在09年中因錯判市況,將05年入市的自住樓賣掉,然後定下長遠投資目標,當時看好中國的長遠投資前景,將所有資金分段投放在A50(2823) 及工行(1398) 的股票之上,期間看着樓價不斷上升,雖然十分痛苦及無奈,但依然嚴守紀律,分段吸納,但3年過後,租金已將賣樓的利潤耗盡,自己的投資卻原地踏步,後期更是反覆向下調整,其中持貨較高的A50已比我入貨的平均價下跌28%,工行也下跌了22%,在後期將買貨目標轉至民行(1988) 及中銀香港(2388) 才止血,但倉位已滿,分配大概為A50 50%,工行30%,民行10%,中銀香港10%,由於A50及工行佔去總投資額的80%,令總投資虧損嚴重,本來看錯市受教訓是應該的,唯有處變不驚,靜待市況逆轉……工行、民行及中銀香港的投資,暫時偏向以不變應萬變,除非歐盟真的出現架構溶解的危機才考慮減持,這策略在這時勢還可取嗎?」

      沽樓買股受重創

      「硬道理」又問:「尤幸內子沒有給予太大壓力,亦從未有因為經濟緊逼而爭辯,但總會有片言隻語流露出對自置物業的渴求,但現在似乎在2014年利息回升之前,也看不到有再上車的時機,要說置業的好時機,可能還要再等2016年,因樓市縱然下調,開始時也會比較反覆,大量的剛性需求,會促使樓市在下跌初期不斷有小幅反彈,直至積壓已久的購買力完全釋放後,樓價便會正式受到考驗,陸老師同意這觀點嗎?」

      他又說:「由於對自己的長期投資策略開始抱有懷疑,我在銀行跟我推銷3個月超低息借貸時,借了一些額外資本,總利息成本為0.3%,我以這些額外資本嘗試以5%止蝕及高位回5%止賺的硬道理進行短炒操作,最低目標是保本,幸運地由於市況好轉,暫時的成果比預期更成功,由於要控制風險的關係,所以不打算加大短炒的資金,但的確對自己的投資紀律挽回不少信心。」

      「硬道理」的提問很長,佔了不少篇幅,希望《頭條日報》老總不要以為我在騙稿費,我覺得「硬道理」講了不少等買樓的市民的心聲,所以不妨長篇引述,我以點列回應。

      第一,賣自住樓要小心。我一直在講,如果是投資的樓,覺得樓價好高,賣咗出街,即使樓價再升,也只是賺少了,只要平常心對待即可,但賣自住樓要小心好多,這是一個百年不遇的金融海嘯,各國中央銀行也以百年不遇的手法去應對問題,結果難料。聯儲局主席伯南克的博士論文,就係議論美國1929年的大蕭條,主要觀點是若當時央行大力放鬆銀根,就不會蕭條10年咁長。伯南克如今正試驗他的理論,係唔係咁簡單放啲水就得,無人知,正因為咁,美國的利息政策係點,亦好難估。利息影響樓市,所以樓市的中短期後向無人摸得準,人人都知到加息時香港樓市好可能唔掂,但到底幾時加息呢?

      若伯南克成功救番美國經濟,可能在2014年,甚至更早就加息,樓市壓力就來。萬一相反救極都唔掂,而且再步向衰退,美國有通縮而唔係通脹問題時,只能令利息超乎想像長期低企,咁樓價又唔係咁易碌番落去。賣咗自住樓要長期租樓,好似「硬道理」老婆咁唔嘈已經好好,若一方賣樓,另一方老婆老公唔同意,鬧得一兩年,離婚都有可能,最悲哀係離咗婚樓市先至跌,證明當初賣樓的決定係啱,但一切都太遲,所以賣自住樓,除了睇市之外,還有一個感情因素要考慮。

      第二,做咗不要後悔。好似「硬道理」咁,睇落有清晰思路,有自己邏輯,就不要動搖。他的理論是樓貴股平,所以賣樓買股,而家睇落唔啱,因為樓升股唔升,佢有少少動搖,仲借錢炒股,我建議佢唔好借錢炒股,因為咁樣就開始偏離長線投資的基本策略,好易一錯再錯。堅持買股長線投資,可能5年後發現係啱。

      長揸平貨是正道

      第三,股樓背馳難永續。由於央行的行為「反常」,長期低息,大量放水,谷高通脹,推升實物資產,令房產和商品等供應好難短期增加的實物資產大幅炒起,但供應相對彈性的股市炒唔郁,結果出現內地十年股市原地踏步,樓價升咗10倍的畸型現象,雖然內地早幾年因為股改將原本不能買賣的公司大股東持股投入市場,令股票供應大增,但兩者背馳成咁,都有股票太便宜、樓價太貴之歎,恐怕差距會慢慢修正。貴嘢會跌,睇商品已睇到,反映商品價格的商品研究局指數(CRB CCI Index)去年4月上到691的高位,現已大幅回落至545,技術上跌20%已入熊市,佢已從高位跌21%,熊味不輕,再大幅下滑就確認大趨勢。CRB指數在2002年美元大跌之前,長期只是在200至250中間浮沉,未來若全球經濟再走弱,對商品需求再減,商品價格下行空間極大,其他貴價資產亦然,內地房產價格已回吐,香港樓價又能否長升不跌?當然,我講的是長線走勢,短期一年半載內樓價唔回甚至再升都唔出奇,對無樓者仍然係好大煎熬。

      第四,長揸收息唔失禮。我自己愛做長線投資者,本來好唔鍾意將長揸的股票出出入入,認為散戶點解買樓易搵大錢,買股無乜進帳,皆因持股坐唔定,升少少就走,所以一直建議「投資的我」買股要長揸。有人話而家啲股票係「呢世唔會再見到咁平」,所以你忍得住長揸,或許可以發達。不過好似「硬道理」咁,長揸A50基金和工行,而家仲要輸20、30%,心理上的確好惡頂,本來長揸A50基金有1.7厘息,好過放銀行,揸工行有5.8厘息,簡直吸引,唔睇股價就得,我的建議係揸落去,唔好低價出貨。若真係頂唔順,又估大市可能都係波動上落,可以等大市從低位升3000點時沽部份股票(只沽部份,不要清倉),博佢回吐跌番2000點時揸番,也是降低成本的方法,但要好有紀律去做,唔好太受市場影響,唔係沽咗唔去買番,就變成低位出貨,這種「游水」動作,要有定力才好做。

      最後總結,一般人覺得買樓容易炒股難,主要係揸股票無定力,買樓迫住你長揸而已。長線投資一定要買平貨,才是正道,如今樓貴股平,要長線投資,選擇清楚不過。

      陸羽仁

lch
lch 2019/11/20 13:51:21 回覆

全球政府央行劫貧濟富

現在全球政府央行把利率降至極低,如美國、日本,而歐洲更是負利率。美其名是刺激經濟、穩就業,其實是迫所有人把錢從存在銀行收息轉到投資。而以一般人的認識,主要有股票和物業。

一般人可以把錢存在銀行收息保本,由銀行專業分析,把錢用作投資或借貸给有資金需要的人或企業,賺取回報。是一個行之有效的運作。但現在政府央行把利率降到極低或負利率,一般人為了自己的存款不被侵蝕或貶值,只好自己去投資。

首先,投資股票市場,結果大家也預料到,只有很少人能賺錢,大部分人都是虧蝕,甚至血本無歸。不要說股災、金融海嘯等極差環境,就算是平日的股票巿場操作,已經可以輸錢。就算很精明,可以短期賺到錢(因為現時政府央行不斷印銀紙,刺激炒賣),也可以在股災中血本無歸(因為沒有實質企盈利支持,更高的股價也會下跌,回歸本來的價值)。賺錢的只有大户 (有能力操控巿場),從過往在股票巿場可以反映。因此一般人是被迫把自己辛苦工作賺回來的錢輸給大户。

投資物業可能比較穩定,但也是把錢送給地產商,因為你買入的物業價遠高於物業本身的價值(以近幾年的市况計)。近年物業價格不斷上升,主要是極低利率,大家都借貸炒物業。

而只有大商家或富豪可以低息借錢,而這些錢大部流入資產市場(主要是股票和物業),推高價格,這是印銀纸(量寬)的結果,而流入實體經濟的錢不多。因此資產到了極高價格時,原本的錢已不夠支撐,一就是要回落,那骨牌效應可以很大,或會形成災難。一是因政府央行繼續印銀紙。現時美國聯儲局不斷買債,就是印銀紙來支撐資產市場,可能聯儲局知道不提供資金,金融體系可能很大危機。這是個小市民給富人吃掉,富人給大財團吃掉的生態圈,政府央行正是創造這生態圈的人。

除非政府央行一直印銀紙,否則資產市場總有一天會缺錢而大幅下跌,最終也是小市民損失一生的血汗錢。如果政府央行一直印銀紙,會引發超級通漲,錢不值錢,人們對政府發行的貨幣失去信心,金融體系將會全面崩潰,人們回到以物易物或是以黃金交易的社會。那時股票市場可能已崩潰,人們的財富也煙滅,資產泡沫爆破,最終也是小巿民買單(因為大財團有資訊絕對優勢,可以避開這危機)。

當社會貧富極不均時,會引起社會動亂(近年很多地方已出現大大小小的抗爭行動),加快經濟體糸和金融體系衰退。而最终也是小市民受害。

總結現在政府央行的減息、量寬已不像以前在經濟學上所講的可以刺激經濟,因為現在有很多富可敵國的財團操控金融體系的運作,從而獲得最大利益。而政府央行就是劫貧濟富的始作俑者。

kaka422617
kaka422617 2019/11/20 13:08:08 回覆
@子龍 (kaka就是大叔的契哥)...

將軍,洗唔洗定止損位?琴日個棍大陽燭好惡 {#icons_dog5}

子龍 (kaka就是大叔的契哥)
子龍 (kaka就是大叔的契哥) 2019/11/20 12:18:09 回覆

kaka: 一日淡友  一世淡友........救我..... {#iconb_67}

fly兄: 很久不見  大灣區可以投資嗎??? {#iconb_214}

fly仔
fly仔 2019/11/20 11:51:29 回覆

陸SIR, 

好耐無見, 特來支持一下 {#icons_boy9}

kaka422617
kaka422617 2019/11/20 10:01:31 回覆
@子龍 (kaka就是大叔的契哥)...

將軍,子龍淡軍仍在場內嗎? {#icons_dog5}

子龍 (kaka就是大叔的契哥)
子龍 (kaka就是大叔的契哥) 2019/11/20 09:36:36 回覆

美少女進場..... {#iconb_3135}

大戶終結者 ( 等人齊 )
大戶終結者 ( 等人齊 ) 2019/11/20 09:30:08 回覆

{#iconb_62}

Yan
Yan 2019/11/20 09:18:19 回覆

阿里效應熱炒冷敲
2019年11月20日

  中美貿易協議好事多磨,未知與美股近日威威,總統特朗普不急於求成有無關係。總之美股繼續創新高,內地股市繼續反彈,港股就繼續追落後。

  港股連續兩日大彈,合計升超過700點。喺理大攻防戰後,社運未有新發展,市場焦點落在阿里巴巴(9988) 股價及相關新聞 招股上。一如先前估計,巨股集資前市況偏向維穩,加上阿里第一上市地點華爾街牛氣沖天,所以公司快手提前結束國際配售定價。

  港交所已有胡食

  按照目前氣氛,阿里有可能會以較高價招股,籌集資金接近1000億元。公司呢次上市,包裝成功之處係預先滲透這次來港主要目的不是為了集資,減低市場對大抽水的壓逼感,最重要當然係美股強勢,利好國際投資者反應。

  阿里來港第二上市,最大得益者之一當然係港交所(388) 股價及相關新聞,因為以阿里在美國交投來看,將會對港股成交有明顯刺激。港交所股價昨日急升2.8%,報251.8元。

  要留意的是,雖然港美兩地股份可以互通,但將來有多少股份會在香港買賣,暫時仲係未知之數。現時招股的1000億元股份,只係幾個百分點的股權,究竟未來交投有幾旺熱,要遲點先見真章,但炒股炒概念,朦朦朧朧仲好炒過睇得真。

  炒阿里上市不如炒港交所,這一招已經有胡食。中環茶友話,如果阿里掛牌熱熱鬧鬧,有隻冷股都可以留意。呢隻股叫做中國飛鶴(6186) 股價及相關新聞 ,該股在10月招股,撞正好多公司上市,當然反應麻麻,要以下限7.5元定價,跟住仲首掛破底,昨日收報7.14元,大升市中只係微升4仙,相當弱勢。

  吼弱股要嚴守止蝕

  中國飛鶴係內地配方奶粉生產商,曾經同阿里一樣喺美國上市,幾年前在美國退市,之後再在香港掛牌。該股市值超過600億元,如果喜歡燒冷灶的投資者,可以留意近日走勢,會不會趁住阿里熱炒。不過,炒這類弱勢半新冷股,必須做好止蝕準備先好進場。

  喺巨股上市吹起暖風下,加上內地人行日前逆回購操作,是四年來首次調降逆回購利率,市場憧憬內地減息,刺激A股造好,恒指重上二萬七大關,收報27093點,升412點;國指收報10696點,漲140點,成交金額799億元。

  除了港交所外,騰訊(700) 股價及相關新聞 亦連日造好,昨日再急升2%,收報336.6元;石藥集團(1093) 股價及相關新聞 公佈業績後回吐,之後獲瑞信續予「跑贏大市」評級,股價曾飆6%,創逾一年新高,收報21.3元,升3.7%。同一板塊的中生製藥(1177) 股價及相關新聞 升4.9%,收報11.68元,是五日以來高位;翰森製藥(3692) 股價及相關新聞 升2.6%,收報26.05元。

  內需股亦受追捧,旺旺(151) 股價及相關新聞 公佈業績後股價造好,收升4.5%,報6.68元;蒙牛(2319) 股價及相關新聞 升3%,收報30元;周黑鴨(1458) 股價及相關新聞 飆升22%後停牌,待發澄清公告,該股停牌前報4.68元;統一(220) 股價及相關新聞 揚3.4%,收報7.88元。

  陸羽仁

kaka422617
kaka422617 2019/11/20 09:17:30 回覆

各位早

animal666
animal666 2019/11/20 08:41:37 回覆

盧永雄我DLLMCFH

2028...

SIGH...

user

最新回應

大笨袋鼠
大笨袋鼠 2019/12/07
@Sparky...

The standard you walk past is the standard you accept. - David Hurley

For "Friends" in silence... {#icons_cat3}

大笨袋鼠
大笨袋鼠 2019/12/07
@Sparky...

Conscientiousness is the personality trait of being careful, or diligent. - 維基百科

diligent as in "due diligence" (盡職審查)

Conscientious Stupidity -『盡責的愚昧』?

Nothing in all the world is more dangerous than sincere ignorance and conscientious stupidity

呢個世界上,無嘢比得上 『真心地去無知 及 盡努力去笨柒』 嚟得更加危險

註: 港式粵語用嘅『去』字(走去),同書面語用嘅『去』字(除去),係相反意思

Sparky
Sparky 2019/12/07
@Sparky...

“真誠的無知,
 良知的愚昧”

Sparky
Sparky 2019/12/07
@大笨袋鼠...

"conscientious stupidity" :

something's lost in translation!